Wakkagagerak 18:25 - Ala Wone Peenok Peebi Mbanak

²⁵ Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

Wakkagagerak 18:25 ပူးပေါင်းရင်းမြစ်များ

Wakkagagerak 18:24

It aap ineebe 50 maluk eeka'lek obeelom mban o kota time wonogwe iinok, nonggop o? Aakumi ineebe 50 obeelom koonak mban eekwi iinok, o ti teppuurak op aret kwe, teppega'lek it abok aret inom lek eerogo piyoorak op mbaken?

2 Mbinineegwaarak 19:7

At Aliku ninogoba Ala nen aakumi inowak loongge logonet ugun-ugun eeke, inetenggen maloppiinok eeke, Wu kolaakit mbakak eeke, eekeelik me, Aliku ALA kinagabiti mbako logonet, mondok liirogon inowak looninako logonip o,” yinuk, yoragagerak.

Nekemiya 9:33

Yi wone ndi wone ninoba age kagak kwe, a'me nggelok eeppinanege, ndi, nit maluk lombok eekwi niigak, kat nen li'lak aret eeppinanege, eeke nagagindak o.

Ayup 34:10

Togop aret me, Kit yi wone ndi wone kineenu yi, wae. An noone yokkirage yi, konenggo logonip o. At Ala nen maluk eeke, At Omaawi Lombok Menggerak nen ninggin eeke, Eeke menggerak yuurak mondok mage o.

Ayup 34:12

At Ala nogo maluk eeke, At Omaawi Lombok Menggerak nen Ugun-ugun inowak loongge, Eekeelik, mbako logonip o.

Ayup 8:20

Togop aret menggaarak kwe, Aap ambi inoone oba pugulik iniki abe kenok Ala nen mbo pege, Ndi, it maluk eeko menggaarak kenok yeenggwaarage, Eekeelik aret mbake logot o.

Ayup 8:3

Ala nen nomo-komo eerogo aakumi maluk eeka'lek iigak, Maluk onggo eeppiige, Obeelom eekwi iigak, at Omaawi Lombok Menggerak nen, Ti maluk aret o, yinuk, maluk eeppiige, Eeke menggerak mbaken? Lek me,

Ndawi 50:6

Yorage mbaremenggi, Mbogut nen oone nggwok paga ari logonet, “Aakumi inowak loongga ti, Ala lombok aret me, Apuri a'me nggelok mban inowak loonigin o,” Yinuk, kuum eerogo nappit nage agaarik o.

Ndawi 58:11

Ti eekwi nogo aakumi nen inigen iinok, Yogo logonet, “It aap iniki abe koonak nogo Ala nen onggo wogorage, O nggween paga eekaatak ndak-ndak inowak loongge, Eeke menggerak abet aret kogo o,” Yinuk, yogo logogun o.

Ndawi 7:12

It aakumi nen inomaluk mbo pugwi lek iinok, At nen awooluwak ngget nggabunogo pege, Eegin agale wurogo pege, Eerigin o.

Ndawi 75:3

Nggween nuk-nuk eeke logonet, Aakumi inom nuk-nuk eeginake kenok, An nen aret nggween alom yarak nogo pipporogo minggirak me,

Ndawi 94:2

It nggween paga menggaarak inowak loongga yi wae. Pilak yu o. Pilak ari logomenggendik, It aap iniki wogoppako menggaarak nogo Eekwi onggo ndak-ndak eeppiyet o.

Wone Alom Kibingga 3:17

Iige nagagirik, niniki mbake logonet, “Yi mendek ndi mendek ariyak eyom wonage, Ndi, yi eeriyak ndi eeriyak eyom wonage, Eerak menggerak me, It aakumi iniki abe koonak inom, aap iniki maluk inom, imbirak at Ala nen inowak looninabigin o,” yinuk, mbareegirak.

Wone Alom Kibingga 7:15

An aanom warogo neenik wonage logonet, eekwi alom mbere kagagirak nogo yi o. Ambi, aap iniki abu koonak nogo nen obeelom eerit nage logonet kwe, aret kangge, Ndi, ambi, aap maluk mendek nogo nen maluk eerit nage logonet kwe, eenik nggorek wonage, Eekwi iyareegirak ti aret.

