Wakkagagerak 19:5 - Ala Wone Peenok Peebi Mbanak

⁵ At Lot yogo logonet, “Aap o kiip age kagak, keya wagaarak ti, ineebe ngge o? It aap ti wurinabuwok nduk wumbiya omok o.”

Wakkagagerak 19:5 ပူးပေါင်းရင်းမြစ်များ

Wakkagagerak 19:6

Yogo mbareegwa, at Lot nogo tu nappunuk, endekem wundi nage nagagerik,

1 Endagembogut 14:24

o time inagugi eeko logonet, aap mban-mban wut-wut yogwe, eeko nogogwaarak. At Aliku ALA nen aa'nduk a'nuk, yi aakumi ndi aakumi o Kanan mugogo wumbiyareegerak nen maluk ogole warak lombok eeko nogogwaarak nogo, it Yekura togop aret eerit nogo nogogwaarak.

1 Endagembogut 22:46

Ndi, aap Yotapat endagembogut a'nuk wone lengganogo yorage logonet, eeke nagagerak inom, eerit nage paga endage nggwok agagerak inom, wim eeke nagagerak inom, ando nggwok nogo ti, it Yekura inoweewi inendagembogut eeko nogogwaarak liiru mbanak paga, inom mbanak wonage nogo lek a?

Yetaya 1:9

At Omaawi Lombok Menggerak Aliku ALA nen nit ambiriluk ambi yumbunogo pinaniyak mba'netak lek en O Torom inom, Nggomora inom, eerogo piyareegi kwak nit eerogo pinaninetak o.

Yetaya 3:9

Maluk eeriyak inete yelok iigwi iigak, eerit nugwi, Inomaluk nobarogo eeka'lek aakumi Torom mendek eeko nogogwa kwak tena'me kin-kin aret eerit nugwi, Eekwi me, inabuwa o! It ti eekwi paga inalik nen aret aaninggin inoba pakaarak o.

Yeremiya 3:3

O mayu wage kero, ko wappunuk wonage, O mayu wage menggim kunduk waga'lek wonage, Eeke kagak kwe, Kumi mbabilu inete paga yelok niyaawak, eeko mengga kwak eerit nugwi, Inenggali lek worokot aret nugwi, Eeko agaarik o.

Yeremiya 6:15

Ineraambe maluk lombok logonet, ogole warak mendek eerit nugwi nogo paga inenggali mbariyak kwe, inenggali lek aret nugwi, Inenggali nen inuut wutik nugu logorak op kwe, inenggali lek a'nuk nugwi, Eeko menggaarak. Togop me, aap inoorak kanggo logonet, it inom aret inoorak kanggwi, Ndi, maluk eekwi onggo eeppiige neegak, it inom aret inenggaawak lek ogwe, Eerugun o,” yinuk, Aliku ALA nen aret yegerak o.

Yetikiyen 16:49

Awuluk o Torom nen maluk eeke nagagerak nogo yi aret. At aagalogwe inom ti, iniki wogoppatit nugwi, inambi-mbiingga ndonggorogon nunggwi, Nit mban, mbarit nugwi, eeko logonet, aap aaninggin inoba wonogwe inom, aap ineenggi lek inom, yeenggwaaraga'lek aret wonogogwaarak o.

Yetikiyen 16:50

It nen, Nit iya, mbako logonet, an nenggaanom paga ogole warak mendek eerit nugwi an nenegen iinok, mbo piyareegirak.

Yetikiyen 16:51

Ndi, at maluk eerit nage nagagerak ndak-ndak at Tamariya togop eerulik, ando mban eeke nagagerak. At Tamariya maluk mbuuluk negen eeke nagagerak kwe, at perak, abunuk maluk ogole warak nggwok lombok eeke nagagerak me, Oreewologwe iniki op negen iigak, at perak, iniki abu maluk aret wonage, kogo o, yinuk yogo agaarik o.

Ala Unde 18:22

Aap mban-mban wut-wut yogwe kenok ti, an Ala neebi lombok mbake minggirak me, kumi wurinako mengga kwak, aap mban-mban wut-wut yuurak mage o.

