Wakkagagerak 16:11 - Ala Wone Peenok Peebi Mbanak

¹¹ Yoge nagagerik, Aliku ALA ayonggo malayikat nogo nen yoge logonet, “Kabila agandak nogo ti, Wulaga ambi aret ndarumunggun o. Ndake logomenggendik, Koba aaninggin kenok le yagandak nogo ti, Aliku ALA muk aruk konenggerak me, Kaagaluk endage ti, Itamayen aret toonumunggun o.

Wakkagagerak 16:11 ပူးပေါင်းရင်းမြစ်များ

Wakkagagerak 17:19

Yoge mbareegi, at Ala nen Abarakam yoge logonet, “Ti yagandak kwe, lek o. Kat kakwe Tara nen kobaane'me wulaga ambi ndarigin me, endage ti, Itak aret toonenu o. Wone abuk nggaruk togon yokkereegirak nogo, at ombowologwe wiganak nen mondok-mondok porogo logonet, eeko logowak nduk, at kunduk wone abuk nggaruk togon yorigin o.

Wakkagagerak 21:17

At wulaga Itamayen oone ari nogo Ala nen aruk konengge nagagerik, yonggo nappiya wage menggerak malayikat ambi agi mbogut paga nen kwe Agat nogo yoge logonet, “Kwe Agat yi wae. Kat nano paga kiniki piirik agandik o? Kat kaagaluk punuk waganom oone ari nogo, muk Ala aruk konenggerak me, kagabiti mbarugun o.

Wakkagagerak 37:25

Wuppogo nogogwaarik, mbi nunggwi wonogwe me, aap inanebunu Itamayen mendek o Nggileyat nen o Metit nawok nduk, obari obeelom mendek inom, kundali inom, yibinggami inom, waganeegwaarak nogo abok waganogo unta amborowak paga punuk, luurik-maarak aago wonok tu mbin eerak wogwe iyareegwaarak.

Ayup 38:41

Towe ya'ngge-ya'ngge oo'nu nogo, Mbi abu nen inoone nggwok paga an Ala yo'nugwi, Inambi nengga'lek me, nabuk-kabuk nogwe, Eekwi iinok, Ta nen it noorak mendek wogorage menggerak mbaken?

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Wundeegwaarak 3:9

It aakumi Metit mendek nen aakumi Iterali mendek aaninggin-paaninggin inoba piigwi iinok, iniki aaninggin logonet, inoone nggwok paga yo'nugwi nogo an muk liippiigirak me,

Yetaya 7:14

Kinogoba Ala alik nen kineenu ariyak mendek eeke kaamunggup o. Eeke kaamunggup nogo ti, kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret toonigin o.

Lukat 1:13

at malayikat nogo nen, “Takariya wae. Kagabiti mbarugun o. Kat tamban eeke nagagindak nogo Ala muk aruk koneneegerak me, kakwe Elitabet nogo kapuluk ndakkirigin o. Ndakkege kenok, at endage Yaya aret toonenu o.

Lukat 1:31

kabila aret age logomenggendik, aap aret ndarumunggun o. Ndappunuk, at endage Yetut aret toonenu o.

Lukat 1:63

Yogo mbareegwa, Takariya nen batu tulis ambi ngginoorage nagagerik, wogogo mbareegwa, “At endage Yaya aret o,” yinuk, liiru mbaneegerak. Mbangge mbareegi, aakumi apit nen, “Wi!” yinuk, pi wareegwaarak.

1 Tamuwen 1:20

Abeke mbareegi, logonuk negen kwe Kana nogo abila a'nuk, aagaluk aap aret ndake nagagerik, ari logonet, “An Aliku ALA nggino yogirak paga naagaluk wo'negerak me,” yinuk, endage Tamuwen aret tooneegerak.