Wakkagagerak 17:5 - Ala Wone Peenok Peebi Mbanak

⁵ kat kendage aa'nduk nen ti, Abaram aret yokkogo nogogwaarak kwe, yi aakumi ndi aakumi inombo, Kat aret o, yinuk, mippagagirak me, yogondak nen ti, kendage, Abarakam o, yinuk, yokkogo logowak o.

Wakkagagerak 17:5 ပူးပေါင်းရင်းမြစ်များ

Wakkagagerak 17:15

Yoge nagagerik, ti'nuk Ala nen Abarakam ambinom yoge logonet, “Ndi, kat kakwe Tarayi nogo perak, yogondak yi kuli nen endage Tarayi yoge logogun o. Ata, endage Tara aret yogo logonu o.

Wakkagagerak 32:28

Yoge mbareegi, at aap nogo nen, Yakup yoge, “Ala inom, aakumi inom, kinom wuk eekkolage logonet, yambunogo piige menggendak me, kat kendage aa'nduk nen Yakup aret kwe, yogondak nen perak, Iterali aret yokkogo logogun o.”

Wakkagagerak 32:29

Yoge mbareegi, Yakup nen at aap nogo yoge logonet, “Kat togon kendage yo'niru.” Yoge mbareegi, at aap nogo nen, “Kat nonggop nduk an nendage kin wo'nege agandik?” Ari nagagerik, ale'nggen oba pereegerak.

Wakkagagerak 35:10

Ale'nggen oba pege nagagerik, Yakup yoge logonet, “Aa'nduk nen kendage Yakup yokkogo nagaarak kwe, yogondak nen kat kendage ti, Iterali aret yokkogo logogun o,” yinuk, Ala nen Yakup endage Iterali aret toongge,

2 Tamuwen 12:25

Natan yoge, “Wulaga ti, an niniki kunik aret me, at endage, Yeriya, tooni nak o,” yoreegerak.

1 Mbinineegwaarak 1:27

ndi, Tera nen aap Abaram endage ambi Abarakam nogo aret ndake, eerit wundi wogogwaarak.

Nekemiya 9:7

Kat Kaliku ALA aret me, aap Abaram miike nagagindik, it aakumi Mbaben wonogo menggam o Ut nen eebe wonok wundi wage nagagindik, endage Abarakam toonogo pereegindak o.

Yetaya 65:15

An leenogo piyareegirak nen it inendage toonak punuk namenggaarak nogo, kumbunuk pulunogo piigo logogun o. Naliku Nitok Minggirak an ALA nogo nen it inoorigin kwe, it an nayeloman mini nogo perak, inendage alik yorage logogin o.

Yeremiya 20:3

Yoragagerak mambogo mbareegwa, ko'lu at Patikut nen keele piinogo wumbi wage mbareegi, at Yeremiya nen at yoge, “Aliku ALA nen ari logonet, At Patikut ti, eerit namenggerak paga amineeri ne agan noorak mendek eerogo pake, ndi, at oreewi kunduk, inamineeri ne agan noorak mendek eerogo piige, eerigin me, at endage yogo logorak Naliku ALA nen koonggirak nogo ti, Patikut, lek o. Endage ti, Yi Aap Ndi Aap Inamineeri Ne Agan Naga o, yinuk, yogo logorak koonggirak o. At oreewi lombok iigak kwe, inom wim mbanak nen inawooluwak paga inooremenggaarak at enegen kagak kanggwi iyaagin o. Ndi, it Yekura mendek abok aret aap Mbaben inowe endagembogut eenggime piminggirak ando wooluwak paga inoorogo piige, eegu apit aret kugun wogoren o Mbaben piya nage, eerigin o.

Yeremiya 23:6

Endagembogut logonet, wone lengganogo yorage ti eyom paga it aakumi Yekura mendek inagap ndarogo piige, It Iterali mendek iniki ugun tayenak logowak nduk, eerogo piige, Eerigin me, At endage ti, Ninogoba A'me Nggelok Eeppinanega Aliku ALA aret o, yinuk, yogo logogun,” yegerak o.

Linggineegwaarak 13:16

At Muta nen it aap o inigen yombooni nawak nduk nappiyareegerak nogo inendage ti aret o. Ndi, Nun aput Oteya nogo at Muta nen endage peebi Yotuwa tooneegerak.

Yaya 1:42

Yoge nagagerik, wonok Yetut owagam nage mbareegi, Yetut enegen kage nagagerik, at yoge logonet, “Yaya aput kat Timon aret kwe, kendage Kepat aret yokkogo logogun o,” yinuk, yoreegerak. (Endage Kepat yoreegerak nogo ti, it aap Yunani inoone paga, “Peterut o,” yoreegerak.)

Oroma 4:17

Ti yoreegerak nogo, “Yi aakumi ndi aakumi abok inombo kat aret agago pagagi o,” yinuk, yoreegerak liiru mbanak wonage nogo ndak-ndak nit abok ninombo agagerak. Ndi, aakumi kanggaatak ineenik agago mippiige, yi mendek ndi mendek lek me warak agago pege, eeke menggerak Abarakam abet mbareegerak Ala nogo nen aret yoreegerak me, “At Abarakam ti, it abok inombo aret,” ninombake menggerak o.

Wayu 2:17

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok liirogon aret konenggo logowak o. It Ala wone mbo pega'lek nu'lek porogo logonet liirogon mugurok nogwe iinok, mbi mbogut paga mendek kumaarak wonage nogo wogorage, ndi, it waamenggaarak nogo mban ineenu logowak nduk, inendage ngget toonogo yugum yanggwi negen lan ari nogo paga liiru mbanogo wogorage, eerigin o, yinuk, wone yi yagarak nogo abok aret at malayikat Ala apuri o Peragamut kuwak eekwi inarum menggerak nogo nen apuri yoraawak nduk liiru mbanogo nappu o.”