Wakkagagerak 17:24 - Ala Wone Peenok Peebi Mbanak

²⁴ At Abarakam nogo ndarak kagak tahun 99 eereegerak paga at agabolo mbangge,

Wakkagagerak 17:24 ပူးပေါင်းရင်းမြစ်များ

Wakkagagerak 12:4

Yoge mbareegi, Abaram nogo ndarak kagak tahun 75 eeke nagagerik, Aliku ALA nen at yoreegerak nogo ndak-ndak o Karan wonagagim nogome teppunuk, at akwe Tarayi inom, at awuluk aput Lot nogo inom, o Karan logonet, amindik-amendek kuwak eereegerak nogo inom, ayeloman mini inom, abok aret wogoren o Kanan Ala nen, “Nak o,” yoreegim nogome aret wogogwaarak.

Wakkagagerak 17:1

Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”

Wakkagagerak 17:11

Kat nimbirak wone abuk nggaruk togon mbaneegurak nogo yelok kogo logowak nduk, it kapuri-kombowologwe kinenggela'me kiname logonet, ndaganabit nogwe nogo inom, kat kapuri lek it aakumi endekem mendek nen wonok wogonok onggo kuninakwi inom, wologwe abok aret ndarak iigak nogo 7 yinuk, ko'lu inagabolo mbaninako logonu o.

Wakkagagerak 17:17

Yoge mbareegi, at Abarakam nogo enete wanduk nggween paga wambunuk, inikime nen ari logonet, “Aap ambit-ambi tahun 100 eekerak kagak apuluk ndariyak op mbakop? Ndi, at Tara kunduk, ndarak kagak tahun 90 eekerak me, aagaluk ambi ndariyak op mbakop?” yinuk, i'ndok kambeegerak.

Wakkagagerak 18:11

At Abarakam Tara imbirak ndarak iigak, yi tahun ndi tahun eeko nogogwaarik, abu inanggok a'nuk, at kwe Tara nogo, amiya abu lek agagerak me,

Wakkagagerak 21:5

At Abarakam nogo ndarak kagak tahun 100 eeppunuk aret aput Itak nogo ndareegerak.

Oroma 4:11

Ndi, at abet mbareegerak paga Ala nen abet aret, “Kat obeelom aret keegi o,” yinuk, yoreegerak nogo aakumi ineenu aruwak nduk, inagabolo mbaniyak wone yoreegerak ti, agabolo awo mbangga'lek kagak aret yoreegerak. Togop aret me, inagabolo mbangga'lek kagak, Ala abet mbakwi paga, at Ala nen, “Kit obeelom aret kiigi o,” yinuk, yorage nogo ti, it inombo Abarakam aret o.