Wakkagagerak 19:24 - Ala Wone Peenok Peebi Mbanak

²⁴ Unggwi nagagerak kagak, at Aliku ALA mbogut paga nen mayu negen kani kunik omoonuk kwindagala agago ugun abera'lek me, o Torom Nggomora nogome aret wuppi wagagerak.

Wakkagagerak 19:24 ပူးပေါင်းရင်းမြစ်များ

Wakkagagerak 13:10

Yoge mbareegi, at Lot nogo enegen pe'nage nagagerik, o Eren Aliku ALA nen ogobakkigireegerak nogo inom, o Metit abeenok Towat pa'nggwe inom, imbirak abu obeelom wonagagerak ti kokwak, nggween niyo Yoraran ndirok kobappaga abu obeelom niyo eneeri wundit nage menggim nggween mili lombok aret kagagerak. Ti kagagerak nogo ti, at Aliku ALA nen o kota Torom inom, Nggomora inom, awo lek eerogo pega'lek kagak kagagerak.

Wakkagagerak 13:12

at Abaram nogo, o Kanan nogome puk age kagak, at Lot nogo niyo Yoraran ndirok kobappaga yaga'lelo ambik wurik enggela'me o Torom koorok time ooliya wuppunuk wonagagerak.

Wakkagagerak 18:17

Nappiya nage me, at Aliku ALA iniki nen mbake logonet, “At Abarakam apuri ambik aret wiganggo logomenggaarik, inanebunu nggwok inomaawi ambik aret logogun o. At paga yi aakumi ndi aakumi nggween paga logomenggaarak nogo inale'nggen aret mbako logogun. Ndi, at apuri ndaganabemenggerak inom, it nen wigannaremenggaarak mendek inom, iniki an noba panggombunuk obeelom koonak mban eerit nogo logorak paga Abarakam eeppuurak yoreegirak nogo an ndak-ndak eeppuurak inaruk wake logowak nduk aret mippereegirak me, an yogondak eeriyak koonggirak nogo, at Abarakam yoga'lek kumaappunuk logorak meek o. Ata, yorikit aret o,” yinuk, mbareegerak.

Wakkagagerak 19:23

At Lot nogo o kuubondendok oonegen awo wundi wage kagak, o Towat nogome unggwi nagagerak.

Ayup 1:16

Yinuk, wone nogo awo yoge me, aap alik ambi wage nagagerik, yoge logonet, “Ndomba inom, aap arum wonogwe inom, Ala nen o yabok pindanogo nappi wage menggerak nogo mbogut paga nen wunuk agan wambi wage logonet, yaganinake kagak, nalik mban mbagangge nagarik, wone wonok yokkiri wagi o.”

Ayup 18:15

At ame wonage lek kenok, aakumi ugun unggunuk wonogwe, At menggim kwi yubunogo pit nage,

Ndawi 11:6

It aap maluk eeka ti, Mayu negen kani anggen inom, Kani kunik kwindagala aago inom, inoba kwippiige, Ndi, ineebe kani yoguk togon eerinaburak o wiya nappi wage, Eerigin o.

Wundeegwaarak 9:23

Yoge mbareegi, Muta nogo waanggun mbogut paga titik ege mbareegi, Aliku ALA nen o yabok mbogut paga nen nggween paga pindangge logonet, mbogut telangge, o mayu kumulinggen yele-kole lubu-lubu wuppi wage, eeke logonet, o Metit nogome mayu anggen mban ndoonogo teppereegerak.

Yetaya 1:9

At Omaawi Lombok Menggerak Aliku ALA nen nit ambiriluk ambi yumbunogo pinaniyak mba'netak lek en O Torom inom, Nggomora inom, eerogo piyareegi kwak nit eerogo pinaninetak o.

