Wakkagagerak 17:1 - Ala Wone Peenok Peebi Mbanak

¹ Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”

Wakkagagerak 17:1 ပူးပေါင်းရင်းမြစ်များ

Wakkagagerak 12:1

O Karan nogome aret wonogwe me, at Aliku ALA nen Abaram yoge logonet, “Kanggween inom, kowe-kawot inom, koreewi kinagunu ambi'me kinom menggendak inom, mondok teppiige logomenggendik, an nen o kat logowam ambi titikkege neenok, time aret nanu o.

Wakkagagerak 12:7

Wogo mbareegwa, at Aliku ALA nen Abaram owagam wage nagagerik, yoge logonet, “An nen o yi kat paga wiganak nen unde eeppunuk logowak nduk, wogorigin o,” yoge mbareegi, at Abaram nen, “Aliku ALA nowagam pe'neya wagaarak o,” yinuk, Aliku ALA ake warogo kani kunggo logorak yugum logonogo pereegerak.

Wakkagagerak 16:16

At Abaram nogo ndarak tahun 86 ari nagagerak kagak apuluk Itamayen aret ndareegerak.

Wakkagagerak 18:1

Ne ambi paga at Abarakam nogo o Mamere eyo teno alome taati o liingge mo andi ambik mbareegi, awooliyana tungga'nggi paga kwi'ndak wonage me, at Aliku ALA nen nikka wagagerak.

Wakkagagerak 18:14

An Naliku ALA nen koonggitak nogo ambi eeriyak, Meek me, yinuk, ari agaarik? Tahun ambi eeppunuk, keya woraagin, yagarak nogo ndak-ndak ari wage kenok, woraagin aret me, at Tara aagaluk aap aret ndarigin o.”

Wakkagagerak 24:40

Yoge mbaki, An naput akwe wogoriyak nogoba owe-awot mendek inapurilogwe kenok ambi kwaari nanok nduk, at oone ari liippunuk eeke minggirak Aliku ALA nogo nen ayonggo nappiige menggerak malayikat ambi nappiya woramenggerak karum kagak, namenggendak me, wone yogoorak yi ndak-ndak aret eeke kaamunggun o.

Wakkagagerak 26:2

Nage nagagerik, o Metit naakit nduk eeke me, at Aliku ALA nen Itak owagam wage nagagerik, yoge logonet, “O Metit time nagun o. Ata, an nen o logorak yokkege neenok, time aret logomunggun o.

Wakkagagerak 28:3

Ndi, at Omaawi Lombok Menggerak Ala nogo nen ale'nggen koba pagamenggerak paga kapuri ambik aret ndaganake, kombowologwe ambik aret wigak yogwe, eerit namenggaarak paga kat keebe ti, yi aakumi ndi aakumi inanebunu lombok wiganogo piyaamunggun o.

Wakkagagerak 35:11

ti'nuk, ne ambi paga Ala nen at yoge logonet, “Omaawi Lombok Menggerak Ala an aret me, kapuri-kombowologwe ambik wigak yuwak nduk, ndaganabit nage logomunggun o. Kat paga nen kanebunu nggwok aret wiganogo piyamenggendak paga nen yi aakumi ndi aakumi inanebunu alik mendek ambik aret wigannarugun o. Kat keebe ambit paga nen mban yi aap ndi aap inendagembogut aret arugun o.

Wakkagagerak 43:14

At Omaawi Lombok Menggerak Ala nogo nen aap o Metit unde menggerak ti, iniki yanggonogo pemenggerak paga kit kinabuwa nen Timeyon Mbeniyamin imbirak nappiya woramenggerak kinom aret woraamunggup o. Ndi, an yi perak, napurilogwe lek arit nogwe paga niniki wakkolage logonet, kambuurak kenok ti, op mban aret o.”

Wakkagagerak 46:3

Yoge mbareegi, Ala nen, “Kat kogoba ogoba Ala nogo an aret o. Kat o Metit namenggendak time keegak, kapuri wokkiriminggirak paga kanebunu nggwok aret wiganugun me, kat nen o Metit noorak kagabiti mbarugun o.

