Wakkagagerak 18:16 - Ala Wone Peenok Peebi Mbanak

¹⁶ It aap ineebe kenagan nogo o nogome nen wundi nanuk, o Torom inigen kaawok nduk nogo mbareegwa, Abarakam nen nappiya nagagerak.

Wakkagagerak 18:16 ပူးပေါင်းရင်းမြစ်များ

Wakkagagerak 18:15

Yoge mbareegi, at Tara agabiti nen aana'le mbanggolage logonet, “An i'ndok kambulik o.” Yereegerak kwe, at Ala nen, “Lek o. Kat abet aret i'ndok kangge keegirak o,” yoreegerak.

Wakkagagerak 18:2

Nikka wage mbareegi, Abarakam uut pilarogon enegen pe'nage nagagerik, aap ineebe kenagan at owagam taati mi'ndak wonogwe iyareegerak. Iige nagagerik, awooliya tungga'nggi paga nen nggare agan inowagam iya nage nagagerik, inabu'me nggween paga enete wanduk wangge logonet keyage waganabeegerak.

Wakkagagerak 18:22

Yoge mbareegi, it aap wogogwaarak nogo mbere mban o Torom nogome, Nawi, nduk nogwe iigak kwe, at Abarakam nogo perak, at Aliku ALA imbirak taati puk age nagagerik,

Wakkagagerak 19:1

It aap Ala ayonggo malayikat mbere'ndak nogo, o kiip age kagak o Torom unggwi wogogwaarak. At Lot nogo o Torom tu unggwogo menggam kwi'ndak wonage me, it nogo unggwi wogwe enegen iige nagagerik, etenggen nggween paga wanduk wangge logonet, keyage wappiyareegerak.

Nappiigak 15:3

Yorogo nogogwaarik, it Ala apuri time kuwak eekwi nogo nen nappiya wogo mbareegwa, o Penitiya inom, Tamariya inom, yanggwagak eerit wogo logonet, it endekem mendek inomaluk mbo pereegwaarak wone nogo, mbininogo yorenet wogo mbareegwa, ninoreewi Ala apuri time wonogwe nogo nen iniki ale'nggen ambik aganabeegerak.

Nappiigak 20:38

At Pawulut nen, “An peebi nenggaawak ambi neyaamunggup lek o,” yoragagerak ti paga iniki abu maluk ogo nogogwaarik, ale yogwe, keyage wappugwi, eeppogo nogogwaarik, wonok yiiro yi aa'nggi paga wonage me taa'nogo pi nogogwaarak.

Nappiigak 21:5

time logonuk noorak kooneegurak nogo ndak-ndak age mbareegi, it Yetut oone waganeegwaarak nogo inakuwi-inapurilogwe inom abok aret o kota nen wo'niren yi aa'nggi paga pinani nogo mbareegwa, ninendobanggun yindumbunuk tamban eereegurak.

Oroma 15:24

yogondak aret o Itapaniyot nage logonet, pekkiigak woroorak mbakirak o. Ndi, wage logominggirik, time ninom ninale'nggen paga logonuk, nappanubagip nduk, kiya woraagin o.

3 Yaya 1:6

It nogo nen Ala apuri yime kuwak eeko menggaarak inenggaanom mbininggo logonet, “Aap Nggayut iniki kunik ee'ninake logonet, ndogop eeppinanege menggerak o,” yinuk, yo'niragaarak me, aap togoti mendek ambi keya wogwe iinok, Ala inikilom kombaruwak nduk, inamendek ambi lek kenok, wogorage logomenggendik, nappiyoorak ti op aret o.