Wakkagagerak 18:14 - Ala Wone Peenok Peebi Mbanak

¹⁴ An Naliku ALA nen koonggitak nogo ambi eeriyak, Meek me, yinuk, ari agaarik? Tahun ambi eeppunuk, keya woraagin, yagarak nogo ndak-ndak ari wage kenok, woraagin aret me, at Tara aagaluk aap aret ndarigin o.”

Wakkagagerak 18:14 ပူးပေါင်းရင်းမြစ်များ

Wakkagagerak 17:16

At Tara ti, niniki ale'nggen oba piminggirak paga aagaluk wulaga ambi ndakkirigin o. Niniki ale'nggen at Tara oba piminggirak paga yi aakumi ndi aakumi inowogolo aret age, at aagalogwe wiganak inenggela'me nen aap inoweewi inendagembogut nda'nogwe, eeko logogun o,” yoreegerak.

Wakkagagerak 17:21

wone abuk nggaruk togon mbaneegurak nogo ti, aap Itamayen nimbirak mbanigin lek o. Ata, tahun ambi eeppunuk, ne yogondak yi ndak-ndak kwe Tara nogo nen kaput Itak kobaane'me ndarogo pigin nogo perak, yorigin o,” yoreegerak.

Wakkagagerak 18:10

Ari mbareegi, it aap wogogwaarak nogo at ambi nen ari logonet, “Tahun ambi eeppunuk, tut yi ndak-ndak ari wage paga an abet aret kowagam woraagin o. Ndi, kat kakwe Tara ti, aagaluk wulaga aret ndarigin o,” yinuk, yoreegerak. Wone yoreegerak nogo Tara o tungga'nggi ambokan nggwe time logonet aruk koneneegerak.

Wakkagagerak 18:13

Inikime nen i'ndok kangge mbareegi, at Aliku ALA nen Abarakam yoge logonet, “Nonggop nduk at kwe Tara nen, An abu nanggok agarak kagak, elege ndariyak yo'negaarak yi kiraap, yinuk, i'ndok kanggerak?

Wakkagagerak 18:15

Yoge mbareegi, at Tara agabiti nen aana'le mbanggolage logonet, “An i'ndok kambulik o.” Yereegerak kwe, at Ala nen, “Lek o. Kat abet aret i'ndok kangge keegirak o,” yoreegerak.

Wakkagagerak 21:1

At Aliku ALA nen, “Togop eerigin o,” yinuk, Tara wone yoreegerak nogo abeke nagagerik, imbirak wone abuk nggaruk togon mbaneegwaarak nogo eyom ndak-ndak ari wage mbareegi, at Abarakam nogo abu anggok agagerak kagak, Ala yoreegerak ndak-ndak kwe Tara nogo abila age nagagerik, aagaluk Abarakam obaane'me wulaga aret ndareegerak.

2 Endagembogut 4:16

at Elita nen kwe nogo yoge, “Tahun ambi eeppunuk, ne yogondak yi ndak-ndak, kaagaluk aap aret kogome kolaamunggun o.” Yoge mbareegi, kwe nogo nen, “Nogoba o. Kat Ala wone liirogon eeka aret me, koone pilit kayeloman an yo'niriyak ti mage o,” yoreegerak.

Ayup 36:5

At Ala ti, omaawi ambik menggerak kwe, Aakumi ti meek aret iigi o, yinuk, mbakeelik o. Yi wone ndi wone eenggo'lek lek abok aret eenu menggerak o.

Ayup 42:2

“Kat nen yi mendek ndi mendek abok aret op mban eeke, Eeriyak koonogo pege nogo lek aga'lek a'me aret nggelok ari, Eeke menggendak nogo an neenu aret o.

Ndawi 90:13

Kaliku ALA wae. Ninabuwa mbaka'lek mbo pinaninuk keegak, Ne mande ari nagin o? Nit kayeloman mini yi, ninabuwa mbaru obak!

Ndawi 93:1

At Aliku ALA ti, endagembogut aret o. Aap inendage tiyanak inayum yikwi iinok, “Wi!” irogo mengga kwak, At endage abu tiyanak me, “Wi,” ugo menggaarak o. Aap wakaa'ngget eegin-omaale li'luk aago kwak, At omaawi togop aret wonage menggerak o. At o nggween mondok nu'lek eerogo pereegerak wonage agaarik o.

Ndawi 95:3

Aliku ti, mondok nggwok Ala aret wonage, Aakumi inagugi abok aret inirimbaga at endagembogut abu tiyanak aret wonage,

Yetaya 50:2

An wagarak kwe, aap ineebe lek aret iige, An i'mbanggirak kwe, aap ambi oone yo'nega'lek wonage, Eekaarak ti nonggop nduk? Wondet eerogo pagarak neenggi kuwagaluk mbake, Ndi, kagap ndariyak nomaawi lek mbake, Eeke agandik ya? Niyo laut yenggenak, Porok yu o, yoge neenok porok ari, Niyo wage menggim niyo lek karume aruwak o, yoge neenok, age, Eeke kenok, Niyo lek me, niyo abu nen ikan niyoome wonogwe nogo abok kanggwi, inobari alik negen aret ndi wukwi, Eeko menggaarak.

Yeremiya 32:17

“Kaliku Kitok Menggendak ALA ai. Kat nen eeriyak meek ambi lek ti lek abok op mban aret o. Keenggi omaawi paga eeriyak kobam aret me, nggween inom, mbogut inom, wakkagagindak o.

Yeremiya 32:27

“It yi aap ndi aap abok inogoba Naliku Ala an aret me, an nen ambi eeriyak meek aret nombaken?

