Wakkagagerak 2:1 - Ala Wone Peenok Peebi Mbanak

¹ Ti eeppege nagagerik, mbogut inom, nggween inom, yi mendek ndi mendek abu tigitogon aret wakkagagerak nogo ti aret.

Wakkagagerak 2:1 ပူးပေါင်းရင်းမြစ်များ

Wakkagagerak 1:1

O maan aa'nduk at Ala nen mbogut inom, nggween inom, wakkagagerak.

Wakkagagerak 1:10

Ti age mbareegi, at Ala nen nggween kenom agagerak nogo endage Nggween toongge, ndi, niyo ambit me yenggennagagerak nogo endage, “Niyo Nggwok Yenggenak Laut,” toongge, eereegerak. Ti eereegerak nogo at Ala nen, “Obeelom aret kagi,” mbareegerak.

Wakkagagerak 2:4

At Ala nen yi mendek ndi mendek abok tigitogon wakkagagerak wone nogo ti aret o. At Aliku Ala nen mbogut-nggween wakkagagerak ti eyom paga

2 Endagembogut 19:15

Mbiganogo punuk, tamban paga Aliku ALA yoge logonet, “Kaliku Iterali inogoba Ala o. Malayikat kwak kerub aru-ogwe iigak, kat oolo wone lengganogo yorage menggenom wonage, kat Ala kalik aret me, o nggween paga yime yi aakumi ndi aakumi abok aret inabu'me piigo menggam kat mban kabu'me piinok wonage, eeke menggendak o. Mbogut-nggween kunduk, kat nen aret wakkagagindak me,

2 Mbinineegwaarak 2:12

Ari nagagerik, ambinom yoge logonet, “Wulaga ambi iniki warak inom, iniki ngget inom, liippunuk, koongge logorak mendek inom, nogo mendek wonage menggi kwak, liippunuk, ndaruwak nduk, Ala nen aap endagembogut Ndawut eeppege mbareegi, Ndawut ndareegerak nogo nen Aliku ALA awi wurogo pege, ndi, kat kawi o nggwok abe wurogo pake, eeriyak kooneegindak me, at mbogut nggween wakkagagerak aakumi Iterali inogoba Aliku Ala endage alut eeke agarik o.

Nekemiya 9:6

Kaliku ALA kalik aret menggendak o. Kat nen mbogut inom, mbogut ta'mbanak irimbaga inom, laaluguragan abinak kwindagala eeke nogo inom, o nggween inom, yi mendek ndi mendek nggween paga wonage inom, niyo yenggenak laut inom, niyo yenggenak laut inikime menggaarak inom, abok aret ogobakkigirogo pit nagagindak o. Yi mendek ndi mendek abok aret ki logowak nduk, eerogo piige, nit aakumi nineenik logowok nduk, eerogo pinanege, eeke menggendak me, it mbogut paga menggaarak abok aret inendobanggun yindumbunuk kalut eeko menggaarak o.

Ayup 12:9

Yi mendek ndi mendek arit wage menggerak nogo, Aliku ALA nen aret eerit wage menggerak it ambi ineenggo'lek lek abok ineenu aret o.

Ndawi 104:2

Kabinak paga keebe lenggembatinuk wonage, Yum tabak paga ooliya lenggenogo punuk mengga kwak, Kat togop aret mbogut mbiganogo punuk wonage,

Ndawi 146:6

Mbogut inom, nggween inom, niyo kole laut inom, Yi niyo ndi niyo inikime menggaarak abok inom, Ogobakkigirogo piyareegerak inogoba Aliku Ala aret o. Aliku ALA yorage nagaatik, Li'lak mondok-mondok eeppiinet wundi wage,

Ndawi 33:6

At Aliku ALA oone ari kagak, Mbogut-nggween aret age, At ambe aagi wungge kagak, Laaluguragan ninggirogo piinet nage,

Wundeegwaarak 20:11

Naliku an ALA nen mbogut-nggween inom, niyo inom, yi mendek ndi mendek abok aret wakkage neegak, ne 6 wonagagirik, ko'lu paga yonggonggolagagirak me, ko'lu ti, Naliku ALA nale'nggen mbake logonet, nake leenogo pateegirak o.

Wundeegwaarak 31:17

An inom, aakumi Iterali inom, mondok-mondok abeko logowok nduk, Naliku an ALA nen ne 1 nen nok ne 6 kuli mbogut-nggween wakkage nagagirik, ko'lu paga yabu eeka'lek we puk tat yonggonggolage wonagagirak nogo it aberak wonogwe iinok, an it ninom niniki kunik wonogwe neenu arigin, yegerak, yoret o,” yinuk, yoreegerak.

Yetaya 34:4

Laaluguragan ninggirik wonage nogo amburu tigi-tigi wungge logonet, lek age, Mbuku perek-parek aago kwak mbogut togop aret perek-parek eerogo pege, Eyo win engga mono-mono wangge, wuliinggen nggaru-nggaru wangge, Eeke menggi kwak, Laaluguragan abok togop aret yumbu-yumbu wambit wage, Eerigin o.

Yetaya 42:5

At mbogut nenaappunuk wiganogo pege, Nggween ogobakkigirogo punuk, iri'ngga-kale'ngga mban enete kuurik lek eerogo pege, It aakumi o nggween paga yime ineenik ndelenak-welenak nugu logowak nduk, ambe aagi inikime mambege, Eereegerak Aliku Ala nen yegerak nogo yi aret.

