Wakkagagerak 18:6 - Ala Wone Peenok Peebi Mbanak

⁶ Yogo mbareegwa, at Abarakam nogo mbet-mbet aret ame unggwi nage nagagerik, akwe Tara yoge logonet, “Kat mbet-mbet aret tepung abu abe aaninggin 10 negen wakkagak wagangge logomenggendik, amok mbanogo oroti woraru o.”

Wakkagagerak 18:6 ပူးပေါင်းရင်းမြစ်များ

Wakkagagerak 18:5

Kit kinayeloman an nawoore'nggam pe'neya wogotak me, mbi nonggo logomonggotik, kinomaawi paga noorak mbako'nom nabagip nduk, kinabugo mbet-mbet aret larikit o.” Yorage mbareegi, it nogo nen, “E o! Yagandak ti ndak-ndak aret eeru o.”

Wakkagagerak 18:7

Yoge nagagerik, eeke kagak, at Abarakam nogo mbe agan tapi wonogwe me nogome nage nagagerik, “Tapi aagaluk ambi piirigalo yi aret kagi,” yinuk, wagangge nagagerik, laruwak nduk, at ayeloman wogoge mbareegi, ayeloman nogo mbet-mbet lari nagagerak.

Wakkagagerak 19:3

Yoreegwaarak kwe, at Lot nogo, oone nimi-nomoorak mban yorage mbareegi, ame inom unggwi nogo nogogwaarik, wonogo logonet, inabugo oroti piika'lek mendek we worarogo nunggugwaarak.

2 Tamuwen 13:6

Yoge mbareegi, at Amonon nogo andi negen eekko'nok nogo yege menggim winnagagerak wonage me, at ogoba endagembogut Ndawut nogo pekka unggwage mbareegi, at yoge logonet, “Nogoba o. An nawuluk kolaga Tamat nogo nenegen neegak, eenggi paga nen mbi kuwe ombat tele worarogo wo'niruwak nduk, woroorak, Ao, mbake agarik o,” yoreegerak.

Ndawi 119:60

Koone, “Yogop ee'nu ndogop ee'nu,” yugu nogo An elaambirik lek mbet-mbet aret eerit nage logokit, mbake agarik o.

Yetaya 32:8

It aap iniki abe nen perak, Abe koonak eeppiinet nogo logorak mban koonggo menggaarak me, Yi mendek ndi mendek abe mban eerit nugwi ti paga it mban woguk yogo menggaarak.

Matiyut 13:33

Yorage nagagerik, wone ambi eegu laarogo yorage logonet, “At mbogut paga abu'me piyoorak nogo ti, roti piike menggerak nogo pogom aret me, kwe ambi nen roti piike menggerak nogo waganogo gandum anggen yigirik ambik pugume kilirogo wuppunuk, inom nombongge kenok, abok aret piike menggerak o,” yoragagerak.

Nappiigak 16:15

Iniki tu paarogo pereegerak paga wone wagangge mbareegi, kwe nogo at ame menggaarak inom yiime wuppiyareegerak. Yiime wuppiige mbareegi, at kwe nogo nen, “Kit nen, Kwe yi, ninogoba Yetut abet mbakerak o, nombakotak kenok, an name ninom logowok nduk woraanip o,” yinuk, nabenak mban yo'nirage mbareegi, “E o,” yinuk, ame aret unggwi nogogurak.

Oroma 12:13

It Ala apuri inamendek lek kenok wogorogwe, ndi, aap nggiru kiya wogwe iinok wogonakwi, eeko logonip o.

Nggalatiya 5:13

Noreewi o. Kit perak, wondet aago nugu logobagip nduk, Ala nen miikkinabeegerak kwe, “An nanonggwan wondet agago paneegerak me, niniki nengge kenok ugun eerit nage logi o,” yinuk, yuurak ti mage o. Ata, nabuwa-kabuwa mbako logonet, kinoreewi kinom yeenggwa-yeenggwa eeko logonip o.

Iberani 13:2

It aakumi nen malayikat mendek kagak, “Yi aakumi aret o,” yinuk, kobak logonet inabugo lako nogogwaarak me, it aakumi nggiru kiya wogwe iinok, keyage warogo kiniki ale'nggen paga wogonako logonip o.

1 Peterut 4:9

Kinoreewi ambi kiya wogwe iinok, kineebi mbaka'lek kiniki ale'nggen paga kinambi magarogo logonip o.

Owak Loongga 6:19

Yoge mbareegi, Nggireyon nogo oome nanuk, kambin aagaluk ambi warogo lake, gandum anggen yigirik 22 liter negen waganogo oroti piika'lek mendek pega'lek kagak woraake, eeke nagagerik, kambing larak nogo muun yarak me yonggoke, ndi, kambing larak amburu nogo yiiwa'na tooke, ee'nuk, at nogo eyo teno alome time awo tokkage wonage me, wogori wagagerak.

1 Tamuwen 28:24

Kwi'nage mbareegi, kwe nogo tapi aagaluk piirigalo ambi ame wonage me, mbet-mbet wake nagagerik, mbanogo lake, ndi, gandum anggen yigirik waganogo amok mbanogo oroti piiruwak nduk, pugwi nogo mendek pega'lek kagak worake, eeke nagagerik,