Wakkagagerak 19:3 - Ala Wone Peenok Peebi Mbanak

³ Yoreegwaarak kwe, at Lot nogo, oone nimi-nomoorak mban yorage mbareegi, ame inom unggwi nogo nogogwaarik, wonogo logonet, inabugo oroti piika'lek mendek we worarogo nunggugwaarak.

Wakkagagerak 19:3 ပူးပေါင်းရင်းမြစ်များ

Wakkagagerak 19:2

Keyage wappiige nagagerik, yorage logonet, “Nogobamini o. An kinayeloman name ninom unggunuk, kiniyok koorogo punuk, ninom nogo yogo logomonggoorik, ko'lu kuup kineenik a'nuk, noorak mbako'nom aret nabagip o.” Yorage mbareegi, it nen at yogo logonet, “Lek o. Nit oore'nggam endekem ya'i aret nogo yuwi o.”

Wakkagagerak 21:8

Wulaga nogo tawe age mbareegi, yilak mbaneegerak. Ndi, yilak mbaneegerak nogo eyom paga Abarakam nen nggelak nggwok lareegerak.

Wakkagagerak 24:31

Ka nage nagagerik, “At Aliku ALA nen abet aret ale'nggen koba pagage logonet, koonogo pagagerak me, kat nonggop nduk endekem ya'i mi'ndak agandik o? Kat inom, kaanggumi inom, nogo yuwam abok aret name punogo pagagarak me, nimbirak nawok o.”

Wakkagagerak 26:30

Yogo nogogwaarik, at Itak nen inabugo lareegerak niyo inom, mbi inom, nonggo nogogwaarik,

2 Endagembogut 4:8

Ne ambi paga at Elita nogo o Tunem nagagerak me, kwe eenggi warak o time menggerak nen Elita imbirak mbi nawok nduk, oone nabek togon yoge mbareegi, imbirak nunggugwaarak me, ti'nuk, time nagak eeke logonet, kwe nogo ame ka unggunuk, mbi nenggak eeke nagagerak.

Wundeegwaarak 12:15

Ndi, oroti piika'lek mendek nogo mban nunggwi iigak, ne 7 logorak me, aap ambit-ambi nen ne aa'nduk nen nok ne 7 kuli ti paga oroti piiruwak nduk, ragi nogo yi mendek ndi mendek inom punuk nengge kenok, it aakumi Iterali inenggela'me nen aap ti enggaawak lek eerogo puurak me, ne iyaalok laago lariyak paga nen oroti pike menggerak mendek iname wonage ti abok aret mbo pogo logowak o.

Wundeegwaarak 12:39

O Metit logonet, oroti tu paga nenet woroorak piiruwak nduk, ragi pugwi nogo pega'lek amok mbanak mban kagak mbet-mbet wumbiya wogogwaarak me, amok mbanak o Metit nen wonok wogogwaarak nogo piiruwak nduk, pega'lek kagak, longgo warogo oroti we worareegwaarak.

Lukat 11:8

Lek o! At ore aret me wogoriyak op kwe, nogo inikilom agaarak me, wogoriyak eebi mbake kagak kwe, agabiti mbaka'lek oone nabenak mban yoge paga at mi'na'nuk, Wo'niru o, yoge nogo aret wogorigin lek mbakop? Wogorigin aret o, yinuk, yokkirage agarik o.

Lukat 14:23

Yoge mbareegi, ogoba nogo nen ayeloman yoge logonet, Ndi, ti kenok, aakumi endekem tu andogon-andogon ugun wonogwe nogo an name yagabit eeri unggwi woraawak nduk, koone omaawi paga waganogo piya wage logot o.

Lukat 5:29

Ti'nuk, aap Lewi nogo ame Yetut anooniya nggwok lareegerak. Lareegerak me, it aakumi kuwak aago apit aap o unde inake wu kuwak eeka inom, aakumi ugun nogo mendek inom, laago noorak nduk, Yetut Lewi imbirak inom mbi nunggwi me,

Yaya 12:2

Nage mbareegi, it aakumi time nen anooniya lareegwaarak me, Marata nen laago tumburirage kagak, aakumi Yetut inom kwi'na'nuk mbi nunggwi me, Latarut inom nenggegerak.

1 Korindut 5:8

Pipuk eerak wonage me, laago nonggo logonet, roti piike menggerak mendek enggela'me punuk, larak nogo pogom, maan mendek nit abu maluk lombok ninggin-nanggin eeko nogogurak nogo kwak eeko logonet, nonggo logorak mage o. Ata, roti piike menggerak mendek pega'lek larak pogom niniki abu obeelom kikak naka'lek, Ala inikilom mbaruwak nduk eeko logonet, nonggo logowok o.

2 Korindut 5:14

At ambi nit aakumi abok ninobaane'me kambeegerak nogo paga nit abok at ninom kunik me, ninom aret kambeegurak. Ndi, “Nit abok ninobaane'me kambeegerak nogo ti, nit ninobaalombok mban eerit nugu logowok nduk, kambulik o. Ata, at ninake kangge mbareegi, eenik agago mippereegerak nogo, ake eerit nugu logowok nduk, ninobaane'me aret kambeegerak kogo,” yinuk, Keritut iniki kunik lombok ee'ninabeegerak me, eereegerak wone ti, nit puk aga'lek yoragak mban eeriyak ee'ninake agaarik o.

Iberani 13:2

It aakumi nen malayikat mendek kagak, “Yi aakumi aret o,” yinuk, kobak logonet inabugo lako nogogwaarak me, it aakumi nggiru kiya wogwe iinok, keyage warogo kiniki ale'nggen paga wogonako logonip o.

Owak Loongga 6:19

Yoge mbareegi, Nggireyon nogo oome nanuk, kambin aagaluk ambi warogo lake, gandum anggen yigirik 22 liter negen waganogo oroti piika'lek mendek pega'lek kagak woraake, eeke nagagerik, kambing larak nogo muun yarak me yonggoke, ndi, kambing larak amburu nogo yiiwa'na tooke, ee'nuk, at nogo eyo teno alome time awo tokkage wonage me, wogori wagagerak.

1 Tamuwen 28:24

Kwi'nage mbareegi, kwe nogo tapi aagaluk piirigalo ambi ame wonage me, mbet-mbet wake nagagerik, mbanogo lake, ndi, gandum anggen yigirik waganogo amok mbanogo oroti piiruwak nduk, pugwi nogo mendek pega'lek kagak worake, eeke nagagerik,