Wakkagagerak 18:31 - Ala Wone Peenok Peebi Mbanak

³¹ Yoge mbareegi, at Abarakam nen ambinom yorit unggwage logonet, “Nogoba wae. An nagabiti mbakak logonet kwe, nogogumbuk a'nuk yokkege me, kanini eeppanugun o. Aap ineebe we 20 iluk mban iniki abe koonak wonogwe iinok perak, nonggop o?” Yoge mbareegi, at Aliku ALA nen, “Aap ineebe 20 iniki abe koonak wonogwe iinok, o ti, an pup eerogo pigin lek o.”

Wakkagagerak 18:31 ပူးပေါင်းရင်းမြစ်များ

Wakkagagerak 18:27

Yoge mbareegi, at Abarakam nen ambinom yoge logonet, “An abu meek liirubu wun pogom logonet, wone yokkiriyak meek aret kwe, kagak yokkege me, mbe'niriyak mage o, nogoba.

Wakkagagerak 18:30

Yoge mbareegi, ti'nuk, at Abarakam nen Aliku ALA ambinom yoge logonet, “Nogoba o. An ambinom aret yokkege me, mbe'niriyak mage o, nogoba. Aap ineebe 30 mban wonogwe iinok ti, nonggop o?” Yoge mbareegi, at Aliku ALA nen, “Aap ineebe 30 wonogwe iinok, o ti pup eerogo pigin lek o.”

Wakkagagerak 18:32

Yoge mbareegi, at Abarakam nen ari logonet, “Nogoba wae. An ne ambiriluk yi aret yokkege me, kanini eeppanugun o. It aap ineebe we 10 iluk mban maluk eeka'lek iniki abe koonak wonogwe iinok ti, nonggop o?” Yoge mbareegi, at Aliku ALA nen, “Aap ineebe 10 iluk iniki abe koonak wonogwe iinok ti, an o ti pup eerogo pigin lek o,” yinuk, yoreegerak.

Matiyut 7:11

Lek o. Kit aap maluk mendek kwe, kinapurilogwe nen yokkirogwe iinok, obeelom mendek wogorogo monggotak nogo ndak-ndak, kit kinogoba mbogut paga mendek nogo nggino yogwi kiinok, at togop aret obeelom mendek mondok iya negen wokkirage kaamunggup o.

Matiyut 7:7

Yorage nagagerik, ambinom yorage logonet, “It aakumi nggino yorogwe iinok, wogorogwe, kwaakwi iinok, kwaakkologwe, Tu paa'niyet, yorogwe iinok, paariigwi, eeko menggaarak me, nggino yogwi kiinok, wokkirage, kwaakwi kiinok, kwaakkirage, Tu paa'niyet o, yogwi kiinok, paakkiige, eeke kaabagip nduk, kit nen nggino yogwi, kwaarit nugwi, Tu paa'niyet, yogwi, eeko logonip o.

Lukat 11:8

Lek o! At ore aret me wogoriyak op kwe, nogo inikilom agaarak me, wogoriyak eebi mbake kagak kwe, agabiti mbaka'lek oone nabenak mban yoge paga at mi'na'nuk, Wo'niru o, yoge nogo aret wogorigin lek mbakop? Wogorigin aret o, yinuk, yokkirage agarik o.

Lukat 18:1

Ti yorage nagagerik, aakumi anggon-panggon eeginaka'lek tamban mban eeko logowak nduk, Yetut wone yi, eegu laarogo at oone waganggwi nogo yorage logonet,

Epetut 6:18

Kinogogumbuk mondok kinom perenggologo logonet, Ala nen yeenggwaagiraawak nduk, Aberiniki nen yokkirage kagak, puk aga'lek Ala nggino yogwi, nogo yigin eekkinaka'lek kineenik logonet, it Ala apuri ake leenak abok aret inake tamban eekwi, eeko logonet,

Iberani 4:16

yogondak aaninggin ambi ninoba age kenok, ninabuwa mbake logonet, iniki kunik en eeppinanege kaawok nduk, ninagabiti mbaka'lek at Ala iniki kunik en eeppinanege menggim nogome panggo yi ungguwok o.