Wakkagagerak 18:2 - Ala Wone Peenok Peebi Mbanak

² Nikka wage mbareegi, Abarakam uut pilarogon enegen pe'nage nagagerik, aap ineebe kenagan at owagam taati mi'ndak wonogwe iyareegerak. Iige nagagerik, awooliya tungga'nggi paga nen nggare agan inowagam iya nage nagagerik, inabu'me nggween paga enete wanduk wangge logonet keyage waganabeegerak.

Wakkagagerak 18:2 ပူးပေါင်းရင်းမြစ်များ

Wakkagagerak 17:3

Yoge mbareegi, Abaram nogo nen nggween paga enete wanduk wangge mbareegi, at Ala nen Abaram yoge logonet,

Wakkagagerak 18:16

It aap ineebe kenagan nogo o nogome nen wundi nanuk, o Torom inigen kaawok nduk nogo mbareegwa, Abarakam nen nappiya nagagerak.

Wakkagagerak 18:22

Yoge mbareegi, it aap wogogwaarak nogo mbere mban o Torom nogome, Nawi, nduk nogwe iigak kwe, at Abarakam nogo perak, at Aliku ALA imbirak taati puk age nagagerik,

Wakkagagerak 18:3

Keyage waganake nagagerik, yorage logonet, “Nogobamini o. Kit ya'i ninom logonuk noorak op mbakwi kenok, an neegak, kit nok-nok noorak lek o.

Wakkagagerak 19:1

It aap Ala ayonggo malayikat mbere'ndak nogo, o kiip age kagak o Torom unggwi wogogwaarak. At Lot nogo o Torom tu unggwogo menggam kwi'ndak wonage me, it nogo unggwi wogwe enegen iige nagagerik, etenggen nggween paga wanduk wangge logonet, keyage wappiyareegerak.

Wakkagagerak 23:12

Yoge mbareegi, at Abarakam nen it aakumi o time menggaarak kuwak eereegwaarak nogo inabu'me tebe yinuk, keyage waganake nagagerik,

Wakkagagerak 23:7

Ti yogo mbareegwa, at Abarakam nen mi'nage nagagerik, it aakumi Ket mendek o time menggaarak nogo inabu'me tebe yinuk,

Wakkagagerak 24:63

kiyoma-kiyoma at awooliyana nen wungge nagagerik, eyabume time wone iniki koonit nege logonet, enegen tiya ari nagagerik, unta wogwe nagiyareegerak.

Wakkagagerak 32:24

alik wonage me, aap ambi wage nagagerik, imbirak wuk eekkologwe tit iigak, o inoba weereegerak.

Wakkagagerak 42:6

Ndi, o Metit nogome at Yutup nagawan indo wonage kagak, it aakumi time mendek abok aret nen mbato kunggolaagun nogwe iinok, at Yutup nen mbato wogoragak eeke wonage me, Yutup oreewi nogo mbi onggo mbanuwok nduk nogo nogogwaarik, at Yutup abu'me taati ina nggween paga wu'na'nuk, keyage wappereegwaarak.

Wakkagagerak 43:26

Eerogo punuk wonogwe me, at Yutup wage mbareegi, yi mendek ndi mendek pipuk eerak nogo wonok at Yutup abu'me taa'nogo punuk, ina nggween paga tebe yinuk, keyage wappereegwaarak.

Wakkagagerak 43:28

Yorage mbareegi, it nen Yutup yogo logonet, “Nit kayeloman mini ninogoba ti, at eebe obeelom eenik aret wonage o.” Yogo logonet, inendobanggun yindumbunuk, ayuk wureegwaarak.

Wakkagagerak 44:14

At Yutup nogo ame time wonage me at Yekura oreewi inom Yutup owagam nogo nogogwaarik, inagabiti mbakak inanobak nggween paga kumbunuk, “Ai,” yinuk, keyage wappogo mbareegwa,

Wakkagagerak 48:12

Yoge mbareegi, at Yutup nen wologwe nogo Yakup enaame nen tayoppiige nagagerik, Yakup abu'me ena nggween paga wandinik logonet, keyage wareegerak.

2 Endagembogut 2:15

Wunda wage mbareegi, it Ala nen yorage kagak yoraga aago o Yeriko mendek nda nen nagiyareegwaarak nogo nen yogo logonet, “Eliya amunggat oba wonagaarak nogo, muk Elita oba agaarak kogo o.” Yinuk, owagam nogo nogogwaarik, abu'me inete wanduk yinuk, Elita yogo logonet,

Oroma 12:13

It Ala apuri inamendek lek kenok wogorogwe, ndi, aap nggiru kiya wogwe iinok wogonakwi, eeko logonip o.

Iberani 13:2

It aakumi nen malayikat mendek kagak, “Yi aakumi aret o,” yinuk, kobak logonet inabugo lako nogogwaarak me, it aakumi nggiru kiya wogwe iinok, keyage warogo kiniki ale'nggen paga wogonako logonip o.

Yotuwa 5:13

Ti'nuk, at Yotuwa nogo o Yeriko panggorogon ari woraanuk, enegen ni'nage nagagerik, aap ambi wooluwak eenggime nutik at enaame mi'ndak wonage kagagerak. Kage nagagerik, owagam nanuk, aap nogo yoge logonet, “Kat ninore mendek ilik? Ninawim mendek a?”

1 Peterut 4:9

Kinoreewi ambi kiya wogwe iinok, kineebi mbaka'lek kiniki ale'nggen paga kinambi magarogo logonip o.

Owak Loongga 13:3

Wonage me, Aliku ALA ayonggo malayikat ambi kwe nogo wonage me, kin ari wage nagagerik, yoge logonet, “Kat kwe yi, kaagaluk ndaka'lek wubili abet aret wonage kwe, kabila age logomenggendik, kaagaluk aap aret ndarumunggun o.

Urut 2:10

Yoge mbareegi, Urut nogo abu'me tebe yinuk, ena nggween paga wu'na'nuk yoge logonet, “An ti, kwe nggiru aret kwe, nonggop nduk an nabuwa mbake logonet, liippanegeno?”