Wakkagagerak 18:3 - Ala Wone Peenok Peebi Mbanak

³ Keyage waganake nagagerik, yorage logonet, “Nogobamini o. Kit ya'i ninom logonuk noorak op mbakwi kenok, an neegak, kit nok-nok noorak lek o.

Wakkagagerak 18:3 ပူးပေါင်းရင်းမြစ်များ

Wakkagagerak 18:2

Nikka wage mbareegi, Abarakam uut pilarogon enegen pe'nage nagagerik, aap ineebe kenagan at owagam taati mi'ndak wonogwe iyareegerak. Iige nagagerik, awooliya tungga'nggi paga nen nggare agan inowagam iya nage nagagerik, inabu'me nggween paga enete wanduk wangge logonet keyage waganabeegerak.

Wakkagagerak 18:4

Ata, kit eyo alome yime tat yonggonggolaamunggup nduk, kiniyok kooriyak niyo ambi tookkira nawi o.

Wakkagagerak 24:31

Ka nage nagagerik, “At Aliku ALA nen abet aret ale'nggen koba pagage logonet, koonogo pagagerak me, kat nonggop nduk endekem ya'i mi'ndak agandik o? Kat inom, kaanggumi inom, nogo yuwam abok aret name punogo pagagarak me, nimbirak nawok o.”

Wakkagagerak 32:5

an naanggumi lembu-keledai inom, kambin-ndomba inom, nayeloman kumi-aap inom, ambik aret unde agarak me, nogoba nimbirak niniki ale'nggen paga lambuniyak nduk, yogondak wage agarik, yegerak, yori nanip o,” yinuk, nappiya wagagerak.

Wakkagagerak 39:4

iniki ale'nggen mbake logonet, at eebe ndegenit nege, ndi, at ame inom, amindik-amendek inom, abok aret arum wonage, eeke logowak nduk, mippereegerak.

Owak Loongga 6:18

Eeppanenok nduk, kake ambi kwaari nanuk, wokkiri woraakit nen to'nake logot o.” Yoge mbareegi, Aliku ALA nen, “An ya'i tokkake wonage me, neya woraanok nduk nak o,” yoreegerak.

Owak Loongga 6:19

Yoge mbareegi, Nggireyon nogo oome nanuk, kambin aagaluk ambi warogo lake, gandum anggen yigirik 22 liter negen waganogo oroti piika'lek mendek pega'lek kagak woraake, eeke nagagerik, kambing larak nogo muun yarak me yonggoke, ndi, kambing larak amburu nogo yiiwa'na tooke, ee'nuk, at nogo eyo teno alome time awo tokkage wonage me, wogori wagagerak.

Owak Loongga 6:20

Wogori wage mbareegi, Ala ayonggo malayikat nogo nen Nggireyon yoge, “Kambin larak inom, oroti piiruwak nduk pega'lek kagak woraarak inom, yugum paga taati punuk, amburu ti obaga kilirogo pu o,” yoge mbareegi, ndak-ndak aret eereegerak.