Wakkagagerak 17:14 - Ala Wone Peenok Peebi Mbanak

¹⁴ Aap ambi agabolo mbangga'lek, we teppuurak kenok, an noone yugu nogo taganogo pege me, at aap ti, at owe-awot enggela'me nen endekem wumbogo logonu o,” yoreegerak.

Wakkagagerak 17:14 ပူးပေါင်းရင်းမြစ်များ

Wakkagagerak 17:15

Yoge nagagerik, ti'nuk Ala nen Abarakam ambinom yoge logonet, “Ndi, kat kakwe Tarayi nogo perak, yogondak yi kuli nen endage Tarayi yoge logogun o. Ata, endage Tara aret yogo logonu o.

Wakkagagerak 34:14

“Nit ninawurilogwe nen aap inagabolo mbana'lek mendek wogonaburak op yogwe niinok, ninendage maluk arukwak me, Ninawuluk kolet o, yokkiriyak meek kwe,

Ndawi 55:20

At nimbirak kunik wonagagirak nogo nen oreewi nit aret ninooke, Inom wone abuk nggaruk togon koonogo pereegerak nogo Aret lalenogo pege,

Wundeegwaarak 12:15

Ndi, oroti piika'lek mendek nogo mban nunggwi iigak, ne 7 logorak me, aap ambit-ambi nen ne aa'nduk nen nok ne 7 kuli ti paga oroti piiruwak nduk, ragi nogo yi mendek ndi mendek inom punuk nengge kenok, it aakumi Iterali inenggela'me nen aap ti enggaawak lek eerogo puurak me, ne iyaalok laago lariyak paga nen oroti pike menggerak mendek iname wonage ti abok aret mbo pogo logowak o.

Wundeegwaarak 12:19

Oroti piiruwak nduk, pugwi ragi nogo ti, ne aa'nduk nen nok ne 7 kuli ti paga iname porogo logorak mondok mage o. Aap ambit-ambi aworak a, nggiru a, oroti piiruwak nduk, ragi nogo yi mendek ndi mendek inom punuk, worarogo nengge kenok, it Iterali inenggela'me nen aap ti enggaawak lek eerogo pogo logowak o.

Wundeegwaarak 30:33

aap ambi nen obari abe mendek amburu yogobi mendek ogobakkigike ilik, aap ugun mendek oba kilirogo pege a, eeke kenok ti, owe-awot inenggela'me nen enggaawak lek eerogo pogo logorak yegerak yoret o,” yinuk, yoreegerak.

Wundeegwaarak 30:38

aap ambi nen obari abe kaakit nduk obari abe kaga yogobi mendek eeke kenok, owe-awot inenggela'me nen enggaawak lek eerogo pogo logomunggun o,” yinuk, yoreegerak.

Yetaya 24:5

It aakumi o nggween paga wonogwe nogo nen, Wone, “Yogop ee'nu ndogop ee'nu,” yugu nogo eeka'lek mbo pugwi, Wone lengganogo yoragagerak nogo taganogo pugwi, Mondok-mondok eeko logowak nduk, wone abuk nggaruk togon koonogo pereegerak nogo piinogo pugwi, Eekaarak paga O nggween yi, maluk agaarak wonage agaarik o.

Yetaya 33:8

Tu nggwok paga aakumi ambiriluk ambi naga'lek mondok nebek lek aret wonage, Eeriyak wone koonogo pereegwaarak nogo piyok ari, It aap inenggaanom paga wone koonogo pereegwaarak nogo ti, inoone taganogo piigwi, Eeko logonet, “Ta oone konenubok?” aterak eerogo mbo pogo agaarik o.

Yeremiya 11:10

An yorage nagagirak nogo inombomini nen, Eeriyak, nineebi o, yinuk, mbo punuk, maluk eerit nugu nogogwaarak nogo aret mugurok nogwe, an wonage neegak kwe, kugi mugurok nogo logonet, ayuk wukwi, eeko agaarik o. It Iterali paga wiganak inom, it Yekura paga wiganak inom, nen wone eeko logorak inombomini ninom koonogo pereegirak nogo piinogo mbo pereegwaarak me,

Yeremiya 31:32

It inombomini o Metit nen pigiren wundi wage logonet, an inogonggelo kwak aret kwe, Ninom wone koonogo pereegirak nogo ti, eeka'lek taganogo pereegwaarak me, Wone ti mendek an ambinom ninom koonogo pigin lek o. Ata, wone alik ngget mendek ninom koonogo pigin o,” yinuk, Aliku ALA nen aret yegerak.

Yetikiyen 44:7

It nen yi eekak ndi eekak ogole warak mendek eerit nogo logonet, aakumi inambik inagabolo mbanak lek iniki omaawi mendek nawi wurik alik leenak nogome wogoren piya unggwogo mbareegwa, nawi wurik maluk eerogo pugwi iigak, it an napuri ti, nale'nggen mbarikit nduk, mbi inom, amok inom, amiya inom, wo'nugo logonet kwe, ninom wone abuk nggaruk togon koonogo pereegurak nogo, lek eerogo pugwi,

Ala Unde 18:29

Aap ambi nen yi mendek ndi mendek an neebi mbake minggirak eeke ti, oreewi inenggela'me nen enggaawak lek eerogo pogo logowak o.

Ala Unde 19:8

Ndi, aap ambi nen Naliku ALA nake pugu leenak ti nengge kenok, at noorak mage yugu kagak, meek mbake logonet namenggerak paga obaalombok aret maluk eekkolaagin me, oreewi inenggela'me nen enggaawak lek eerogo puurak o.

Ala Unde 23:29

Aap ambi nen ne ti eyom paga ambe mage logorak yugu nogo taganogo punuk mbi ugun nengge kenok, at owe-awot inenggela'me nen enggaawak lek eerogo puwak o.

Ala Unde 7:25

Aap ambi nen aanggo warogo punuk, amok leenogo Naliku ALA nake kani kungge logorak kagak, nengge kenok, oreewi inenggela'me nen enggaawak lek eerogo endekem wumbogo logowak o.

Ala Unde 7:27

Aap ambi nen amiya ti nengge kenok, aap ti oreewi inenggela'me nen endekem wumbogo logowak, yegerak, yoret o,” yinuk, yoreegerak.

Linggineegwaarak 9:13

Ndi, aap ambi lu kologo mengga kwak, eebe maluk age, tu nda nen awo wage, eerulik kagak, ne laago lako logorak yugu nogo eyom Naliku ALA nake warogo laka'lek kenok, at aap ti, oreewi wonogwe inenggela'me nen enggaawak lek eerogo endekem wumbuwak o. At maluk eeremenggerak nogo ti, aaninggin at obaalombok aret oba logowak o.

1 Korindut 11:27

Togop me, kit ninowe ambi larak inom, amburu toolak inom, we wuppagagi-perambagagi nunggwi kiinok, ninowe eebe inom, amiya inom, maluk eerogo pogo logonet, aret nonggo monggotak kiigo o.

1 Korindut 11:29

“Yi ninowe eebe negen aret o,” yinuk, liippega'lek logonet, kit mbi inom, amburu inom, nunggwi kiinok perak, “Ala anini ninoba pinanuwak,” mba'nuk, nonggo monggotak kiigi o.