Wakkagagerak 48:15

Nogo eeppege nagagerik, ari logonet, “Nogoba Ala wa! An nombo Abarakam inom, nogoba Itak inom, imbirak kat kiniki kunik me, kenegen wogoren nege, An nda'nagagirak kuli nen nok yogondak kuli aap ndomba ndegeninako mengga kwak, an ndegenneren nege, Ndi, an maluk noba age kero, malayikat negen a'nuk, pi'neren nage, eeke menggendak kat Ala aret me, It wologwe yi, kale'nggen inoba piige logomunggun o. An nendage inom, nombo Abarakam endage inom, nogoba Itak endage inom, it wologwe yi nen ki eerit nogo logowak o. Ndi, inombowologwe o nggween paga yime ambik aret wigannarit nogo logowak o,” yinuk, Yutup ale'nggen oba pereegerak.

Wakkagagerak 48:3

Mi'ndak wonage me, at Yutup nogo ka wage mbareegi, Yakup nen yoge logonet, “An o Kanan tini ambi Lut nogome wonage me, at Omaawi Lombok Menggerak Ala nogo nen an nimbirak lambumbunuk, ale'nggen noba panege logonet,

Wakkagagerak 5:22

Ndake nagagerik, Ala imbirak mondok kunik logonet, tahun tiga ratus ari nage kagak, apurilogwe ando aap inom, kumi inom, ndaganabeegerak me,

Wakkagagerak 5:24

Ala imbirak mondok kunik logonet, eerit nage mbareegi, Ala nen eenik kagak wonok laganeegerak me, eebe lek aret kogogwaarak.

Wakkagagerak 6:9

Aap Nu eeke nagagerak wone yi aret. At Nu apuri ineebe kenagan nogo inendage Tem, Kam, Yapet, aret ndaganabeegerak. Ndi, it yi aakumi ndi aakumi o nggween paga wonogogwaarak nogo abok aret Ala enggaanom paga maluk mban eerit nogwe, yi awi ndi awi abok aret inanini nen ugun-ugun eerit nogwe, eekwi iigak kwe, at Nu alik perak, o ti eyom paga aakumi at inom wonogogwaarak nogo inenggela'me logonet, maluk eeke, aakumi inoone at oba pugwi, eeka'lek obeelom mban eerit nage logonet, Ala imbirak iniki kunik aret wonagagerak.

1 Endagembogut 2:4

ndi, at Aliku ALA nen an eeriyak wone abuk nggaruk togon yo'nege logonet, Kat kapuri-kombowologwe nen it eerit nugwi nogo liippunuk, iniki inom, ineebe inom, abok aret noba panggombunuk, wone an yorage nogo ndak-ndak liirogon aret eekwi iinok, it Iterali inoweewi inendagembogut logonet, wone lengganogo yorogo menggam aap alik ambi mi'narigin lek kapuri-kombowologwe mban aret kobaane'me mi'narit wundi wogo logogun o, yinuk, yo'nereegerak nogo a'me nggelok ari, eeke kaamunggun o.

1 Endagembogut 3:6

Yoge mbareegi, at Talomo nen Aliku ALA yoge logonet, “Kayeloman an nogoba Ndawut nogo, kat kenggaanom paga li'lak mban eeke, iniki koonak wonage logonet, abe mban eeke, eeke kenok, at abuwa mba'nuk obeelom eeppit wundi wage logonet, aakumi inowe endagembogut logonet, wone lengganogo yorage nagagim obaane'me yorage logowak nduk, aput wogoreegindak nogo yogondak neebe wonage yi aret o.

1 Endagembogut 8:25

Togop aret me, Kaliku aakumi Iterali inogoba Ala wae. Kat kayeloman an nogoba Ndawut yoge logonet, Kat an nenggaanom kiniki koonak obeelom mban eeke menggendak kokwak, kapuri ndaganabemenggendak ndak-ndak liirogon mban eekwi iinok, an nenggaanom paga aakumi Iterali inarum logonet, wone lengganogo yorage logorak nogo ti, kat kapuri mban aret inendagembogut logonet, eeko logogun o, yinuk, wone koonogo yoreegindak nogo, a'me nggelok yuwak nduk, liirogon aret eeke logomunggun o.

