Wakkagagerak 19:11 - Ala Wone Peenok Peebi Mbanak

¹¹ Tu nggelok togon nappogo nogogwaarik, it aap endekem oonggu'me wonogwe nogo aap tawe inom, aap inanggok inom, abok tigitogon inigen mbuk eerogo piigo mbareegwa, tungga nogo inigen abu kaga'lek aret wonogogwaarak.

Wakkagagerak 19:11 ပူးပေါင်းရင်းမြစ်များ

Wakkagagerak 19:12

It aap mbere'ndak nogo nen at Lot yogo logonet, “It aakumi o yime wonogwe nogo eekwi paga inanini agaket yogwe at Aliku ALA nen iige nagagerik, pup eerogo inooriyak nduk nappinani wagaarak me, kapurilogwe wologwe inom, komologwe inom, karumini inom, kat mendek abok aret yime ambi wonogwe iyo, inom pup eerogo piyookwak, kurumbi yora nak o,” yoreegwaarak.

2 Endagembogut 6:18

Ndi, ne ti eyom paga it aap Aram mendek nogo Elita pigaawok nduk, wambi wogwe iigak, at Elita nen Aliku ALA yoge logonet, “Nogoba o. It aap Aram mendek wogwe yi, inigen ogut eerogo piyet o!” yinuk, Elita tamban eereegerak nogo ndak-ndak aret it aap nogo inigen ogut eerogo piyareegerak.

Wone Alom Kibingga 10:15

Aap iniki lek wi nen yabu ta'liila eerit nage nagaatik, ame o kota noorak kobak aret age menggerak.

Yetaya 57:10

It inagugi kwaarit o nda nugu logonet, ta'liila eeginake kenok, Yi we aanom warogo eerit nogo ogoorik o, yinuk, yuurak kwe, togop yaga'lek Iniki aganggen eeginake ti'nen wogoren nage me, inomaawi lek aga'lek kagak kwaarit nogo agaarik o.

Yeremiya 2:36

Yeenggwa niraawak o, yinuk, ambi me nagak ambi me nagak eerit nugwi ti, nonggop nduk eerit nogo agaarik? It Atiyut mendek eekwi paga inenggali ogogwaarak kwak it Metit mendek nen eeginaburak ti paga togop aret inenggali arugun o.

Nappiigak 13:11

Yogondak at ninogoba Ala nen maluk eeppagage kenok, kenegen mbuk a'nuk, o eya kenegen kaga'lek keegak, ne mande negen logomunggun o,” yinuk, awo yoge kagak, enegen ogut age nagagerik, apit agagerak. Enegen apit age mbareegi, “Neenggi pi'nabuwak o,” mba'nuk, yu'nduk ari nagagerak.