Wakkagagerak 2:14 - Ala Wone Peenok Peebi Mbanak

¹⁴ Ndi, niyo elaganggen ambi kinogo nappereegerak nogo endage Tigirit aret. Niyo Tigirit nogo ti, o Atiyut ambo'me oonegen wundi wage menggim pa'nggwe time aret nage menggerak. Ndi, niyo elaganggen ambi kinogo nappereegerak nogo endage Eparat aret.

Wakkagagerak 2:14 ပူးပေါင်းရင်းမြစ်များ

Wakkagagerak 10:11

Time nen at o Atiyut nage nagagerik, o Niniwe inom, Erekobot inom, Kala inom,

Wakkagagerak 10:22

Tem apuri ti, Elam, Atiyut, Arapakatat, Luri, Aram, aret ndaganabeegerak.

Wakkagagerak 15:18

Ne ti eyom paga at Aliku ALA nen Abaram yoge logonet, “Nggween yi abok aret niyo Metit kuli nen, nok-nok niyo nggwok Eparat kuli ti, kat kapuri ndaganabemenggendak nogo wogoragi o.

Wakkagagerak 2:13

Ndi, niyo elaganggen ambi kinogo nappereegerak nogo ti, endage Nggikon aret. Niyo Nggikon nogo o Kuti time abok aret yelok-nggolok nage menggerak.

Wakkagagerak 2:15

Ti'nuk, at Aliku Ala nen aap nogo awi yarak arum logonet, yabu eerit nage logowak nduk, o Eren nogome aret pereegerak.

Wakkagagerak 25:18

at ombomini kambunuk nogogwam nggwogoba wonogwe me nogome iya nagagerak. Ndi, at apuri wiganak nogo perak, o Atiyut nogo menggam o Kawila iru nakkagak, o Tiyut ogwe nakkagak, oonegen lagi wage menggim pa'nggwe o Metit koorok kagak, oolo time aret ye mbanggologogwaarak. Nogome wonogo logonet, inoreewi ando inom lambungga'lek it inalik eenggi mbanak ogoorak aret wonogogwaarak.

Yetikiyen 23:23

it Mbaben mendek inom, Katirim mendek abok aret inom, aap Pekot mendek, Towa mendek, Kowa mendek nogo inom, aakumi Atiyut mendek abok aret it inom, abok aret ti, aap tawe amuni mbanak o unde waka inom, aap ineegin warak inoweewi inom, nggweendo paga wim eeka inoweewi inom, aap inendage warak inom, it abok kuda paga nega nogo ti,

Ndaniyen 10:4

Eeke nagagirik, tut aa'nduk penenak tanggal 24 tahun ti paga an niyo nggwok Tigirit aa'nggi paga mi'ndak wonage logonet,

Pelaareegerak 1:7

o yogondak yi paga aret kinawooliya wurik minogo kologo logomonggotik, aap Amori mendek inanggween puut nggelok-nggobok time unggwogwe, it aakumi korotok menggaarak o Araba kobak nabunogo pereegim nggelok-nggobok wonogwe me unggwogwe, puut lunik me wonogwe me unggwogwe, o Kanan o ame pa'nggwe karume wonogwe me unggwogwe, niyo nggwok yenggenak aa'nggi paga wonogwe me unggwogwe, it aakumi o Kanan time wonogwe me unggwogwe, ndi, o Libanon niyo nggwok Eparat kuli time aret unggwogwe, eerit nanip o.

Pelaareegerak 11:24

Inanggween kit logorak ti, o karume nen nugwa, puut Libanon kuli inom, niyo Eparat nen nugwa, niyo nggwok yenggenak oonegen kilu yi nage menggim pa'nggwe inom, kiniyok pit namonggo'nom time abok aret kit unde a'nuk logomunggup o.

Wayu 9:14

“Malayikat ineebe 4 niyo nggwok Eparat aa'nggi paga keele maarak wonogwe nogo, mbet piinogo nappiyet o,” yinuk, at malayikat trompet oone eekerak nogo yoge mbaki,