Wakkagagerak 19:16 - Ala Wone Peenok Peebi Mbanak

¹⁶ Yoreegwaarak kwe, at Lot nogo iniki yungguppegak eeke elaambirik mbareegi, Ala nen at Lot nogo abuwa mbareegerak me, akwe apuri komologwe mbere nogo inom Ala ayonggo malayikat nogo o Torom nen ineenggi pigiren endekem wumbiya nogogwaarak.

Wakkagagerak 19:16 ပူးပေါင်းရင်းမြစ်များ

Wakkagagerak 19:15

Ti'nuk, ko'lu o weerikit nduk eeke kagak, it aap Ala ayonggo mbere'ndak nogo nen Lot yogo logonet, “Kat elaambirik wonage ti mage o. Ala nen o yi, pup eerogo pikit nduk eeke me, kinom kinoorukwak, kat kakwe kunduk, kapuri komologwe mbere'ndak nogo kunduk, wogoren mbet-mbet aret wundi nak o.”

Wakkagagerak 43:10

Yogondak kat nonggop ari keyaamun tokkakwi niigak, ne mbere nanuk wogo menggam mendek wonogo ogoorik o.”

1 Mbinineegwaarak 16:34

At Aliku ALA abu obeelom logonet, Aakumi iniki kunik mbake nogo ti, Mondok-mondok aret logogin me, Wa, yogwi,

Ndawi 103:13

Nit nonggop eerogo ogobakkigi'ninabeegerak nogo At Aliku ALA eenu age, Nit yi, liirubu mendek mban niige, Eeke menggerak me, Aap inapuri inabuwa nggwok lombok mbako mengga kwak, Aliku ALA nen it aap at inagabiti mbakwi nogo Togop aret inabuwa mbake menggerak o.

Ndawi 106:1

At Aliku ALA tiyappogo logowok o! At Aliku ALA obeelom mban menggerak me, “Wa,” yogo logonip o. Aakumi inabuwa nen iniki kunik aganake nogo ti, Lek ageelik mondok aret wonage menggerak o.

Ndawi 106:8

Kendage tiyanak logowak nen Komaawi ambik menggendak nogo, It ineenu aruwak nduk, inagap ndake,

Ndawi 107:1

At Aliku ALA ti, obeelom mban wonage me, “Wa,” yogo logonip o. Aakumi inabuwa nen iniki kunik aganake nogo ti, Lek aga'lek mondok aret wonage menggerak.

Ndawi 111:4

At Aliku ALA ti, inabuwa mbake, Iniki yanggo yinuk, eeppiige, Eeke menggerak me, At eerubok mendek iya tit eeke nogo iniki aberak logowak nduk eeppiige,

Ndawi 118:1

Aliku ALA abu obeelom mban wonage, Aakumi inabuwa lombok mbake nogo ti, Lek ageelik mondok-mondok wonage, Eerak menggerak me, “Wa,” lombok yogo logonip o.

Ndawi 119:60

Koone, “Yogop ee'nu ndogop ee'nu,” yugu nogo An elaambirik lek mbet-mbet aret eerit nage logokit, mbake agarik o.

Ndawi 136:1

Aliku ALA ti, obeelom aret me, “Wa,” yogo logonip o. & Ninabuwa mbake ti, itok kunik wonage o.

Ndawi 32:10

It aap maluk eeko menggaarak nogo ti, Andi-pandi inoba ari wagak mban eeke menggerak kwe, Aliku ALA oba panggombunuk wonogwe iinok perak, At nen iniki kunik aganabit nage menggerak o.

Ndawi 33:18

Togop aret kwe, It aap Aliku ALA inagabiti mbakwi nogo Iniki kunik mban eeginake menggerak me, “Nit kunduk iniki kunik ee'nabigin o,” yinuk, Iniki at paga lunik wonogwe ti, It kanggwi iyo, inagap ndake, Mbi noogelo wonogwe kwe, Ineebe op logowak nduk eeppiige, Eerikit nduk, Aliku ALA nen enegen wogonake menggerak o.

Ndawi 34:12

Kit kineenik logorak kinikilom mbakwi, “Nit obeelom aret wonogwe me, Li a'nuk kambuurak op aret,” mbakwi, Eekwi ti, Taamini nen togop mbako ogotik?

Ndawi 86:15

Nogoba o. Kat aakumi inabuwa mbake, Kiniki yanggo yinuk eeppiige, Kiniki aan aganggenggwi lek kwi'ndak wonage, Aakumi kiniki kunik aganakak mban eeke, Yoraga'ndak nogo li'luk eeppiige, Eeke menggendak o.

Ndawi 86:5

Nogoba o. Kat Ala abu obeelom aret wonage, Aakumi inomaluk aberak wonageelik mari eerogo piige, Aakumi abok aret inoone nggwok paga yokkugwi iinok, Inabuwa lombok mbarit nage logonet inoone konengge, Eeke menggendak o.