Yeremiya 11:20

Togop eeppaniyak yagaarak kwe, eekaatak a'me nggelok eeppiige logonet, inowak loongge, Nit niniki mbakwi, Ndogop eerikit, niniki koonggwi, eekwi nogo ninabut mbangge, Eeka Komaawi Lombok Menggendak Kaliku ALA wae. Nawone amburu mbanenok nduk, neebe aret wokkigirak me, kanini nen it eeppiige keyaakit o.

Yeremiya 12:1

Kaliku ALA wae. An wone noba agaatak yokkiri wage neenok, nawone abu abe amburu mbanogo mban yo'nege menggendak kwe, Kat a'me nggelok eeppiige menggendak wone mbuura'luk ambi yokkiriyak mbakirak nogo yi aret. It maluk eeka ineebe obeelom logonet, inale'nggen mban wonogwe, Ndi, it kat koone liirogon eeka'lek nogo nen inambi abe mban nunggwi, Eekwi nogo ti, nonggop nduk?

Yetikiyen 18:25

Togop kwe, it nen yogo logonet, Ninogoba nen eeriyak koongge ti, ndak-ndak lek kagak koongge agaarik o, yogwe iigirak kwe, it Iterali mendek ti, an ari yi, inaruk konenggo logowak o. An eeriyak koongge ti, ndak-ndak lek ilik? It eeriyak koonggwi ti, ndak-ndak lek a? It mban iniki kwaakkolaawak o!

Maleyaki 3:18

Ti eeke neenok, it aakumi iniki abe koonak logonet, eeka inom, inobaabut nggolawe logonet, maluk eeka inom, inalitak eekwi paga eeppiige, ndi, it nayuk wuko logonet, noone mugurok nogwe inom, nayuk wuka'lek noone mbo pugwi inom, inalitak eekwi paga eeppiige, eeke neyaagun o,” yinuk, yegerak me, yokkiragi o.

Linggineegwaarak 16:22

Yoragagerak kwe, at Muta Karun imbirak nen inete wanduk ngginna'nuk, Ala yogo logonet, “Ninogoba Ala wae. Aakumi ineenik unde menggendak kat Ala aret me, aap ambit maluk eekerak paga aakumi kuwak aago yi abok aret nonggop togon lek eerogo piyaamunggun o?”

Pelaareegerak 1:16

Ti mippiige nagagirik, ne ti eyom paga aret kinoweewi kinowak loongga nogo yorage logonet, Kit nen kinowe-kinawot Iterali mendek it mban-mban maluk eekwi kenok a, it aap nggiru kinenggela'me wonogwe nogo kit Iterali kinom maluk eekwi kenok a, inawone amburu mbanggo logonet, Yi endage warak, yi endage lek, yinuk, inete yomboombunuk, inawone amburu mbanggo logorak ti mage o. Ata, aakumi inawone amburu mbanggwi ti, Ala unde aret me, it aap ineebe paga kinagabiti mbaka'lek, it inoone yogwe mban kinaruk konembunuk, eeremenggaarak ndak-ndak inawone amburu li'lak aret mbanggo logomunggup o. Ndi, wone aaninggin negen eekkinake kenok ti, an nen inoone konembunuk, inawone amburu mbanikit nduk, wogoren nowagam piya wogo logomunggup o, yinuk, yoragagirak.

Iberani 12:23

it aa'nduk abet mbareegwaarak Ala apuri kuwak eeko nogogwaarak inendage mbogut paga liiru mbanak ineebe inom, nit aakumi abok ninawone amburu mbanogo ninowak loongga Ala nogo inom, it aakumi iniki abe koonak logonet, kambeegwaarak obeelom eerogo piyareegerak inogoma inom,

Owak Loongga 11:27

Nonggop nduk, nit nen kat maluk eeppagaga'lek niigak kwe, nit maluk eeppinangge logonet, ninom wim eeriyak ari agandik! Togop aret me, inowak loongga Aliku ALA nen ne yogondak yi paga Iterali inom, Amon inom, at nen mban ninawone mbanogo ninowak loonninabigin, yegerak o,” yinuk, yoruwak nduk, nappiyareegerak yori nogogwaarak.