Wakkagagerak 18:1 - Ala Wone Peenok Peebi Mbanak

¹ Ne ambi paga at Abarakam nogo o Mamere eyo teno alome taati o liingge mo andi ambik mbareegi, awooliyana tungga'nggi paga kwi'ndak wonage me, at Aliku ALA nen nikka wagagerak.

Wakkagagerak 18:1 ပူးပေါင်းရင်းမြစ်များ

Wakkagagerak 12:7

Wogo mbareegwa, at Aliku ALA nen Abaram owagam wage nagagerik, yoge logonet, “An nen o yi kat paga wiganak nen unde eeppunuk logowak nduk, wogorigin o,” yoge mbareegi, at Abaram nen, “Aliku ALA nowagam pe'neya wagaarak o,” yinuk, Aliku ALA ake warogo kani kunggo logorak yugum logonogo pereegerak.

Wakkagagerak 13:18

Yoge mbareegi, at Abaram nogo, o nogome teppunuk, o Keboron eyo teno alome o Mamere koorok nogome ari woraanuk, Aliku ALA alut eeke logonet, ake warogo wogoge logowak nduk, yugum logonogo pereegerak.

Wakkagagerak 14:13

Wogoren nogwe iigak, aap ambi peberagangge eerak nogo nen at Lot eereegwaarak wone nogo wonok aap Iberani mendek Abaram nogo aap Amori mendek ambi endage Mamere ageyo teno alome nogome ooliya wuppunuk wonage me, yori wagagerak. At Mamere nogo ti, aap Etokon Anet imbirak inoreeluk aret me, it abok aret Abaram inom kunik aret wonogogwaarak.

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Wakkagagerak 17:22

Wone nogo abok aret yoge nagagerik, at Ala nogo Abarakam teppunuk nagagerak.

Wakkagagerak 18:22

Yoge mbareegi, it aap wogogwaarak nogo mbere mban o Torom nogome, Nawi, nduk nogwe iigak kwe, at Abarakam nogo perak, at Aliku ALA imbirak taati puk age nagagerik,

Wakkagagerak 20:1

Ti'nuk, at Abarakam nen o Mamere nogo teppunuk, o Kanan o ame pa'nggwe karume time wage nagagerik, o Kareti Tiyut imbirak anu-ogwe nakkagak oolo time wonagagerik, ti'nuk luulu negen o Nggerat nanuk wonagagerak.

Wakkagagerak 26:2

Nage nagagerik, o Metit naakit nduk eeke me, at Aliku ALA nen Itak owagam wage nagagerik, yoge logonet, “O Metit time nagun o. Ata, an nen o logorak yokkege neenok, time aret logomunggun o.

Wakkagagerak 35:27

At Yakup nogo ogoba Itak o Kiriyat-Araba koorok ame Mamere time at ombo Abarakam wonagagim nogome wonage me ka wagagerak. O Kiriyat-Araba nogo ti, Keboron aret o.

Wakkagagerak 48:3

Mi'ndak wonage me, at Yutup nogo ka wage mbareegi, Yakup nen yoge logonet, “An o Kanan tini ambi Lut nogome wonage me, at Omaawi Lombok Menggerak Ala nogo nen an nimbirak lambumbunuk, ale'nggen noba panege logonet,

2 Mbinineegwaarak 1:7

Kumbunuk, oonikiya ti eyom paga nogo yege wonage me, at Ala eebe aap Talomo nogo nikka wage nagagerik, yoge logonet, “Talomo wae. Kat nen, An nano mendek wo'niriyak, nombake kenok, wokkirikit nduk, nggino yo'niru o.”

Wundeegwaarak 4:1

Yoge mbareegi, at Muta nen Ala yoge, “It aakumi Iterali mendek nen an yoraminggirak nogo noone konembunuk abet nombaka'lek logonet, At Aliku ALA nikkeya woroolik kagak pilit ari o, yo'nugwi iinok, an nen nonggop yoraagin o?”

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

Iberani 11:9

“O wokkirigin o,” yoreegim nogome aret nagagerak logonet kwe, “O yi ti lek o. Ala nen o kota alik ambi mondok logorak mendek ogobakkigirikit koombunuk, ogobakkigiremenggerak nogome, an aret unde eeppanigin o,” yinuk, abet mba'nuk, tokkage logonet, Itak Yakup imbirak inom ineyate kwak kolaawak nduk, yoragagerak me, it inom aap nggiru kwak ooliya wuppunuk, ya nogo yegak nda nogo yegak eerit nugu nogogwaarak.

Iberani 13:2

It aakumi nen malayikat mendek kagak, “Yi aakumi aret o,” yinuk, kobak logonet inabugo lako nogogwaarak me, it aakumi nggiru kiya wogwe iinok, keyage warogo kiniki ale'nggen paga wogonako logonip o.

Yotuwa 5:13

Ti'nuk, at Yotuwa nogo o Yeriko panggorogon ari woraanuk, enegen ni'nage nagagerik, aap ambi wooluwak eenggime nutik at enaame mi'ndak wonage kagagerak. Kage nagagerik, owagam nanuk, aap nogo yoge logonet, “Kat ninore mendek ilik? Ninawim mendek a?”