Wakkagagerak 16:6 - Ala Wone Peenok Peebi Mbanak

⁶ Yoge mbareegi, at Abaram nen akwe Tarayi yoge logonet, “Kayeloman ti, kat kabu'me aret wonage me, kat nen eeppuurak mbakendak nogo ti aret eeppu o,” yoge mbareegi, at Tarayi nogo nen oone andiigwi mban yogak eeke mbareegi, at Agat nogo kole mbaganeegerak.

Wakkagagerak 16:6 ပူးပေါင်းရင်းမြစ်များ

Wakkagagerak 16:9

Yoge mbareegi, at Aliku ALA ayonggo malayikat nogo nen at kwe Agat yoge logonet, “Kiyokan yungguninuk kagalo ka nage logomenggendik, oone andiigwi yokkege kagak at ayeloman abu'me tebenak aret logomunggun o.”

Wakkagagerak 24:10

Owak mbangge nagagerik, at ayeloman nogo nen at ogoba aanggumi unta ineebe 10 wogonake, at ogoba amindik-amendek etenggen alitak onggo nggwok nogo wagangge, eeke nagagerik, ya nogo yegak o Aram-Metopotamiya o omarip paga pa'nggwe o tini Abarakam awot Nakot menggim nogome aret nagagerak.

Ayup 2:6

Yoge mbareegi, at Aliku ALA nen Tile nogo yoge logonet, “Ti yagandak kenok, eeppuurak mbakendak nogo eeppenok nduk, keenggime pagagi kwe, at eebe perak, wariyak mage o.”

Wundeegwaarak 2:15

Ti eereegerak nogo Pirawun konengge nagagerik, Muta warikit nduk, eeke kagak, Muta nogo kole mbaganit o Miriyan wage nagagerik, niyo tooko menggam nggween kabunik ambet paga time kwi'nagagerak.

Kini Wuppiige 14:29

Aap ambi anini mbet-mbet wungga'lek tebenogo punuk wonage kenok, at iniki warak aret menggerak kwe, Aap ambi mbet-mbet anini wungge kenok perak, iniki lek wi negen aret kin eerogo patit nage menggerak.

Kini Wuppiige 15:1

Wone onggo yanggorogon ari paga at anini wungge nogo tebenogo pege menggerak kwe, Oone omaawi paga wone onggo ari kenok perak, anini nogo abunuk mi'nage menggerak.

Kini Wuppiige 27:8

Aap ambi ame nen wundi nanuk, ambime agak nege nogo ti, Towe awi mbanak me nen wundi nanuk wiganinuk nege menggi kwak aret wonage menggerak.

Kini Wuppiige 29:19

Aap ambi ayeloman iniki koonnaruwak nduk, we inoone paga mban aruk wakwi ti, meek aret o. Yoremenggaarak nogo liippemenggerak kwe, eebe eeka'lek aret logogin o.

Wone Alom Kibingga 10:4

Iniki yanggoppunuk wonogwe paga maluk nggwok lombok eeriyak age nogo lek aret age menggerak me, Aap karum menggerak nogo nen mbekkege kenok, kat yabu unde logorak yokkereegim nen mbo punuk mbaganiyak mage o.

Yeremiya 38:5

Yogo mbareegwa, at aap endagembogut Terekiya nen onggo it yorage logonet, “Kit eeriyak yogwe ti, nendagembogut an nen non mbanogo pinagarak meek me, at eeppuurak mbakotak nogo kinobaalombok eeppumunggup o.”

Yotuwa 9:25

Togop aret me, o yogondak yi paga nit nineebe kit kineenggi paga wonogwe me, nit eekoorak paga eeppinaniyak mbakotak nogo ndak-ndak eeppinaniyak op aret o,” yinuk, yoreegwaarak.

1 Peterut 3:7

Togop me, yogondak kit aap kinakuwi warak nen eeko logorak ambi yokkira o. It kumi ineebe ndeyak inomaawi lek wonogwe me, kinakuwi kinom logonet, inabuwa mba'nuk yeenggwaarogwe, ndi, kiniki ogoorak logonet, kinom tamban eeriyak meek eekkinake kero, “Ala ninabuwa nen nineenik mondok logorak mendek ninakuwi ninom ndak-ndak unde eeppinanigin o,” yinuk, obeelom eeppiigwi, eeko logonip o.