Wundeegwaarak 34:6

peleppegak Muta enaame pa'nggwe ari nage logonet, “Naliku ALA an aret o. Naliku an Ala nen aakumi inabuwa mbake, niniki yanggonak paga inooka'lek teppiige, niniki aanaganggenggwi lek liippunuk koongge, niniki kunik eeginake logonet, yi obeelom ndi obeelom eeppiige, wone eeriyak yorage nogo ndak-ndak aret eeppiige, eeke logonet,

Wundeegwaarak 34:7

yi aakumi ndi aakumi apit aret inabuwa mbake minggirak me, iniki nen maluk eeriyak koonggwi inom, noone yugu eeriyak, Neebi o, yinuk, taganggwi inom, maluk eeriyak koongga'lek kagak perak togon maluk eekwi inom, inomaluk ti lek eerogo puurak op kwe, aap ambi nen kulinik-kalinik maluk eeke kenok perak, an teppigin lek o. At maluk eeremenggerak onggo at inom, at apurilogwe inom, ombowologwe inom, ombowologwe inapuri inom, inoba kwippiinet wundi nage logogin o,” yinuk, oone nggwok paga yoreegerak.

Yetaya 63:9

Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,

Leendawi 3:22

Aliku ALA ninabuwa mbake logonet eeppinanege nogo ti, lek aga'lek eeppinanegak mban eeke, Iniki kunik lombok ee'ninake paga ninoorogo pinanega'lek teppinanege, Eeke menggerak ti aret.

Lukat 18:13

aap o unde inake wu kuwak eeka nogo nen perak, tayorogon mi'nage nagagerik, ena mbogut paga ni'naga'lek eebe wakkolage logonet, Ai, nogoba Ala! An maluk eeke minggirak me, nabuwa mbaru o, yinuk, yoreegerak.

Yaya 6:44

An nogoba nappani wagagerak nogo nen kiniki koongginake lek kenok, an neya woroorak mondok meek o. Ndi, neya woroorak kiniki koongginake kenok perak, o age wobok paga kineenik agago mippinagagin o.

Oroma 9:18

at Ala nen aap ambi abuwa mba'nuk teppikit mbake kenok, teppege, ndi, ambi iniki omaawi eerogo pikit mbake kenok, iniki omaawi eerogo pege, eeke kogo monggoorak o, yinuk, yokkirage agarik o.

2 Korindut 1:3

Ninowe Yetut Keritut ogoba Ala nen ninabuwa mbake, niniki eyak wappinanege, eeke menggerak unde at aret me, at mondok alut eeko logowok o.

Pelaareegerak 4:31

At Aliku kinogoba Ala ti, aakumi inabuwa nggwok lombok mbake menggerak me, kinombomini wone inom abuk nggaruk togon mbaneegerak nogo oba mari eerogo punuk, kit teppinagage, kineebe lek eerogo pinagage, eerigin mondok lek o,” yoragagerak.

Pelaareegerak 5:15

Kit maan o Metit paga inayeloman eeppinagago wonogwe me, at Aliku kinogoba Ala eenggi omaawi paga eeppiige, eenggi titik eeke kenok eeppiige, eerit wokkiren wundi wagagerak abeko logonet, at Aliku kinogoba Ala nen nogo 6 yippunuk, ko'lu paga yonggonggologo logorak lengganogo yokkiragagerak nogo eeko logomunggup o.

Pelaareegerak 6:21

kit nen kinapuri yorogo logonet, O maan togon aap Pirawun nen o Metit paga ayeloman eerogo tebembinaninuk wonage me, at Aliku ALA omaawi ambik nogo paga wo'niren wundi wage logonet,

Pelaareegerak 7:8

Togop aret kwe, at Aliku ALA nen kinabuwa mbake nagagerik, kinombomini wone abuk nggaruk togon kumbuk mbanogo yoragagerak nogo abeppunuk, aap o Metit mendek endagembogut Pirawun abu'me tebembinagago wonage me, at Aliku ALA eenggi omaawi paga Pirawun eenggime nen kinagap ndarogo wokkiren wundi wagagerak.

Titut 3:5

ninagap nda'ninabeegerak. Nit obeelom eeko nogogurak paga ninagap nda'ninabulik o. Ata, at alik iniki nen ninabuwa mba'nuk, obeelom eeppinanege logonet, niniki maluk koorogo punuk, obaane'me ngget ndarogo pinanege, Aberiniki nen niniki ngget ogobakkigi'ninake, eereegerak ti paga ninagap nda'ninabeegerak.

Yotuwa 6:22

Inooko logonet, at Yotuwa nogo nen it aap o inigen yombooni wogogwaarak nogo yorage logonet, “Kwe ya wukak kinom wone abuk nggaruk togon kumbuk mbanggotak nogo a'me aret lik yuwak nduk, at ame unggwogo logomonggotik, at inom, inom menggaarak inom, abok aret inaani wogoren wumbiya woraanip o,” yorage mbareegi,

2 Peterut 2:7

Ndi, at aap Lot iniki obeelom aret wonagagerak kwe, it aakumi ti, inenggela'me logonet, Ala wone taganogo punuk, iniki nen nengge kenok ugun-ugun eerit nogwe nogo enegen iige, inoone ugun agan nogwe nogo aruk konengge, eeke logonet, at iniki mondok abe koonak me, “Yi eekwi yi, ao,” yinuk, ko'lu-kii'me iniki mondok wakko'net unggwage Ala nen kage nagagerik, it aakumi ti, pup eerogo piige logonet, at aap obeelom aret me, agap ndareegerak nogo lek a?

2 Peterut 2:9

Ala nen togop aret eeginabit wundi wagagerak me, nit at apuri at oone eerit nugwi nogo aaninggin mendek ninoba age kenok, ninagap ndake, ndi, it obeelom eekwi lek maluk eeko menggaarak nogo peebi age yobok paga inowak loonogo punuk, maluk inoba kwippiige, eeriyak nogo at eenu aret me, eerigin aret mbako logowok o.