Wakkagagerak 20:13 - Ala Wone Peenok Peebi Mbanak

¹³ At Ala nen, Kat kogoba inom menggaarak abok aret teppiige logomenggendik, aakumi inenggela'me time yaye mbanggak ndaye mbanggak nege logot o, yo'nege mbareegi, an nen nakwe yoge logonet, Kat nen an nabuwa mbake keenok, nit yi awi ndi awi unggwit nogo logonet, Aap yi noweeluk aret, yorage logorak o, yinuk, yoreegirak me, yogoorak o,” yoreegerak.

Wakkagagerak 20:13 ပူးပေါင်းရင်းမြစ်များ

Wakkagagerak 12:1

O Karan nogome aret wonogwe me, at Aliku ALA nen Abaram yoge logonet, “Kanggween inom, kowe-kawot inom, koreewi kinagunu ambi'me kinom menggendak inom, mondok teppiige logomenggendik, an nen o kat logowam ambi titikkege neenok, time aret nanu o.

Wakkagagerak 12:9

Ti eeke nagagerik, peebi nen, o nogome teppunuk o ambime nen ambime unggwagak eerit o Kanan, o ame pa'nggwe karume nggwok time aret ari nagagerak.

Wakkagagerak 20:12

Yoge nagagerik, “At kwe yi, an nawuluk abet aret o. Ninogoba ambit aret kwe, ninagalomini perak, alitak me, waganeegirak o.

Wakkagagerak 20:5

At Abarakam alik nen mban, An nawuluk o, yo'negerak nogo lek a? Ndi, at kwe Tara nen togon, Yi noweeluk o, ari mbaki, Yi abet aret yaga, yinuk, neenggi paga nen maluk ambi eeppuulik niniki abe paga waganggirak kwe, yo'negen o, nogoba.”

Ndawi 64:5

Maluk eeriyak koonggo logonet piyok ari kero, At ambi nen at ambi omaawi eeppegak eekwi, It nen yogo logonet, “Nit aap yilunogo puurak wone koonggwi yi, Ta nen eenu age mbakop? Lek aret me, Kote eeppiinet nogo logowok o,” yinuk, yogwe,

Nappiigak 5:9

Yoge mbareegi, Peterut nen at yoge logonet, “Kogonggelo kimbirak wone ambit mbambogo nogotik, nonggop nduk ninogoba Aberiniki ambokan laganggotak? Kimbirak Aberiniki ambokan laganggotak me, it aap kat kogonggelo nggween taambi nagaarak nogo nen yogondak kat kunduk wokkeren noorak nduk, tungga'nggi paga unggwi wogwe yi iyet o.”

Iberani 11:8

Ndi, at Abarakam kunduk, Ala nen, “Eyate kwak nggween ambi kat unde logonok nduk, wokkirigin me, nak o,” yoge mbareegi, o ti, eenggo'lek kwe kagak, “Abet aret wo'nirigin,” mba'nuk, nagagerak.

1 Tamuwen 23:21

Yogo mbareegwa, at Tawun nen it yorage logonet, “Kit nabuwa nombakotak me, at Aliku ALA ale'nggen kinoba pinagage logowak o.