Wakkagagerak 18:32 - Ala Wone Peenok Peebi Mbanak

³² Yoge mbareegi, at Abarakam nen ari logonet, “Nogoba wae. An ne ambiriluk yi aret yokkege me, kanini eeppanugun o. It aap ineebe we 10 iluk mban maluk eeka'lek iniki abe koonak wonogwe iinok ti, nonggop o?” Yoge mbareegi, at Aliku ALA nen, “Aap ineebe 10 iluk iniki abe koonak wonogwe iinok ti, an o ti pup eerogo pigin lek o,” yinuk, yoreegerak.

Wakkagagerak 18:32 ပူးပေါင်းရင်းမြစ်များ

Wakkagagerak 18:30

Yoge mbareegi, ti'nuk, at Abarakam nen Aliku ALA ambinom yoge logonet, “Nogoba o. An ambinom aret yokkege me, mbe'niriyak mage o, nogoba. Aap ineebe 30 mban wonogwe iinok ti, nonggop o?” Yoge mbareegi, at Aliku ALA nen, “Aap ineebe 30 wonogwe iinok, o ti pup eerogo pigin lek o.”

Wakkagagerak 18:31

Yoge mbareegi, at Abarakam nen ambinom yorit unggwage logonet, “Nogoba wae. An nagabiti mbakak logonet kwe, nogogumbuk a'nuk yokkege me, kanini eeppanugun o. Aap ineebe we 20 iluk mban iniki abe koonak wonogwe iinok perak, nonggop o?” Yoge mbareegi, at Aliku ALA nen, “Aap ineebe 20 iniki abe koonak wonogwe iinok, o ti, an pup eerogo pigin lek o.”

Wakkagagerak 44:18

Nogo yorage mbareegi, at Yekura nogo nen Yutup owagam taati panggo yi nage nagagerik, yoge logonet, “Ai, nogoba! Kat keebe o Metit yime kendagembogut Pirawun kwak aret me, an kayeloman nen wone ambi yokkiriyak mbakirak me, yokkege neegak, mbe'nirugun o. Ata, Op aret, yo'niru o.”

Ayup 33:23

Togop eeko menggaarak kwe, Ala ayonggo malayikat nogo, Ineebe ambik seribu wonogwe inenggela'me aap ambi nen yeenggwaara wage logonet, Ndogop eeriyak ti op o, yinuk, yorage,

Ndawi 86:5

Nogoba o. Kat Ala abu obeelom aret wonage, Aakumi inomaluk aberak wonageelik mari eerogo piige, Aakumi abok aret inoone nggwok paga yokkugwi iinok, Inabuwa lombok mbarit nage logonet inoone konengge, Eeke menggendak o.

Wundeegwaarak 32:14

Yoge mbareegi, Aliku ALA nen it aakumi Iterali aaninggin-paaninggin agago maluk eeppiyoorak mbareegerak nogo, eeppiyoolik mbo pereegerak.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Yetaya 65:8

Aliku ALA nen yegerak nogo yi aret. “Anggur anggen luurik-maarak yugu ambi amburu awo wonage kenok, aakumi nen, Amburu awo wonage me mbo puurak mage o, yogo mengga kwak An nayeloman mini ando abe eekwi me, an nen it abok aret lek eerogo piyaagin lek o.

Yeremiya 5:1

Aliku ALA nen ari logonet, “Kat o kota Yerutalem yiru-ndiru yime pekkanet nage, Pekkanet nage logonet, kenegen li'lak yambonit nage, Wone mbanggo menggam nggween aagome abok aret yambik-yambek eeke, Eerit nage logot o. Eerit nage logonet, aap ambi iniki abe koonak a'me nggelok mban eeke menggerak ambi wonage kage kenok, Aakumi o kota yime menggaarak ineebe lek eerogo piyaagin lek, inomaluk lek eerogo piyaagin kwe, lek me meek o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Matiyut 7:7

Yorage nagagerik, ambinom yorage logonet, “It aakumi nggino yorogwe iinok, wogorogwe, kwaakwi iinok, kwaakkologwe, Tu paa'niyet, yorogwe iinok, paariigwi, eeko menggaarak me, nggino yogwi kiinok, wokkirage, kwaakwi kiinok, kwaakkirage, Tu paa'niyet o, yogwi kiinok, paakkiige, eeke kaabagip nduk, kit nen nggino yogwi, kwaarit nugwi, Tu paa'niyet, yogwi, eeko logonip o.

Epetut 3:20

Nit eeppinanuwak nduk nggino yogwi, niniki koonggwi, eekwi nogo mban eeppinanege lek at omaawi ee'ninake logonet, niniki mbaka'lek nogo mendek inom abok aret eeppinanege menggerak nogo,

Owak Loongga 6:39

Tooppunuk, at Nggireyon nen Ala yoge logonet, “Ndomba eeruwak mbanak nogo paga ogut wakkoorak nduk, ne ambinom eeriyak yokkirigin me, keebi nombarugun o. Ne yogondak yi paga mban ndomba eeruwak mbanak nogo woloonak kagak, nggween paga mban konaananggen luurogo puwak nduk, eeru o.”