Wakkagagerak 20:1 - Ala Wone Peenok Peebi Mbanak

¹ Ti'nuk, at Abarakam nen o Mamere nogo teppunuk, o Kanan o ame pa'nggwe karume time wage nagagerik, o Kareti Tiyut imbirak anu-ogwe nakkagak oolo time wonagagerik, ti'nuk luulu negen o Nggerat nanuk wonagagerak.

Wakkagagerak 20:1 ပူးပေါင်းရင်းမြစ်များ

Wakkagagerak 10:19

inanggween nogo ti, o Tiron nen o Nggerat pa'nggwe Nggata kuli inom, ndi, o Torom, Nggomora, Arama, Teboyim pa'nggwe o Lata kuli inom, aret unde eekkologogwaarak.

Wakkagagerak 12:9

Ti eeke nagagerik, peebi nen, o nogome teppunuk o ambime nen ambime unggwagak eerit o Kanan, o ame pa'nggwe karume nggwok time aret ari nagagerak.

Wakkagagerak 13:1

Ndi, at Abaram nogo akwe inom, amindik-amendek inom, abok aret wonok o Metit nen wundi wogo logonet, at oweeluk aput Lot nogo inom o Kanan, o ame pa'nggwe karume nogome unggwi wogogwaarak.

Wakkagagerak 14:7

Piya wogo nogogwaarik, ti'nuk, iniyok paga yungguninuk nogo logonet, o endage En-Mitapat endage ambi Kareti nogome it aap Amalek mendek menggam wonogwe nogo abok aret inoorogo piigo nogogwaarik, it aap Amori o Kateton-Tamat wonogwe nogo kunduk inom tigitogon pup eerogo inoorit nogogwaarak.

Wakkagagerak 16:1

At Abaram nogo, o Kanan ari nanuk, tahun 10 ari nage kagak, at akwe Tarayi nogo aagalogwe Abaram obaane'me ndaganaka'lek wubili aret wonagagerak. Ndi, at ayeloman ambi o Metit mendek kolaga endage Agat aret wonagagerak me, at Tarayi nogo nen Abaram yoge logonet, “At Aliku ALA nen an naagaluk ndariyak nduk eeppanega'lek me, nayeloman kolaga Agat yi nen aret an nake naagalogwe nda'niruwak nduk kat kimbirak nogo yu o.” Yoge mbareegi, at Abaram nogo Tarayi nen yoreegerak op mbake mbareegi, akwe Tarayi nen ayeloman o Metit mendek Agat nogo, Abaram akwe kolaawak nduk wogoreegerak.

Wakkagagerak 16:14

Ala endage togop aret tooneegerak me, o Kareti anu, o Mberet ogwe, kagak oolo niyo eneeri nggween kabunik aakumi nen, “Niyo nggween kabunik yi, at Eenik Itok Menggerak Nen Enegen Neege Menggim o,” yinuk, yogo logogun.

Wakkagagerak 16:7

Kole mbaganit niyo eneeri wungge menggim o Tut nogo menggam tu paga karume time ari wagagerak wonage me, at Aliku ALA ayonggo malayikat ka wage nagagerik,

Wakkagagerak 18:1

Ne ambi paga at Abarakam nogo o Mamere eyo teno alome taati o liingge mo andi ambik mbareegi, awooliyana tungga'nggi paga kwi'ndak wonage me, at Aliku ALA nen nikka wagagerak.

Wakkagagerak 21:34

Ti eeke nagagerik, at Abarakam nogo aakumi Pilitin wonogo menggam mban aret wonagagerak.

