Wakkagagerak 19:2 - Ala Wone Peenok Peebi Mbanak

² Keyage wappiige nagagerik, yorage logonet, “Nogobamini o. An kinayeloman name ninom unggunuk, kiniyok koorogo punuk, ninom nogo yogo logomonggoorik, ko'lu kuup kineenik a'nuk, noorak mbako'nom aret nabagip o.” Yorage mbareegi, it nen at yogo logonet, “Lek o. Nit oore'nggam endekem ya'i aret nogo yuwi o.”

Wakkagagerak 19:2 ပူးပေါင်းရင်းမြစ်များ

Wakkagagerak 18:4

Ata, kit eyo alome yime tat yonggonggolaamunggup nduk, kiniyok kooriyak niyo ambi tookkira nawi o.

Wakkagagerak 19:1

It aap Ala ayonggo malayikat mbere'ndak nogo, o kiip age kagak o Torom unggwi wogogwaarak. At Lot nogo o Torom tu unggwogo menggam kwi'ndak wonage me, it nogo unggwi wogwe enegen iige nagagerik, etenggen nggween paga wanduk wangge logonet, keyage wappiyareegerak.

Wakkagagerak 19:3

Yoreegwaarak kwe, at Lot nogo, oone nimi-nomoorak mban yorage mbareegi, ame inom unggwi nogo nogogwaarik, wonogo logonet, inabugo oroti piika'lek mendek we worarogo nunggugwaarak.

Wakkagagerak 24:31

Ka nage nagagerik, “At Aliku ALA nen abet aret ale'nggen koba pagage logonet, koonogo pagagerak me, kat nonggop nduk endekem ya'i mi'ndak agandik o? Kat inom, kaanggumi inom, nogo yuwam abok aret name punogo pagagarak me, nimbirak nawok o.”

Wakkagagerak 43:24

Ti'nuk, aap Yutup ame arum menggerak nogo nen wogoren Yutup ame unggwi nage nagagerik, iniyok kooruwak nduk niyo toologo wogorage, inaanggumi keledai nogo inambi wogorage, eereegerak.

2 Tamuwen 11:8

Yinuk, abu aret yoge nagagerik, “Kat yonggonggolage kame nogo yi nak o.” Yoge mbareegi, at Uriya nogo aap endagembogut awi o nggwok abe wurik me nen wundi nage kagak, at Ndawut nen amendek ambi wonok iri nawak nduk, ambo'me nappiyareegerak.

Kini Wuppiige 25:17

Kat kore ame nabenak mban wage paga kore eebi komba'nuk, anini wundukwak, Nabenak mban wagak eeriyak mage o.

Ndawi Iya 5:3

Yo'nege mbaki, an nen, “Nayum abu nggoorogo punuk nonggoti eerogo yikkolage, Niyok abu koorogo punuk, nonggoti eerogo mili eekkolage, Eeriyak mbaken?”

Lukat 7:44

Yoge nagagerik, Yetut nen kwe nogo ena logurogon pekkage logonet, “Timon wae. Kwe yi, kagan ilik, lek a? An nen kame unggwi wage mbaki, niyok koorikit nduk, kat nen yi wo'nirulik kwe, at yi perak, ale amburu paga niyok miin eeke, eeruwak paga wolonnake, eekerak o.

Yaya 13:5

Nggerembunuk, yi togolowak kole me toolak nogo togolowak mbuuluk me kilirogo wuppege nagagerik, at oone waganggwi mendek iniyok koorinake, ti'nuk, ngguu'mo yum obate paga nggerenak nogo paga woloninake, eerit nagagerak.

Nappiigak 16:15

Iniki tu paarogo pereegerak paga wone wagangge mbareegi, kwe nogo at ame menggaarak inom yiime wuppiyareegerak. Yiime wuppiige mbareegi, at kwe nogo nen, “Kit nen, Kwe yi, ninogoba Yetut abet mbakerak o, nombakotak kenok, an name ninom logowok nduk woraanip o,” yinuk, nabenak mban yo'nirage mbareegi, “E o,” yinuk, ame aret unggwi nogogurak.

Iberani 13:2

It aakumi nen malayikat mendek kagak, “Yi aakumi aret o,” yinuk, kobak logonet inabugo lako nogogwaarak me, it aakumi nggiru kiya wogwe iinok, keyage warogo kiniki ale'nggen paga wogonako logonip o.