Wakkagagerak 19:21 - Ala Wone Peenok Peebi Mbanak

²¹ Yoge mbareegi, at malayikat nogo nen, “Op aret o. O yagandak nogo ti, inom kani pigin lek me, yagandak nogo ti, op aret me,

Wakkagagerak 19:21 ပူးပေါင်းရင်းမြစ်များ

Wakkagagerak 12:2

Time namenggendak me, Nale'nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

Wakkagagerak 18:24

It aap ineebe 50 maluk eeka'lek obeelom mban o kota time wonogwe iinok, nonggop o? Aakumi ineebe 50 obeelom koonak mban eekwi iinok, o ti teppuurak op aret kwe, teppega'lek it abok aret inom lek eerogo piyoorak op mbaken?

Wakkagagerak 19:20

o tini mbuuluk koorok time nggare agan naakit nduk, kenegen pekket o. O ti mbuuluk aret kwe, op aret nagap ndarak logogin nogo lek a? Time aret, Nanip, yo'niru o.”

Wakkagagerak 19:22

kat time awo ari naga'lek keegak an eeriyak mbakirak nogo eeriyak meek me, mbet-mbet aret nak o,” yinuk, yoreegerak. O tini nogo ti, mbuuluk aret me, endage Towat, yogo nogogwaarak.

Wakkagagerak 4:7

Yoge nagagerik, “Kat obeelom aret ee'netak nen kenete paga i'ndok nggi ari keyanetak kwe, obeelom eeriyak mbaka'lek keenok perak, maluk eeriyak kinikime unggwi woraakit nduk, enaakkake logonet, molok kirit nege me, kinikime unggwage kero, mondok liippake logot o,” yoreegerak.

Ndawi 102:17

It kapuri tebenak logonet tamban eekwi nogo, Kena koonogo nagiige, It nggino yokkugwi nogo, Kat nen meek inombaka'lek karuk konengge, Eeke logomunggun o.

Ndawi 145:19

It aap at ayuk wuko menggaarak iniki mbakwi nogo Ndak-ndak aret eeppiige, Inoone nggwok paga, “Yeenggwa niret o,” yogwi iinok, At aruk konembunuk inagap ndake,

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Wundeegwaarak 33:17

Yoge mbareegi, at Aliku ALA nen Muta yoge, “Kendage neenu age, ndi, keebe ninikilom kombake, eekirak me, wone yo'negendak nogo ti, ndak-ndak aret eerikit o.”

Yeremiya 14:10

It aakumi yi, eekwi iinok, Aliku ALA nen yegerak nogo yi aret. “It aakumi yi, yagak-ndagak nugu logorak inikilom mbakwi, Iniyok teberogon logorak meek age, Eeko menggaarak me, Naliku ALA nen nale'nggen inombaka'lek logonet, it maluk eerit nugwi nogo abeke, It inomaluk onggo aaninggin inoba piige, Eerigin o,” yinuk, yegerak o.

Matiyut 12:20

Op eekwi, maluk eekwi, onggo a'me nggelok eeppiinet nage nogo, Nggwok aruwak nduk, awo eeka'lek logonet, Nggawi owak taganak nogo at nen kalenogo pege, Ndi, keele kani kuru aago kagak wunuk ari nogo, At nen nogonogo mbo pege, Eerigin lek mban.

Lukat 11:8

Lek o! At ore aret me wogoriyak op kwe, nogo inikilom agaarak me, wogoriyak eebi mbake kagak kwe, agabiti mbaka'lek oone nabenak mban yoge paga at mi'na'nuk, Wo'niru o, yoge nogo aret wogorigin lek mbakop? Wogorigin aret o, yinuk, yokkirage agarik o.

Iberani 2:17

nit aakumi maluk eekwi niinok, Ala anini ninombake nogo, iniki yanggo yuwak nduk, Ala unde inowe nggwok logonet, ninabuwa nen puk aga'lek ko'lu-kii'me ninake eeke logowak nen, nit ee'ninake menggerak nogo, abok aret at ndak-ndak eeriyak age mbareegi, aa'nduk at awuri nit pogom aret eekkolagagerak.

1 Tamuwen 25:35

Yoge nagagerik, at kwe Abigayin nen yi mendek ndi mendek wonok wagagerak nogo, wagangge nagagerik, at yoge logonet, “Wone yo'negendak nogo konengge nagarik, abu aret waganggirak me, kagabiti mbaka'lek kiniki ugun aret kame nak o,” yoreegerak.