Wakkagagerak 17:15 - Ala Wone Peenok Peebi Mbanak

¹⁵ Yoge nagagerik, ti'nuk Ala nen Abarakam ambinom yoge logonet, “Ndi, kat kakwe Tarayi nogo perak, yogondak yi kuli nen endage Tarayi yoge logogun o. Ata, endage Tara aret yogo logonu o.

Wakkagagerak 17:15 ပူးပေါင်းရင်းမြစ်များ

Wakkagagerak 11:29

At Abaram Nakot imbirak kumi wogonabeegwaarak nogo ti, at Abaram nen kwe Tarayi wagangge, ndi, at Nakot nen kwe Milaka aap Karan apuluk nogo wagangge, eereegwaarak. At Karan nogo nen apuri Milaka Yitaka imbirak ndaganabeegerak.

Wakkagagerak 17:14

Aap ambi agabolo mbangga'lek, we teppuurak kenok, an noone yugu nogo taganogo pege me, at aap ti, at owe-awot enggela'me nen endekem wumbogo logonu o,” yoreegerak.

Wakkagagerak 17:16

At Tara ti, niniki ale'nggen oba piminggirak paga aagaluk wulaga ambi ndakkirigin o. Niniki ale'nggen at Tara oba piminggirak paga yi aakumi ndi aakumi inowogolo aret age, at aagalogwe wiganak inenggela'me nen aap inoweewi inendagembogut nda'nogwe, eeko logogun o,” yoreegerak.

Wakkagagerak 17:5

kat kendage aa'nduk nen ti, Abaram aret yokkogo nogogwaarak kwe, yi aakumi ndi aakumi inombo, Kat aret o, yinuk, mippagagirak me, yogondak nen ti, kendage, Abarakam o, yinuk, yokkogo logowak o.

Wakkagagerak 32:28

Yoge mbareegi, at aap nogo nen, Yakup yoge, “Ala inom, aakumi inom, kinom wuk eekkolage logonet, yambunogo piige menggendak me, kat kendage aa'nduk nen Yakup aret kwe, yogondak nen perak, Iterali aret yokkogo logogun o.”

2 Tamuwen 12:25

Natan yoge, “Wulaga ti, an niniki kunik aret me, at endage, Yeriya, tooni nak o,” yoreegerak.

Yetaya 51:1

Aliku ALA nen ari logonet, “Kit obeelom mban eeruwok nduk mugurok nogwe, Naliku ALA mu'neren wogwe, eekwi yi wae. Wone an yokkirage yi, kinaruk konenggo logonip o. Kit yugum lunik alom nen poorogo wokkinake, Ndi, yugum nggaganggo menggam alom paga nen nggaganogo wokkinake, Eereegirak nogo liippugwi,