Wakkagagerak 18:21 - Ala Wone Peenok Peebi Mbanak

²¹ it yi maluk ndi maluk eekwi iinok, aakumi nen yogwe naruk konenggirak nogo abet aret eekwi a, lek a? yinuk, nenegen maloppiya nage agarik o.”

Wakkagagerak 18:21 ပူးပေါင်းရင်းမြစ်များ

Wakkagagerak 11:5

It aakumi o nggwok kirin nggorek wurit laganggwi nogo at Aliku ALA nen enegen iige nagagerik, “Nonggop eekwi iyaamun?” yinuk, pegiya wambi wagagerak.

Wakkagagerak 11:7

ari nagagerik, “It inoone ambit yogwe nogo konen-konen yogo logokwak, inoone inalitak lombok eerogo piyaawok o.”

Wakkagagerak 18:17

Nappiya nage me, at Aliku ALA iniki nen mbake logonet, “At Abarakam apuri ambik aret wiganggo logomenggaarik, inanebunu nggwok inomaawi ambik aret logogun o. At paga yi aakumi ndi aakumi nggween paga logomenggaarak nogo inale'nggen aret mbako logogun. Ndi, at apuri ndaganabemenggerak inom, it nen wigannaremenggaarak mendek inom, iniki an noba panggombunuk obeelom koonak mban eerit nogo logorak paga Abarakam eeppuurak yoreegirak nogo an ndak-ndak eeppuurak inaruk wake logowak nduk aret mippereegirak me, an yogondak eeriyak koonggirak nogo, at Abarakam yoga'lek kumaappunuk logorak meek o. Ata, yorikit aret o,” yinuk, mbareegerak.

Wakkagagerak 6:12

Wonage kagak kwe, it aakumi nggween paga wonogwe nogo abok aret maluk eerit nugwi paga o nggween paga yime abok aret maluk etenggen wigak yereegerak at Ala nen kage nagagerik,

Ayup 34:22

It maluk eeko menggaarak nogo, o apit me kumaa'nari unggwogwe, O yumaak paga kunduk, kumaa'nogwe, Eeriyak meek o.

Ndawi 14:2

At Aliku ALA mbogut paga nen Aakumi abok aret nggween paga wonogwe yi, Enegen wugiya wage logonet, “It ambi iniki warak a'nuk eerit nugwi, An mu'neren wogwe, Eekwi iyaamun ilik?”

Ndawi 90:8

Nit maluk eekwi nogo kenegen niige, Ninomaluk nobarak wonage nogo, kabinak paga kin eeppege, Eeke menggendak o.

Wundeegwaarak 3:8

Yeenggwaarage logonet, an napuri nogo aakumi Metit mendek ineenggime nen ndininabunuk, wogoren it aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween nggwok mili obeelom lombok yilak amburu inom, nggiin amburu inom, niyo eneeri negen kila-kila wungge menggim time piya naakit nduk wagi o.

Yeremiya 17:1

At Aliku ALA nen ari logonet, “It Yekura inomaluk ti, liiru mbangga irip mbuti kunik paga inom, Liiru mbangga irip yugum mee'nggen kunik paga inom, Yugum tabak paga kwak inikime mbanak wonage, Ndi, warogo kani kunggo menggam unggut-unggut to ari nogo paga ayo wogo wonage, Eerak aret agaarik o.

Yeremiya 17:10

“Naliku ALA an perak, aakumi inobaabut eeko logomenggaarak nogo ndak-ndak onggo wogorage, Ndi, eerit namenggaarak nogo ndak-ndak eeppiige, Eeke logokit nduk, It aakumi iniki koonggwi nogo liippiige, iniki mbakwi nogo inabut mbangge, eeke minggirak o,” yinuk, yegerak.

Yunut 1:2

Aliku ALA nen ari logonet, “O kota nggwok Niniwe time inomaluk mondok iya lombok eekwi iigirak me, inomaluk mbo puwak nduk wone yora nak o,” yinuk, yoreegerak.

Mika 1:3

At Aliku ALA nogo abet aret at menggim nen wundi wage, Wambi wa'nuk, puut-puut paga iyok pit wage, Eeke agaarik o.

Tepaniya 1:12

Ne ti eyom paga an nen ndi wuninik wonok o Yerutalem maleninabit nage logonet, Anggur amburu abe tookwi iigak, ogogwe o'luwam linogo pege menggi kwak, it aap togop aago wonogo logonet, Aliku ALA nen obeelom eeppinanege, maluk eerogo pinanege, Eerigin lek, mba'nuk, Iniki ugun kobak aago wonogwe nogo, kwaappiinok, aaninggin inoba kwippiyaagin o

Lukat 16:15

Meek agago pogo mbareegwa, at Yetut nen it yorage logonet, “Kit nen aakumi obeelom kinombaruwak nduk, kinaana'le mbanggo'net nugwi kwe, Ala nen perak, kiniki mbakwi nogo eenu menggerak. It aakumi nen, Wi! yinuk, iya mbakwi nogo at Ala eebi lombok mbake menggerak.

Yaya 6:38

An niniki mba'nuk eeke logokit nduk, mbogut paga nen wambi woroolik. Ata, at nappani wagagerak eeriyak mbake nogo mban eerikit nduk wagagirak o.

2 Korindut 11:11

“An eeke iya,” mbake logonet, “Eeriyak mage, yo'niriyak lek,” yokkirage nogo ti, an niniki kunik eekkinaka'lek logonet, yokkirage mbakop? Lek o. An mondok niniki kunik eekkinake nogo ti, Ala eenu aret o.

Pelaareegerak 13:3

it yogwe nogo kit kinaruk koneniyak mage o. At Aliku kinogoba Ala nen, Iniki inom, ineebe inom, abok aret inogoba Ala an mban iniki kunik ee'nakwi iyaamun ilik, lek a, yinuk, it aap agan wogwe nogo paga kinabut mbanikit nduk, eeppinagage me, it yogwe nogo kinaruk koneniyak mage o.

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

1 Tetalonika 4:16

At ninowe lombok kuum ari, yonggo mbogut paga inowe nogo oone ari, Ala amendek oone nggwok eeka trompet nogo oone eeke, eeko logonet, ninowe mbogut paga nen wambi wage kagak, it aap Keritut inom kunik logonet, kambeegwaarak nogo, at Ala nen inaa'nduk mippiyaagin o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.

Yotuwa 22:22

“At mondok omaawi menggerak ti, at Aliku ALA alik aret o. At mondok omaawi menggerak ti, at Aliku ALA alik aret o. Nit eekoorak at Aliku ALA eenu aret me, nit Aliku ALA wone taganogo punuk, niniki worokot logonet, nineebi kinombakwi, at Aliku ALA nineebi ombakwi, eeppunuk, yi eekoorak kenok, Aliku ALA nen ninili yuurak lek kit nen ninooriyak op aret o.