Wakkagagerak 24:62

O Kanan karume o ame pa'nggwe at Itak ame time nen niyo tookak nggween kabunik endage, At Itok Menggerak Nen Enegen Liippaneegim, nogo kagak wage nagagerik,

Wakkagagerak 25:18

at ombomini kambunuk nogogwam nggwogoba wonogwe me nogome iya nagagerak. Ndi, at apuri wiganak nogo perak, o Atiyut nogo menggam o Kawila iru nakkagak, o Tiyut ogwe nakkagak, oonegen lagi wage menggim pa'nggwe o Metit koorok kagak, oolo time aret ye mbanggologogwaarak. Nogome wonogo logonet, inoreewi ando inom lambungga'lek it inalik eenggi mbanak ogoorak aret wonogogwaarak.

Wakkagagerak 26:1

Ne ambi paga o nogome mbi noogelo o maan at Abarakam wonage kagak eereegerak nogo ndak-ndak aret agagerak. Age mbareegi, at Itak nogo aap Pilitin inowe endagembogut Abimelek unde menggim o Nggerat nogome nagagerak.

Wakkagagerak 26:20

Nggwok aret yenggeneegerak kwe, it aap o Nggerat kambin-ndomba ndegeninako menggaarak mendek nen at Itak ayeloman mini nogo inom wone wako logonet, “Niyo yi ti, nit ninaniyo,” yinuk, nili-kili wone wareegwaarak me, at Itak nen niyo nggween kabunik nogo endage, “Ili Wone Wareegwam o,” yinuk, tooneegerak.

Wakkagagerak 26:26

At Itak nogome wonage me, ne ambi paga at Abimelek nogo awuri mbere, ambi wone eyak wappegak endage Akutat, ndi, ambi aap yigin unde inowe endage Pikon, imbirak Abimelek inom o Nggerat nen at Itak wonage me ka wogogwaarak.

Wakkagagerak 26:6

Yoge mbareegi, at Itak nogo o Nggerat time aret puk agagerak.

Ndawi 29:8

Aliku ALA oone paga nen O karume nuk-nuk eerogo pege, O Kareti karume ndipuk eerogo pit nage,

Wundeegwaarak 15:22

At Muta nen aakumi Iterali mendek nogo niyo nggwok Yenggenak Laut Merah paga nen o Tiyut karume time wogoren wage kagak, ne kenagan paga niyo nengga'lek aret

Linggineegwaarak 13:26

It aap o Kanan yombooni nogogwaarak nogo at Muta inom, Karun inom, it aakumi Iterali mendek abok aret inom, o Kareti Paran karume nogome wonogwe me, iya wogo nogogwaarik, it o inigen kogogwaarak nogo mbininogo yorogo logonet, anggen mbaneegwaarak nogo titik irogogwaarak.

Linggineegwaarak 20:16

ninoone nggwok paga Aliku ALA yogo mbareegu, aruk konengge nagagerik, malayikat mendek ambi nappi wagagerak paga o Metit nen wo'niren wundi wage nagagerik, kit kinanggween kuli paga o Kareti pinani wagaarak me, yogondak time ogoorik o.

Pelaareegerak 1:19

Yorage nagagerik, ti'nuk, ambi yorage logonet, “At Aliku ninogoba Ala nen wone yo'niragagerak nogo ndak-ndak nit o puut Korep nen tu o karu nggwok nonggologo pereegim mondok iya tit kagak o puut nggelok-nggobok aap Amori menggam pa'nggwe nen nok, o Kareti-Mbareneya aret ari wogogurak kineenu nogo o.

Pelaareegerak 32:51

Kit kimbirak ti, niyo Meriba eneeri wungge menggim o Tin karume tini Kareti koorok nogome logonet, it aakumi Iterali inenggaanom paga an kikak naka'lek abu obeelom minggirak neyaawak nduk, eeriyak op kwe, kiniki an noba panggombunuk, nayuk wurulik eereegutak me,

1 Tamuwen 15:7

Wundi nogo mbareegwa, at Tawun awuri inom nen it aakumi Amalek mendek inom wim perenggologo logonet, o Kawila nen inoorit nok o Tiyut pa'nggwe nen oonegen wundi wage menggim o Metit kuli piya nogogwaarak.