Wakkagagerak 19:4 - Ala Wone Peenok Peebi Mbanak

⁴ Nonggo nogogwaarik, inom nogo yuwok nduk wonogwe me, it aap inanggok inom, tawe inom, o Torom ilin-unggut nen abok aret Lot awinggu'me wanggeko nogogwaarik,

Wakkagagerak 19:4 ပူးပေါင်းရင်းမြစ်များ

Wakkagagerak 13:13

It aakumi o Torom nogome inobaabut mondok maluk lombok logonet, Aliku ALA enegen kagak, inagabiti mbaka'lek maluk eeko menggam kagak aret nagagerak.

Wakkagagerak 18:20

Mbake nagagerik, Abarakam yoge logonet, “It Torom mendek inom, Nggomora mendek inom, yi maluk ndi maluk ambik lombok eerit nogwe iinok, yi aakumi ndi aakumi nen, Iya, yinuk, inagabiti mbarit nogwe o, yogwe iigirak me,

Wundeegwaarak 16:2

Karume time ari wa'nuk logonet, it aakumi Iterali kuwak aago nogo abok nen Muta Karun imbirak ineebi-ineeba eerogo piigo logonet,

Wundeegwaarak 23:2

It aakumi apit maluk eeriyak koonit nugwi iinok, it inom koonit nugu logorak mage o. Aakumi inowak loonggwi me, it ambi nen nogo logomenggaarik, maluk abet aret eeremenggerak kagak, it aakumi nen, Maluk eerulik o, yogwe iinok, maluk onggo pugun lek me, at oone inom nabeniyak mage o.

Kini Wuppiige 6:18

Iniki paga nen maluk eeriyak mban koonit nugwi, Iniyok tekkagaatak maluk eeko menggam ari nogwe,

Yeremiya 5:31

It aap an nen wone yorage neegak yoraga nogo nen, Ndogop eeke kaamunggup o, yinuk, we pilit pugunit nugwi, It aap an neebe unde nogo nen it iniki mbakwi mban mamuninabit nugwi, Ndi, it ti eekwi nogo it an napuri kunduk, inikilom mbako logonet konenggwi, Eekwi ti aret me, O age yobok panggoni wage kenok it nano eerugun o?” yinuk, yegerak me, yokkiragi o.

Mika 7:3

Maluk eeriyak abu ineenu paga eerit nugu agaarik o. Inarum waka inoweewi nen, “Onggo pinip,” yorogwe, Inowak loongga nen inawone abe mbanuwak nduk, onggo waganggwi, It aap inayuk warak nen it eeriyak mbakwi nogo mban wone lengganogo yorogwe, Eeko logorak wone yugu abe koonak kagak nomok-komok eerogo pugwi, Eeko agaarik o.

Oroma 3:15

Aakumi maluk eerulik kagak, mbet-mbet aret inoorogo piinet nugwi,

Owak Loongga 19:22

Nonggo nogogwaarik, iniki ale'nggen agagerak wonogwe me, aakumi inobaabut abu maluk kota time mendek wogo nogogwaarik, aap anggok nogo awi inaagan-ambokan wanggeppunuk, arungga'nggi nogo ineenggi omaawi paga panggonggagak eeko logonet, at o unde aap anggok nogo yogwi, “Aap keya wagaarak wonage ti, nit nen wuruwok nduk, wumbi mok o.”