Wakkagagerak 2:24 - Ala Wone Peenok Peebi Mbanak

²⁴ Kwe nogo ti aap paga wogo me, aap nen agalo-ogoba mbo piinok, akweeluk imbirak ambit a'nuk, it imbirak ineebe mbere kwe, ambit aret logogun o.

Wakkagagerak 2:24 ပူးပေါင်းရင်းမြစ်များ

Wakkagagerak 4:19

Ndi, at Lamek nogo nen perak, akuwi mbere inendage Ara Tila imbirak wogonabeegerak.

Ndawi 45:10

Togop me, kat kolaga yi wae. Karuk o! Wone an yokkege yi, liippege, karuk konengge, Eeke logot o. Kat abu kigirikwe keenok, aap endagembogut ti, Iniki kat paga perenggerak wonage me, “Nogoba at aret o,” yinuk, Kat mendek inom, kogoba inom menggaarak inom, Mbo piinok, at abu'me tebe yi namunggun o.

Kini Wuppiige 12:4

Kwe ambi obaabut abu obeelom nogo ti, ogonggelo enggare-nggare kwak aret menggerak kwe, Kwe ambi ogonggelo enggali eerogo pit nage kenok perak, ogonggelo owa'na nenet unggwage menggi kwak aret menggerak.

Kini Wuppiige 31:10

Kwe ambi obaabut abu abe nggeeme wonage mbakop? Kwe ambi obaabut abu abe nogo ti, Yugum kere'li-kere'lo aago onggo nggwok aret kwe, kwe ti nogo abu iya lombok wonage,

Nappiigak 11:23

At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.

Oroma 7:2

Wone wakkagak ambi yokkira o. Wone eeko logorak yugu nogo mugurok nogo logonet, kwe ambi onggo pugu kenok, ogonggelo eenik kagak, oone konengge logomenggerak kwe, kangge kenok perak, wone yugu eeke logomenggerak nogo lek aret aremenggerak me, wondet aago aret nege logogin o.

Pelaareegerak 10:20

At Aliku kinogoba Ala kinagabiti mbakwi, kiniki at paga mban panggonak logonet mugurok nogwe, ndi, at endage kunogo kumbuk mbanggwi, eeko logonip o.

Pelaareegerak 4:4

Ndi, kit perak, kiniki at Aliku kinogoba Ala oba panggombunuk, mugurok nogwe nogo paga o yogondak kineenik wonogwe yi aret.

1 Timotiyut 5:14

Togop me, it kumi ti nen ambi eeremenggaarak paga it ninom ogoorak nogo nen ninenggali wappinanukwak, it kumi ndugum me togwe piyamenggerak nogo, inogonggelomini kologwe, inaagalogwe ndaganakwi, inamelak wogo eekwi, eeko logorak op aret mbake agarik o.

Yotuwa 23:8

Ata, aa'nduk eeko nogogutak nogo ndak-ndak aret, yogondak kunduk at Aliku kinogoba Ala mban kiniki oba panggombunuk logonip o.

1 Tamuwen 25:43

At Tawun nogo nen apuluk Mikan Ndawut akwe nogo ndinogo aap o Nggalim mendek Layit apuluk Paliti wogoge mbareegi, at Ndawut kwe o Yiteren mendek endage Akinowam aa'nduk waganeegerak wonage me, kwe Abigayin nogo inom aret kolagagerak.