Wakkagagerak 19:17 - Ala Wone Peenok Peebi Mbanak

¹⁷ Endekem wumbiya nogo nogogwaarik, Ala ayonggo malayikat ambi nogo nen it yorage logonet, “Kit kinoorukwak me, mbet-mbet nanip o. Nogo logonet, kinambo'me perak, kina yunggunogo na'nari wagak, kobappaga taati puk agak, eerugup o. Ata, kinom lek eerogo pinagukwak, nugwa puurom agi time aret lagi nanip o.”

Wakkagagerak 19:17 ပူးပေါင်းရင်းမြစ်များ

Wakkagagerak 13:10

Yoge mbareegi, at Lot nogo enegen pe'nage nagagerik, o Eren Aliku ALA nen ogobakkigireegerak nogo inom, o Metit abeenok Towat pa'nggwe inom, imbirak abu obeelom wonagagerak ti kokwak, nggween niyo Yoraran ndirok kobappaga abu obeelom niyo eneeri wundit nage menggim nggween mili lombok aret kagagerak. Ti kagagerak nogo ti, at Aliku ALA nen o kota Torom inom, Nggomora inom, awo lek eerogo pega'lek kagak kagagerak.

Wakkagagerak 14:10

Ndi, o Tirim kobappaga time mbuun ambe ambik me, mut amburu negen aspal yenggenak menggim nogome it aap inendagembogut Torom-Nggomora mendek inawuri inom mbaganit nogo logonet, mbuun ambena mut amburu negen aspal yenggenak me nogome yobo-yobo wambit nogwe iigak, it inendagembogut ando nogo inawuri inom kole mbaganit puut-puut paga time lagi nogogwaarak.

Wakkagagerak 18:22

Yoge mbareegi, it aap wogogwaarak nogo mbere mban o Torom nogome, Nawi, nduk nogwe iigak kwe, at Abarakam nogo perak, at Aliku ALA imbirak taati puk age nagagerik,

Wakkagagerak 19:18

Yorage mbareegi, at Lot nen ari logonet, “Ai, nogoba o. Togop eeriyak yo'nirugun o.

Wakkagagerak 19:22

kat time awo ari naga'lek keegak an eeriyak mbakirak nogo eeriyak meek me, mbet-mbet aret nak o,” yinuk, yoreegerak. O tini nogo ti, mbuuluk aret me, endage Towat, yogo nogogwaarak.

Wakkagagerak 19:26

At Lot akwe perak, mbaganit nage logonet, ena ambokan yunggunogo na'nari wagagerak paga, mayu logonak aret eerogo pereegerak.

Wakkagagerak 19:30

At Lot o Towat nogome logorak agabiti nen apurilogwe komologwe mbere nogo inom o Towat teppunuk, puurom time lagi nogo nogogwaarik, ndoome ambime aret wonogogwaarak.

1 Endagembogut 1:12

Togop aret me, kat kagap ndakkolage, ndi, kaagaluk Talomo agap ndake, eerenok nduk, an nen wone yi yokkiri o.

1 Endagembogut 19:3

Wone nogo eerogo nappereegerak yoge mbareegi, at Eliya nogo agabiti nen agap ndakko'nok ayeloman wulaga nogo imbirak kole mbaganit aakumi Yekura iname o Mberetiyeba time nogo nogogwaarik, wulaga nogo time kagak,

Ndawi 121:1

Yeenggwa niri woroorak nduk Puut-puut nena ni'nage agarik o. Ngga nen an yeenggwa niri woraagin mbakop? Lek o!

Yeremiya 48:6

Mbaganuwak o! O karume eyo engga lek owak mban menggi kwak, Inagap ndakko'nok inagap mbelenak aret mbaganuwak o!

Linggineegwaarak 16:26

at Muta nen it aakumi apit aret kuwak aago nogo yorage, “It aakumi maluk eeko menggaarak yi, it inomaluk paga inooke logonet, kinom nggelengginabukwak, it inamendek ambi mbaangga'lek logonet, inawooliya wurik me mbo piinok, tayorogon time ari nanip o.”

Matiyut 3:7

Wuppiige me, aap Pariti mendek inom, aap Taruki mendek inom, ambik aret, “Yiime wuppinanuwak o,” yinuk, at owagam wogwe iige nagagerik, it nogo yorage logonet, “Waalo aakumi inooka kuwak eerak pogom kit aret o. Ala anini eeppinani wage nogo, eeppinagage kero, mbaganiyak kurumbi ta nen yokkiragaarak?

Lukat 12:23

Nonggo monggotak ti, meek negen kwe, kineenik logorak ti, iya o. Ndi, yikkologo monggotak ti, meek negen kwe, kineebe nogo ti, iya o.

Lukat 9:62

Yoge mbareegi, at Yetut nen, “It aakumi yabu woorak nduk, tuguwa wonok nogwe kwe, yabu wagangga'lek we aret pi wogwe iinok, Ala abu'me piige menggim ungguurak meek o,” yinuk, yoragagerak.

Iberani 2:3

nit ninagap ndariyak wone mondok iya kooneegerak nogo, kobak eerogo punuk wonogwe niinok, nit teppinanigin mbakop? Mondok lek o. Wone ti, aa'nduk ninowe nen aret paganogo yorage mbareegi, it koneneegwaarak nogo nen iniki yungguppegak yo'niroolik inoone mondok abet aret yo'nirogwe iigak,

1 Tamuwen 19:11

Mbagangge mbareegi, ko'lu kuubondendok wariyak nduk, Ndawut nogo ame wonage kero, lomboppi nawak nduk, Tawun nen awuri nappiyareegerak lomboppi nogo mbareegwa, at Ndawut akwe Mikan nogo nen ogonggelo yoge, “Kat oonikiya yi paga mbaganumunggun lek kenok, ko'lu kuubondendok mondok koori woraagun o,” yoreegerak.