Yetaya 13:19

Yi aap ndi aap inabu'me piinok menggam meek iigak, O Mbaben ti, abu kigirikwe lombok wonage me, It aakumi Mbaben mendek inale'nggen nen wogoppakwi kwe, O Torom Nggomora lek eerogo pereegi kwak an Ala nen o Mbaben ti, togop aret lek eerogo pigin o.

Yetaya 30:33

At aap endagembogut Atiyut mendek nogo kani kuniyak ake aa'nduk muk pipuk eerogo pereegerak wonage o. Ti eerogo pereegim nogome inikime teberogon kabunik wonage, ambe wiganak lombok wonage, Kani wurik mban yagabit aago wonage, eerak me, kani kunik kwindagala eerogo nagake menggi kwak, Aliku ALA ambe aagi nappemenggerak paga kani logonak nogo abok aret wunuk yigin o.

Yeremiya 20:16

At aap ti nen nagalo inikime nen wundi waga'lek neegak, noorogo paninuk, Aakumi taambiigo menggam kwak nagalo inikime kole agagim time mondok teppaneegibok eereegerak me, Aliku ALA nen o kota-kota inabuwa mbaka'lek yigirik-noonom eerogo pereegerak kwak, at aap ti, togop aret age, Ndi, o kubondendok leenggu maakwi, o liingge, Nawim o, yinuk, nggomookwi, eekwi nogo aruk konengge, Eeke logowak o.

Yeremiya 23:14

Ndi, it an yorage neegak yoraga Yerutalem mendek inamineeri ne agan noorak mendek eerit nugwi iyareegerak ti, Aap akwe mbo punuk, ugun eerit nege menggi kwak, Ninogoba Ala o, yogwe kwe, inobaabut alik eerit nugwi, It aap maluk eeko menggaarak nogo inomaluk mbo punuk, obeelom eekwi iyo, iniki omaawi eerogo piinet nugwi, Eekwi iyareegirak mban me, It togop eerit nugwi nogo ti, o Torom kwak wonogwe, It o Yerutalem wonogwe nogo it o Nggomora mendek kwak wonogwe, Eerak aret agaarik,” yegerak o.

Yeremiya 49:18

O Torom inom, Nggomora inom, pup eerogo pege logonet, O kota-kota enaagan-ambokan abok aret inom lek eerogo pereegi kwak, It aakumi o time ambi logogun lek ndiimbu-nggwiya mban iname aret logogin o,” yinuk, Aliku ALA nen aret yegerak me, yokkiragi o.

Yeremiya 50:40

Aa'nduk lombok at Ala nen o Torom inom, Nggomora inom, o kota-kota enaagan-ambokan wonogwe nogo inom, Abok pup eerogo piyareegi kwak, o Mbaben ti, lek eerogo pigin me, O time it aakumi ambiriluk ambi logogun lek o wogo aret logogin o,” yinuk, at Aliku ALA nen aret yegerak o.

Leendawi 4:6

O Torom mendek eekwi onggo aaninggin inoba piyareegerak nogo ti, it ambi nen yeenggwaaraga'lek iigak, Ala nen aret ne ambit liingge nippiigak-wuppiigak eerogo inooreegerak nogo ti, iya negen kwe, An nanebunu mendek inoba piyareegerak nogo ti, mondok iya!

Oteya 11:8

It togop eekwi iigak kwe, an nonggop togon it Eparayim ti teppiige, It Iterali ti, nenegen aanggot iinok, nonggoti mbo piige, Eeriyak mbakop? It aakumi Arama mbo piyareegi kwak, it Eparayim mbo piige, It Teboyim eeppiyareegi kwak it Iterali eeppiige, Eeriyak ti nonggoti o? Niniki nenaame ari wage logonet, inabuwa lombok mbake me,

Amot 4:11

“O Torom Nggomora imbirak eerogo pereegi kwak it wonogo menggam o kota-kota time togop aret eerogo piige, Kani kunggaatak nengge me kiinogo waganggo mengga kwak wogonabuwak nduk eerogo piige, Eereegirak kwe, Inomaluk mbo punuk, iniyokan yungguninuk an neya waga'lek aret menggaarak o,” yinuk, Aliku ALA nen aret yegerak o.