Ndaniyen 6:20

Nage nagagerik, mbuun ambe paga koorok taati panggo yi nanuk, “Nonggop aga?” yinuk, iniki piirik logonet, oone nggwok paga, “At eenik menggerak Ala ayeloman kat Ndaniyen wae. Kat ko'lu-kii'me alut eekak mban eeke menggendak kogoba Ala nen singa inambeme nen kagap ndakerak ilik?”

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Takariya 8:6

At Omaawi Lombok Menggerak Aliku ALA nen an yo'nege logonet, “Ti eeppiyoorak nogo ti, it aakumi ando yumbunik nogo nen, Iya eeriyak mendek ti abet aret eekwi iyaamun, ilik, lek a? mbaremenggaarak kwe, it nen eeriyak iya mbakwi ti, an eeriyak iya mbakeelik o,” yinuk, at Omaawi Lombok Menggerak Aliku ALA nen aret yo'nege,

Linggineegwaarak 11:23

Yoge mbareegi, at Aliku ALA nen Muta yoge logonet, “Naliku an ALA nen eeriyak nobam lek nomba'nuk yagan ya? An yagarak ti, abet aret eeke neyaamunggun ilik, lek a? kenegen kaamunggun o,” yinuk, yoreegerak.

Matiyut 14:31

Yoge mbareegi, Yetut eenggi nggerok togon pigagangge logonet, “Kat kiniki liirogon abet nombaka'lek yi, nonggop nduk kiniki mbere wonage agandik?”

Matiyut 19:26

Yogo mbareegwa, at Yetut nogo enegen pegiige logonet, “Ti eeriyak nogo, it aakumi nen eeriyak meek aret kwe, Ala nen perak, yi mendek ndi mendek abok aret eeriyak op mban aret o.”

Matiyut 3:9

Kinikime nen, Ninombo ti, Abarakam me, nit obeelom aret o, yinuk, mbakwi ti mage o. At Ala nen, Yugum yi, Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Marakut 10:27

Yogo mbareegwa, at Yetut nen enegen pegiige logonet, “Ti eeriyak nogo, it aakumi nen eeriyak meek kwe, Ala nen eeriyak perak, op o. At Ala nen yi mendek ndi mendek abok aret eeriyak op mban aret o.”

Lukat 1:13

at malayikat nogo nen, “Takariya wae. Kagabiti mbarugun o. Kat tamban eeke nagagindak nogo Ala muk aruk koneneegerak me, kakwe Elitabet nogo kapuluk ndakkirigin o. Ndakkege kenok, at endage Yaya aret toonenu o.

Lukat 1:18

Ti yoge mbareegi, at Takariya nen malayikat nogo yoge logonet, “An aap abu aakelo agarak o. Ndi, nakwe kunduk, togop mban me, yo'negendak nogo abet aret eeriyak ti, nano eeke paga neenu arigin o?”

Lukat 1:37

Ala nen ambi eeriyak meek ti, mondok lek o,” yinuk, yoreegerak.

Lukat 8:50

Yoge nogo at Yetut aruk konengge nagagerik, Yariyut yoge logonet, “Kagabiti mbarugun o. Kiniki noba panggombunuk, abet nombake keenok, kapuluk obeelom arigin o,” yo'nuk,

Oroma 4:21

“At Ala omaawi ambik me yo'negerak nogo ti, abet aret eerigin,” mba'nuk, iniki mondok wone ti paga panggombunuk wonagagerak ti paga,

Epetut 3:20

Nit eeppinanuwak nduk nggino yogwi, niniki koonggwi, eekwi nogo mban eeppinanege lek at omaawi ee'ninake logonet, niniki mbaka'lek nogo mendek inom abok aret eeppinanege menggerak nogo,

Pelaareegerak 30:3

at Aliku kinogoba Ala nen kinabuwa mba'nuk, kit aakumi inenggela'me mak eerogo pinagamenggerak nogo kuwak eerogo wokkiren kiniyokan pinagi wage logomenggerik, aa'nduk wonogogutak togop nogo aret obeelom eerogo pinagagin o.

Pelaareegerak 7:21

At Aliku kinogoba Ala omaawi ambik ayuk warak iya lombok menggerak nogo, kinenggela'me wonage me, it aakumi ti, ineebe paga kinaganak ndik-ndik eeriyak mage o.

Pilipi 3:21

Wambi wage logonet, at omaawi paga yi mendek ndi mendek abok aret at abu'me logowak nduk, tebemborogo menggerak nogo paga nen ninagabolo maluk pili age menggerak mendek yi, nggonenogo mbo punuk, obaane'me at agabolo mondok alik ngget mendek nogo aret yippinanigin o.

Pilipi 4:13

Keritut nimbirak kunik logonet, omaawi eeppanege kagak, an yi eekak ndi eekak abok eeriyak op aret kage minggirak o.

Owak Loongga 13:3

Wonage me, Aliku ALA ayonggo malayikat ambi kwe nogo wonage me, kin ari wage nagagerik, yoge logonet, “Kat kwe yi, kaagaluk ndaka'lek wubili abet aret wonage kwe, kabila age logomenggendik, kaagaluk aap aret ndarumunggun o.

1 Tamuwen 14:6

At Yonatan imbirak puut ti paga ari nanuk, aap tawe eegin wonok nega nogo yoge, “Aliku ALA nen aakumi mbereeluk kenok, Aaninggin o, yinuk, mbo piigeelik mbereeluk aago inom, apit aago inom, ndak-ndak aret yeenggwaarage menggerak me, ninom a'nuk, it aap inagabolo mbana'lek Pilitin mendek tum wako menggam wonogwe me time nawok nduk, omok o.”