Yetaya 45:12

An nen aret o nggween yi wakkage, Aakumi nggween yi paga logowak nduk ogobakkigirogo piige, An neenggi lombok paga nen mbogut neyanogo pege, Oonegen inom, tut inom, laaluguragan inom, mbogut paga ninggirik logonip o, yorage, Eereegirak o.

Yetaya 45:18

At mbogut wakkage, nggween wakkage, eereegerak nogo ti, Ala aret me, O we tenak logowak nduk wakkoolik o. Ata, nggween yi, aakumi wonogo logowak nduk wakkagagerak Aliku ALA nen yegerak nogo yi aret. “Naliku ALA an aret me, an neegak Ala alik ambi wonage lek aret o.

Yetaya 48:13

An lombok neenggi paga nen nggween alom kwippege, Neenggi abe'nggan paga mbogut mbiganogo pege, Eereegirak me, Inendage kunogo wiirage neenok, kin ari wundi wogo menggaarak o.

Yetaya 55:9

“Nggween ogu kagak mbogut agi tiyarogon wonage menggi kwak, It eerit nugwi nogo tebenak kagak, an eerit nage perak, abu tiyanak lombok wonage, Ndi, it eeriyak koonggwi nogo meek negen kwe, an eeriyak koongge perak, mondok iya lombok wonage, Eeko monggoorak.

Yetaya 65:17

At Aliku ALA nen ari logonet, “An nen mbogut ngget mendek ogobakkigirogo pege, Nggween ngget mendek ogobakkigirogo pege, Eerigin o. Aa'nduk lombok eerit wogo nogogutak nogo ambinom niniki abe'nage, Ninikime nen ambi koonnage, Eerigin abu lek o.

Yeremiya 10:12

At Ala eenggi omaawi paga o yi ogobakkigike, Iniki warak nen o nggween yi, ena koonogo pege, At eenu paga mbogut mbiganogo nappege, Eereegerak o.

Yeremiya 10:16

At Yakup iniki kunik mbake nogo perak, togop lek o. At yi mendek ndi mendek apit aret wakkage nagagerik, Eyate kwak inanebunu Iterali mendek warak eerogo piyareegerak nogo ti, Endage, Omaawi Lombok Menggerak Aliku ALA aret o.

Yeremiya 8:2

it iniki kunik aganakwi, inake eerit nugwi, muguren nogwe, Nonggop o? yinuk, kin wogonakwi, inayuk wukwi, eeko nogogwaarak inagugi oonegen inom, tut inom, laaluguragan mbogut paga wonogwe abok aret inom, it abok inenggaanom kin paga piyaagun me, kuwak eerogo piigwi, taambiigwi, eerugun lek yabume nggween mili ake aret arugun o.

Takariya 12:1

It Iterali eeppiyoorak Aliku ALA nen yereegerak nogo yi aret. O mbogut mbiganogo pege, nggween alom wurabit nage, aakumi ogobakkigirogo piinok, iniki warak eerogo piige, eereegerak Aliku Ala nen ari logonet,

Lukat 2:13

Awo yorage me, it mbogut paga mendek wim eeka ineebe apit aago nu'lek me kuwak ari wogo nogogwaarik, at malayikat nogo inom Ala endage alut eeko logonet,

Nappiigak 4:24

Yorogwe nogo it inaruk konenggo nogogwaarik, it inom iniki lambunna'nuk tamban eeko logonet, “Kaliku ninogoba Ala o. Mbogut-nggween inom, yi yenggenak laut inom, yi mendek ndi mendek abok kat nen mban wakkagagindak o.

Nappiigak 7:42

Eeko mbareegwa, at Ala iniki koonogo punuk, oonegen inom, tut inom, laaluguragan inom, mbogut paga menggerak mendek abok aret, alut eeko logowak nduk mbo piyareegerak. Ti eereegwaarak nogo ti, Ala nen yorage kagak yoraga nen yogo logonet, It Iterali mendek ti, o karume wogoren wage logonet, Tahun 40 eeke kagak, nake inaanggumi warogo wo'nugwi, Anggen yigirik nake pugwi, Ee'nip o, Yinuk, yorage nagagirak ya?

Pelaareegerak 17:3

Ala obaane'me kugi ogut eerogo mippunuk, abu'me tebe yinuk, alut eeri nage ilik, tut inom, oonegen inom, laaluguragan mbogut paga wonage inom, alut eeke a, an, Eeriyak mage o, yagarak kagak ti mendek abok aret eeremenggerak nogo

Pelaareegerak 4:19

Ndi, oonegen inom, tut inom, laaluguragan inom, mbogut paga wonage abok aret ti, yi aakumi ndi aakumi o nggween paga yime menggaarak abok aret at Aliku kinogoba Ala nen terak ninake wo'niragagerak me, kit nen oonegen inom, tut inom, laaluguragan inom, mbogut paga wonage abok aret kinigen nikkogo logomonggotik, inayuk wukwi, inalut eekwi, eeko logobagip nduk, aakumi nen kiniki nomongginabi worookwak, Mage, yokkirage agarik o.

Iberani 4:3

At Ala nen, “An yonggonggolage minggim, kit ninom yonggonggola ungguurak abu lek o, yinuk, Nanini nen nowak mbanogo abu aret yoragagirak o,” yinuk, yereegerak liiru mbanak nogo ti, mbogut-nggween wakkage logonet, at eeriyak mbareegerak nogo, worok togon eeppunuk, muk tat yonggonggolage logonet yereegerak me, ti ngge nduk yereegerak mbakop? Lek o. Ti, nit abet mbakwi ninom peebi yonggonggola ungguurak nogo aret nduk, yereegerak o.