Ala Unde 20:13

Aap ambit nen kumi wurinako mengga kwak, aap kagak wuke kenok, eekulik maluk lombok eeremenggerak me, imbirak kambuwak nduk, inoorogo piigo logowak o. Inoorogo piyamenggaarak kambugun kenok, wone ambi yuurak lek inamiya it inobaalombok aret inoba logowak o.

1 Korindut 6:9

Ndi, it maluk eeko menggaarak kenok, Ala abu'me piige menggim piyaagin lek nogo, kit kineenggo'lek a? It aap kumi paga mban iniki lunik logonet, eeginabit nega inom, kugiwak amili kungga inom, mbabi eeka inom, aap-aap wut-wut yaga inom, yogoot iyagalo inom, uugwe-uugwe mbaka inom, amburu nonggo nagaatik, kumili negen agan nega inom, aakumi inabok mbangga inom, inageerok nggwok aruwak nduk, aakumi inambokan lagangga inom, aakumi ti mendek ti, Ala abu'me piige menggim piyaagin mondok lek me, aakumi nen kinambokan laganggo logonet, alik yokkirogwe iinok, inoone koneniyak mondok mage o.

Pelaareegerak 23:17

Kugi awi wurik me kumi-aap wurinakak yogwe ti mendek kit wologwe-komologwe Iterali mendek togop eeriyak ti mage o.

1 Timotiyut 1:10

kumi ugun wurinaka inom, aap-aap wut-wut yaga inom, aakumi inapuri kumaarinaka inom, pilit pugungga inom, pilit wone inoba pega inom, ti eekwi abok aret Ala wone kole wone kagak alik eekwi iinok, inake aret yoragagerak nineenu aret o.

2 Timotiyut 3:13

Togop aret kwe, it aakumi maluk eeka inom, pilit pugungga inom, maluk ambinom nggwok eerit nugu logonet, it mban-mban inambokan laganggologo logogun kwe,

2 Peterut 2:2

Aakumi ambik nen it aap ti nogo, iniki nengge mugurok nugwi iigo logomenggaarik, “Nit togon ninom aret eerit nogo logowok o,” yinuk, inom eerit nogo logonet, Ala ndogop menggerak wone nogo woppunuk eerit nogwe nogo, “Yi nano wone agan nugu agaarik o?” yinuk, miyuk-meya eerogo pogo logogun o.

2 Peterut 2:7

Ndi, at aap Lot iniki obeelom aret wonagagerak kwe, it aakumi ti, inenggela'me logonet, Ala wone taganogo punuk, iniki nen nengge kenok ugun-ugun eerit nogwe nogo enegen iige, inoone ugun agan nogwe nogo aruk konengge, eeke logonet, at iniki mondok abe koonak me, “Yi eekwi yi, ao,” yinuk, ko'lu-kii'me iniki mondok wakko'net unggwage Ala nen kage nagagerik, it aakumi ti, pup eerogo piige logonet, at aap obeelom aret me, agap ndareegerak nogo lek a?

Yurat 1:7

Ndi, it malayikat eeppiyareegerak nogo pogom, it aakumi o Torom inom, o Nggomora inom, yi kota ndi kota enaagan-ambokan wonogwe nogo inom, nen nggeewo negen kumi ugun wurinabit nogwe, iniki aganggen eeginake kenok eekulik mendek kagak ugun-ugun eeginabit nogwe, eeko mbareegwa, “It aakumi maluk eekwi iinok, Ala nen kani omoonu'me mondok-mondok nappiyaagin kogo o,” yinuk, nineenu ogo logowok nduk, kani paga inooreegerak nogo o.

Owak Loongga 19:22

Nonggo nogogwaarik, iniki ale'nggen agagerak wonogwe me, aakumi inobaabut abu maluk kota time mendek wogo nogogwaarik, aap anggok nogo awi inaagan-ambokan wanggeppunuk, arungga'nggi nogo ineenggi omaawi paga panggonggagak eeko logonet, at o unde aap anggok nogo yogwi, “Aap keya wagaarak wonage ti, nit nen wuruwok nduk, wumbi mok o.”