2 Endagembogut 20:3

“Kaliku nogoba ALA o. An yi, niniki-neebe nggaruk togon wokki'nuk, kenggaanom paga li'lak mban eeke, kenegen keegak obeelom mban eeke, eeke minggirak nogo keenu o,” yinuk, tamban eeke logonet, iniki abu puru yinuk, le yereegerak.

Ayup 1:1

Aap ambi endage Ayup o Ut wonagagerak. Aap ti, iniki abu koonak me, aakumi inoone at oba pega'lek aret wonagagerak. At Ala ayuk wuke, maluk kenok, “Neebi o,” yinuk, mbo pege, eeke nagagerak.

Ayup 11:7

At Ala nen koonggetak aakumi kobak aganake nogo, Kat aret alom kwaarit unggwage, Ndi, at Omaawi Lombok Menggerak nogo, Omaawi ndi kuli menggerak o, yinuk, irip liippit unggwage, Eeriyak op mbaken?

Ndawi 115:3

Nit ninogoba Ala ti, mbogut paga wonage, At eeriyak mbake nogo aret eerit nage, Eeke menggerak kwe,

Ndawi 116:9

Kaliku ALA kenegen keegak, aakumi ineenik logonet, Nugu menggam nggween paga yime an awo aret nege agarik o.

Ndawi 25:14

Kaliku ALA nen wone kote koonogo pege ti, It aap inagabiti kombakwi nogo aret yorage, Kinom wone nggaruk togon koonogo piyareegindak nogo, aret ineenu eeppiige, Eeke menggendak.

Wundeegwaarak 6:3

It o Kanan time nggiru negen wonogwe iigak, an nen it yorage logonet, O yi nogo, kit unde logomunggup nduk, wokkiraagin o, yinuk, noone abuk nggaruk togon yoragagirak me,

Kini Wuppiige 10:9

Aap wi-wi aganakulik kenok ti, tu kuuri'me aret nugu menggaarak kwe, Aap wi-wi aganaka perak, at eeke nogo aakumi ineenu ogo menggaarak.

Yetaya 38:3

“Kaliku nogoba ALA o. An yi, niniki-neebe nggaruk togon wokki'nuk, kenggaanom paga liirogon mban eeke, kenegen keegak obeelom mban eeke, eeke minggirak nogo keenu o,” yinuk, tamban eeke logonet, iniki abu puru yinuk, le yereegerak.

Yeremiya 32:17

“Kaliku Kitok Menggendak ALA ai. Kat nen eeriyak meek ambi lek ti lek abok op mban aret o. Keenggi omaawi paga eeriyak kobam aret me, nggween inom, mbogut inom, wakkagagindak o.

Ndaniyen 4:35

Aakumi inanebunu lombok nggween paga wonogwe abok aret, It iya lek o, inombake, Ndi, it mbogut paga inomaawi menggaarak inom, it yi aakumi ndi aakumi o nggween paga menggaarak inom, eeppiyoorak mbake kenok mban eeppiige, Eeke menggerak me, It aakumi nen at eenggi awiirogo pugwi, Ndi, Ti nonggop nduk eekendak o? yinuk, at yogwi, Eeriyak meek o, yinuk, yereegirak.

Mika 6:8

Nit aakumi yi, obeelom eeko logorak ti, Aliku ALA nen muk yo'niragagerak o. Ndi, Aliku ALA nen eeko logorak ninombake nogo ti, ngge o? Lek o. Nit eeko logorak ninombake nogo ti, a'me nggelok eeppiinet nugwi, Aakumi inabuwa mbako logorak ninikilom mbakwi, Niniki tebeppatinuk, ninogoba Ala mugurok nogwe, Eeko logorak ninombake ti aret o.

Linggineegwaarak 11:23

Yoge mbareegi, at Aliku ALA nen Muta yoge logonet, “Naliku an ALA nen eeriyak nobam lek nomba'nuk yagan ya? An yagarak ti, abet aret eeke neyaamunggun ilik, lek a? kenegen kaamunggun o,” yinuk, yoreegerak.

