Wakkagagerak 18:7 - Ala Wone Peenok Peebi Mbanak

⁷ Yoge nagagerik, eeke kagak, at Abarakam nogo mbe agan tapi wonogwe me nogome nage nagagerik, “Tapi aagaluk ambi piirigalo yi aret kagi,” yinuk, wagangge nagagerik, laruwak nduk, at ayeloman wogoge mbareegi, ayeloman nogo mbet-mbet lari nagagerak.

Wakkagagerak 18:7 ပူးပေါင်းရင်းမြစ်များ

Wakkagagerak 18:6

Yogo mbareegwa, at Abarakam nogo mbet-mbet aret ame unggwi nage nagagerik, akwe Tara yoge logonet, “Kat mbet-mbet aret tepung abu abe aaninggin 10 negen wakkagak wagangge logomenggendik, amok mbanogo oroti woraru o.”

Wakkagagerak 18:8

Mbet-mbet aret lake mbareegi, at Abarakam nogo nen tapi elak amburu toolak inom, elak amburu longgo warak inom, tapi larak nogo inom, it aap nogo wogorage mbareegi, nunggwi iigak, at Abarakam nogo eyo alome taa'nogo inarum aret wonagagerak.

Wakkagagerak 19:3

Yoreegwaarak kwe, at Lot nogo, oone nimi-nomoorak mban yorage mbareegi, ame inom unggwi nogo nogogwaarik, wonogo logonet, inabugo oroti piika'lek mendek we worarogo nunggugwaarak.

Amot 6:4

Kit nogo yogo monggo'nom abu abe wanggalep meeli nabenak paga windak wonogwe, Kwi'nagak abe ndoonak paga kwi'ndak wonogwe, Tapi-ndomba inaagalogwe inamok tigiluk inoorogo larogo nunggwi,

Maleyaki 1:14

“An aakumi inowe nendagembogut mondok iya lombok wonage, ndi, yi aakumi ndi aakumi inenggela'me nendage tiyanak nayuk warak wonage, eeke minggirak me, it aap ambi nen aanggumi inenggela'me ngguunok abe an woorak mendek ambi wonage me, Ala ake pigi o, yinuk, kumbuk mbanogo pemenggaarak kwe, mbo punuk, obaane'me alik aga'lu mendek ogoba an Ala wo'niri wage ti, nambokan laganogo wo'nege me, at mondok pulunik aret logowak o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Matiyut 22:4

Puk ogo mbareegwa, at aap nogo nen, Nerapi inom, nerapi-lembu amok warak lombok inom, warogo lake nagarik, noorak nduk yi mendek ndi mendek abu pipuk eerogo pigirak me, ninom noorak yoragarak nogo, mbet-mbet woraawak nduk, yora nanip o, yinuk, ayeloman mini alik ambi yonggo nappiyareegerak.

Lukat 15:23

Ndi, ti eeppunuk, tapi aagaluk amok warak ambi wa nogo logomonggotik, warogo anooniya lako logonet, ale'nggen eeruwok o.

Lukat 15:27

kin wagangge mbareegi, ayeloman nogo nen, Lek o. Kawuluk nogo muk wagaarak o. Ndi, eebe obeelom aret wagaarak me, kogoba nogo nen tapi aagaluk amok warak ambi warogo lako logonet, ale'nggen eeko agaarik o.

Lukat 15:30

kaput yi perak, kumi ugun wurinabit nege logonet, kawu wogoreegindak nogo tigippagit nege nagaarak nogo wage mbaki, tapi aagaluk amok warak lombok warogo lagagendak o.

1 Tamuwen 28:24

Kwi'nage mbareegi, kwe nogo tapi aagaluk piirigalo ambi ame wonage me, mbet-mbet wake nagagerik, mbanogo lake, ndi, gandum anggen yigirik waganogo amok mbanogo oroti piiruwak nduk, pugwi nogo mendek pega'lek kagak worake, eeke nagagerik,