Wakkagagerak 2:18 - Ala Wone Peenok Peebi Mbanak

¹⁸ Yoge nagagerik, at Aliku Ala nen ari logonet, “At aap yi, alik mban logorak ti, meek aret me, ore yeenggwaage logorak at ndak-ndak kero ambi ogobakkigirikit o,” yereegerak.

Wakkagagerak 2:18 ပူးပေါင်းရင်းမြစ်များ

Wakkagagerak 1:31

At Ala nen yi mendek ndi mendek wakkagagerak nogo abok aret enegen kage nagagerik, “Abu obeelom aret kagi,” mbareegerak. Ti eereegerak nogo o kiip age, o weege, eeke ne ambi 6 aret agagerak.

Wakkagagerak 2:20

Piya wage mbareegi, aap Aram nogo nen yi mendek ndi mendek inigen mbolok lek anebunu lombok inom, yirowe-ndirowe wiga agan nugu menggaarak inom, yi mendek ndi mendek inigen mbolok kwi anebunu lombok inom, abok aret inendage inalitak lombok toonogo piyareegerak. Toonogo piinet nagagerak op aret wonogogwaarak kwe, aap Aram perak, ore yeenggwaage logorak at ndak-ndak ambi lek aret kagagerak.

Wakkagagerak 3:12

Yoge mbareegi, at aap nogo nen, “Kwe nimbirak logowak nduk wo'negendak nogo nen eyoonggen nogo mbanogo wo'nege mbaki, ninggirak o.”

Kini Wuppiige 18:22

Aap ambi nen akwe kolage kenok, abe mendek aret kolamenggerak me, Aliku ALA nen ale'nggen eeppege logogin o.

1 Korindut 7:36

Aap ambi nen kwe yiindi pege nagaatik, “Mbet-mbet lambumbaniyak lek o,” yinuk, ari kwe, ti'nuk, kolaga nogo abu tawe age kenok, aap nogo iniki aganggen nen, “Nakwe nimbirak lambumbaniyak,” mbake kenok, ti maluk lek me, lambumbiyoorak op aret kwe,

1 Peterut 3:7

Togop me, yogondak kit aap kinakuwi warak nen eeko logorak ambi yokkira o. It kumi ineebe ndeyak inomaawi lek wonogwe me, kinakuwi kinom logonet, inabuwa mba'nuk yeenggwaarogwe, ndi, kiniki ogoorak logonet, kinom tamban eeriyak meek eekkinake kero, “Ala ninabuwa nen nineenik mondok logorak mendek ninakuwi ninom ndak-ndak unde eeppinanigin o,” yinuk, obeelom eeppiigwi, eeko logonip o.

Urut 3:1

Ti'nuk, ne ambi paga at Urut eenggelo Nawomi nen Urut yoge logonet, “Neenggelo o. Kiniki kwi'ndak ale'nggen logonok nduk, o ambi kwaakkiri ilik?