Linggineegwaarak 24:16

At Ala nen yo'nege kenok naruk konengga, At Mondok Tiyanak Menggerak nen yo'nege kenok neenu aga, At Omaawi Lombok Menggerak nen nabinggaanggo paga yo'nege kenok yoraga, Neebe nggween paga ngginnage logonet, kin aret kaga, Eeke minggirak an Mbeyot aput Mbileyam nogo nen Peebi eeriyak wone ambi ari agarik o.

Matiyut 19:26

Yogo mbareegwa, at Yetut nogo enegen pegiige logonet, “Ti eeriyak nogo, it aakumi nen eeriyak meek aret kwe, Ala nen perak, yi mendek ndi mendek abok aret eeriyak op mban aret o.”

Matiyut 5:48

Kit kinogoba mbogut paga mendek abu obeelom lombok menggerak nogo ndak-ndak, kit abu obeelom togop aret logonip o,” yinuk, yoragagerak.

Lukat 1:6

It imbirak ninogoba Ala nen, “Yogop ee'nu, ndogop ee'nu,” yegetak wone inom, lengganinaketak wone inom, alik eerulik mondok ndak-ndak aret eerit nugu nogogwaarak me, Ala nen it iniki mondok abe koonak aret iige nagagerak.

Nappiigak 23:1

At Pawulut nogo wonok, oolo mippi nage mbareegi, it wone amburu mbangga nogo enegen loorage logonet, “Noreewi o. An Ala abu'me logonet, o maan nen yogondak kuli an ambi eekirak paga niniki penggenneegak ee'naka'lek aret agarik o.”

Nappiigak 24:16

Togop me, Ala inom, aakumi inom, inenggaanom an ambi eeppiyaminggirak paga niniki penggenneegak eeke logokwak liippunuk eeke minggirak o.

Epetut 3:20

Nit eeppinanuwak nduk nggino yogwi, niniki koonggwi, eekwi nogo mban eeppinanege lek at omaawi ee'ninake logonet, niniki mbaka'lek nogo mendek inom abok aret eeppinanege menggerak nogo,

Pelaareegerak 10:17

Ndi, at Aliku kinogoba Ala ti, yi kugi ndi kugi at obaane'me punuk, alut eekwi nogo abok aret at abu'me iigak, at Ala alik aret irimbaga wonage o. Ndi, yi aap ndi aap yo'nggok tebenak iigak, at Aliku ALA alik tiyanak aret wonage o. At mondok tiyanak omaawi ambik mondok iya lombok me, at ambi iya, ambi meek mbake, ndi, at ambi eeppinanuwak nduk, wu wogogwi iinok wagangge, eekeelik o.

Pelaareegerak 18:13

Togop aret me, at Aliku kinogoba Ala enggaanom paga kineenik logonet, kinawinde-kinobaande eekkolaga'lek abu obeelom mban aret logomunggup o,” yoragagerak.

Pelaareegerak 30:20

Miikkologo logomonggotik, at Aliku kinogoba Ala kiniki kunik eekwi, oone ari nogo kinaruk konenggwi, at paga mban kiniki panggonak wonogwe, eerumonggotak paga at Aliku ALA nen kit kinombomini Abarakam, Itak, Yakup, inom wone abuk nggaruk togon kumbuk mbanogo, Kinanggween wokkiraagin o, yinuk, yoragagim nogome wonogo logonet, kineenik mondok li a'nuk kanggo logomunggup o,” yinuk, yoragagerak.

Pilipi 4:13

Keritut nimbirak kunik logonet, omaawi eeppanege kagak, an yi eekak ndi eekak abok eeriyak op aret kage minggirak o.

Iberani 12:28

Togop me, Ala abu'me piige menggim nit unde logorak mbareegerak nogo ti, nuk-nuk ariilik me, “Ala wa,” yinuk, keyage wako logowok o. Ninogoba Ala ti, kani omoonuk nen iri'ngga mondok pup eerogo nenet nage menggi kwak aret me, ninagabiti nen ayuk wuko logonet, at eeriyak inikilom mbake nogo mban aret eerit nogo logowok o.

Iberani 7:25

Togop me, nit aakumi niniki at oba panggombunuk, Ala owagam nogwe niinok, at ninake Ala yoriyak nduk mondok eenik mi'ndak menggerak me, ninagap ndarogo mondok obeelom agago pinaniyak op aret o.