Wakkagagerak 18:15 - Ala Wone Peenok Peebi Mbanak

¹⁵ Yoge mbareegi, at Tara agabiti nen aana'le mbanggolage logonet, “An i'ndok kambulik o.” Yereegerak kwe, at Ala nen, “Lek o. Kat abet aret i'ndok kangge keegirak o,” yoreegerak.

Wakkagagerak 18:15 ပူးပေါင်းရင်းမြစ်များ

Wakkagagerak 18:14

An Naliku ALA nen koonggitak nogo ambi eeriyak, Meek me, yinuk, ari agaarik? Tahun ambi eeppunuk, keya woraagin, yagarak nogo ndak-ndak ari wage kenok, woraagin aret me, at Tara aagaluk aap aret ndarigin o.”

Wakkagagerak 18:16

It aap ineebe kenagan nogo o nogome nen wundi nanuk, o Torom inigen kaawok nduk nogo mbareegwa, Abarakam nen nappiya nagagerak.

Wakkagagerak 4:9

Warogo pege nagagerik wonage me, at Aliku ALA nen, “Kayin wae. Kawuluk Kaben ngga nagaarak o?” Yoge mbareegi, at Kayin nen, “An neenggo'lek o. An nawuluk ti, an nenegen wonok nege me nduk ari agandik ya?”

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Ndawi 44:21

Kat aakumi inikime kote koonggwi nogo Abok liippinanege menggendak me, Kat keenu aret logonetak nogo lek a?

Ndawi 44:22

Nit kapuri ogogurak paga Kubondendok nen nok oonikiya ari nage kagak, “Ninooremengga ilik?” mbarit nugu monggoorak. Ndomba wariyak wonok nogo mengga kwak, “Togop aret eeppiyaawok,” ninombako menggaarak.

Kini Wuppiige 12:19

Inoone abet mban agan nugwi ti, mondok aret wonage menggerak kwe, Inoone pilit agan nugwi perak, ne ambiriluk wonagaatik, lek age menggerak.

Kini Wuppiige 28:13

Aap ambi nen omaluk kumaappatogo wonage paga at obeelom eekkolaga'lek aret wonage menggerak kwe, Aap ambi, “Maluk neebi o,” yinuk, paganogo mbo pege kenok perak, Ala abuwa nen teppege menggerak.

Marakut 2:8

It iniki togop mbakwi at Yetut nen yelok iige nagagerik, it yorage logonet, “Kit nonggop nduk kiniki togop mbako ogotik?

Yaya 18:17

Wonok oome unggwi nage mbareegi, kolaga tu arum wonagagerak nogo nen Peterut yoge logonet, “Kat kunduk at oone waganggwi mendek nogo lek a?” Yoge mbareegi, Peterut nen, “An lek o,” yoreegerak.

Yaya 2:25

It aakumi iniki mbakwi nogo ti, Yetut eenu menggerak me, aap ambit nen at ambi eeke abok paganogo at yoriyak mondok lek aret o.

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Epetut 4:23

kiniki ngget ogobakkigikkinabuwak nduk, Ala oone mban mugurok nogo logonip o.

Kolote 3:9

Nit niniki ngget ogobakkigika Ala nogo nen, at eeke menggerak kineenu arubagip nduk, at iniki pogom kit kiniki ngget ogobakkigirogo pinagage kagak, kit kinobaabut maan mendek paga maluk eeko nogogutak nogo, nggonenogo mbo punuk, kinobaabut ngget mendek eekkologogutak me, kit-kit aret pilit pugunggwi ti mage o.

1 Yaya 1:8

Nit maluk eeko logonet kwe, “Nit maluk eekulik o,” yogwe niinok, pilit aret ninambokan laganggologwe me, Ala ndogop menggerak wone nogo ninikime wonage abu lek aret o.