Tepaniya 2:9

An Nomaawi Lombok Minggirak Naliku Iterali inogoba Ala nen o Mowap nogo, o Torom kwak eerogo pege, Ndi, it aakumi Amon mendek ti, aakumi Nggomora eerogo piyareegi kwak, eerogo piige, Eerigin o, Yinuk, an mondok neenik menggirak nendage kumbatinuk yagi o. O Mowap ti, alok-palok mban age, Mayu kwaako logonet, nggween kabuneegwa kwak age, Eerak me, Eeri'ngga-kale'ngga lagangga'lek puluk ko eerogo piminggirak me, It an napuri eegu yumbunik wonogwe nogo nen inamendek kugun kologwe, It an napuri eegu pugu wonogwe nogo nen inanggween ineyate kwak unde eekkologwe, Eerugun o,” yinuk, yegerak o.

Lukat 10:12

Peebi age yobok paga it aakumi Torom mendek ti, mbuuluk inoorigin kwe, it aap o kota time mendek nogo ti, mondok nggwok aret inoorigin o, yinuk, yokkirage agarik o,” yoragagerak.

Pelaareegerak 29:22

Togop eerogo pemenggerak me, kit kinombowologwe peebi nda'narit namenggaarak inom, aakumi nggiru o nda nen kiniya wogwe nogo mendek inom, Aliku ALA nen o yi maluk eerogo pege, andi-pandi inoba piige, eeke nogo inigen kogo logogun o.

Pelaareegerak 29:23

Ndi, at Aliku ALA anini kani omoonuk negen mi'nage logonet, o Torom inom, Nggomora inom, Arama inom, Teboyim inom, nggween abut lagak-mbagak eerogo pege logonet, lek eerogo pereegerak nogo ndak-ndak kit kinanggween yi, abok aret kani nen yogu eerogo pege menggi kwak, nggwi-nggwi mban eerogo pege, mut obari nen yogu eerogo pege, eeremenggerak wonage me, yabu waganogo yakwi, yarak anggen mbilangge, yi mendek ndi mendek alik nen wungge, eeka'lek aret logogin o.

2 Peterut 2:6

Ndi, at Ala nen, “It aakumi o Torom-Nggomora mendek kunduk maluk mban eekwi yi, neebi o,” yinuk, kani wurabit wage logonet, pup eerogo piyareegerak nogo ti, it aap peebi Ala ineebi mba'nuk, maluk eekwi nogo nen, “Nit togop aret ninoorigin kagi,” mbako logowak nduk, eereegerak nogo lek a?

Yurat 1:7

Ndi, it malayikat eeppiyareegerak nogo pogom, it aakumi o Torom inom, o Nggomora inom, yi kota ndi kota enaagan-ambokan wonogwe nogo inom, nen nggeewo negen kumi ugun wurinabit nogwe, iniki aganggen eeginake kenok eekulik mendek kagak ugun-ugun eeginabit nogwe, eeko mbareegwa, “It aakumi maluk eekwi iinok, Ala nen kani omoonu'me mondok-mondok nappiyaagin kogo o,” yinuk, nineenu ogo logowok nduk, kani paga inooreegerak nogo o.

Wayu 14:10

anggur amburu niyo inom toolak lek, at mban toolak nonggo logonet ale ambik kogo mengga kwak, at Ala nen it aakumi ti, inabuwa mbaka'lek anini mondok alik negen inoba piige logonet, kani kunik yugum anggen inom kwippiige mbaremenggi, it Ala ake leenak menggaarak malayikat inom, at Ndomba Aagaluk inom, inigen iigak, Kani omoonuk eyak o. Yugum yugu andi o, yinuk, yagan yobak-nggolak wako logogun o,” yinuk, ari naruk konenggirak.