Wakkagagerak 20:16 - Ala Wone Peenok Peebi Mbanak

¹⁶ Yoge nagagerik, kwe Tara nogo yoge logonet, “It koreewi kinom wonogwe nogo abok nen, At kwe Tara ti, abet aret maluk eeppuulik obeelom aret porogo wonagaarak kombaruwak nduk, an kat koweeluk wu mbuti perak seribu yi wogogi o. Yi eekirak paga, Kwe yi, maluk lek abu obeelom aret, yokkogo logowak nduk eeki o,” yoreegerak.

Wakkagagerak 20:16 ပူးပေါင်းရင်းမြစ်များ

Wakkagagerak 20:17

At Abimelek nen at Abarakam akwe Tara nogo waganeegerak paga it kumi Abimelek ame wonogwe nogo tigitogon wubili agago piyareegerak me, ti'nuk, inaagalogwe ndaganako logowak nduk, at Abarakam nen tamban eeginake mbareegi, at Ala nen Abimelek inom, akwe inom, ayeloman komologwe nogo inom, obeelom agago piyareegerak.

Wakkagagerak 20:5

At Abarakam alik nen mban, An nawuluk o, yo'negerak nogo lek a? Ndi, at kwe Tara nen togon, Yi noweeluk o, ari mbaki, Yi abet aret yaga, yinuk, neenggi paga nen maluk ambi eeppuulik niniki abe paga waganggirak kwe, yo'negen o, nogoba.”

Wakkagagerak 24:65

at Abarakam ayeloman nogo yoge logonet, “Aap yabume nen nit pe'niya wage ti ta o?” Yoge mbareegi, at Abarakam ayeloman nen ari logonet, “An nogoba nogo ti aret o.” Yoge mbareegi, at Iribaka nogo mbogoyum inetenggen nobakkologo menggaarak nogo mendek waganogo at etenggen nobakkolagagerak.

Wakkagagerak 26:11

Yoge nagagerik, at Abimelek nen awuri abok aret inaruk wake logonet, “Kit ambi nen aap Itak akwe imbirak yi, maluk ambi eeppiigwi kiinok, at mondok wariyak aret o,” yinuk, yoragagerak.

Kini Wuppiige 12:1

Aap ambi nen aruk wakwi inikilom mbake kenok, yi wone ndi wone eenu ariyak inikilom mbake menggerak kwe, Aap ambi nen aruk wakwi eebi mbake kenok perak, aap ti, iniki lek wi negen aret menggerak.

Kini Wuppiige 25:12

Aap iniki warak nen, “Naruk wakwi nogo liirogon konenikit,” mbake nogo ti, Mbuti emas paga inamberaarenggen yarak yiko mengga kwak, Emas at mendek paga inobaanggi-inobaangge eeko mengga kwak, Aret wonage menggerak.

Kini Wuppiige 27:5

Kin paga inaruk wako logorak ti op aret kwe, Inabuwa mbakwi nogo tebembunuk logorak perak, maluk o.

Yunut 1:6

aap yiiro unde nogo kwaakkage nagagerik, yoge logonet, “Yogop ee'ninake kagak nonggoti nogo mban yege agandik? At liippinaninuk, nit lek eerogo pinaniyak lek ninagap ndariyak kagak eerukwak, mi'na'nuk, kagugi yoru o.”

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.