Wakkagagerak 15:9 - Ala Wone Peenok Peebi Mbanak

⁹ Togop yoge mbareegi, at Aliku ALA nen at yoge logonet, “Kat nen tapi kooli ndarak kagak tahun 3 eerak inom, kambin ngguunok-kooli ndarak kagak tahun 3 eerak inom, towe puume inom, towe puume aagaluk inom, wonok an niri wa'nu o.”

Wakkagagerak 15:9 ပူးပေါင်းရင်းမြစ်များ

Wakkagagerak 15:10

Yoge mbareegi, at Abaram nen Aliku ALA yoreegerak nogo ndak-ndak aret wonok wage nagagerik, warogo punuk, oolo muundak mban poorogo abeenok ambime mbigingge, abeenok ambime mbigingge, eerogo pege nagagerik, towe wonok wagagerak nogo perak, poorulik enaani aret at Aliku ALA wogoreegerak.

Wakkagagerak 15:8

Yoge mbareegi, at Abaram nen Ala yoge logonet, “Nogoba wae. Kaliku Kitok Menggendak kat ALA aret me, an o yi unde ariyak yo'negendak nogo nonggop negen eerogo neenu ariyak?”

Wakkagagerak 22:13

Yoge mbareegi, at Abarakam nogo ena logurogon pe'nage nagagerik, ndomba ngguunok ambi eyoongga ku'mbanak me, eyak yili-mali aago wonage kage nagagerik, wa nanuk, aput obaane'me Ala ake warogo kani kuneegerak.

Ndawi 50:5

“An ninom wone abuk nggaruk togon koonogo pereegurak mondok aberak logowok nduk, Nake warogo wo'nireegwaarak Napuri leenogo piyareegirak nogo, wogoren piya wogo logonip o,” yinuk,

Ndawi Iya 2:12

O nggween paga yime anggen laambu yugu kogwe, Ndawi wariyak agaarak me, ndawi wakwi, Ninanggween paga yime towe puume inambe man-man yogo logonet, inoone yogwe konenggwi,

Yetaya 15:5

O Mowap mendek eeppiyoorak paga inabuwa mbake agarik o. It mugogo wumbiigwi iigirak nogo nen kole o Towat arit nogwe, O Egelat-Telitiya arit nogwe, Ando nen leenggu maarit tu puut Lukit paga lagit nogwe, Ando nen, Mugogo wumbinanega o, yinuk, inoone nggwok paga le agan tu Koronayim paga nogwe, Eeko agaarik o.

Ala Unde 1:10

Ndi, it ambi nen inaanggumi kambin a, ndomba a, an nake warogo kani kuniyak mbakwi kenok ti, ngguunok awinde-obaande eerak lek amuni mbanak kenok mban wonok,

Ala Unde 1:14

Ndi, it ambi nen towe Naliku ALA nake warogo kani kuniyak mbakwi kenok ti, towe puume ilik, towe kurona a, an nake pogo logowak o.

Ala Unde 1:3

It ambi nen an nake tapi ambi warogo kani kuni woroorak mbakwi kenok ti, Naliku ALA niniki ale'nggen nen waakit nduk, tapi ngguunok awinde-obaande eerak lek amuni mbanak kenok mban wonok ninom lambungge menggim nawooliya wurik tu unggwogo menggam pi wogo logowak o.

Ala Unde 12:6

Wulaga a, kolaga a, nda'nage logonet amiya eeremenggerak nogo, nggaruk ari tokkage kagak, Ne ndogop logorak, yugu nogo abu aret wonage logomenggerik, kwe nogo nen ndomba ndarak kagak tahun ambit eerak ambi warogo nake kani kuniyak nduk wagangge, ndi, towe puume ilik, towe kurona a, omaluk lek eerogo punuk, nimbirak lambuniyak ake ambi wagangge, eeke logomenggerik, wonok an ninom lambungge minggim nawooliya wurik tu unggwogo menggam aap an neebe unde wonage me taa'nogo pi nawak o.

Ala Unde 12:8

Ndi, kwe nogo ndomba paga eeriyak wonage lek kenok ti, towe puume mbere ilik, towe kurona mbere a, pipuk eeppunuk, towe ambi warogo kani kuniyak ake wagangge, ambi omaluk lek eerogo punuk, nimbirak lambuniyak ake wagangge, eeke logomenggerik, wonok aap an neebe unde owagam pi nage kenok, at an neebe unde nen nggami aanggo wakwi kwak, nimbirak lambunik logowak nduk warogo wo'nege kenok, oba maluk aremenggerak nogo obeelom aret arigin, yegerak, yoret o,” yinuk, yoreegerak.

Ala Unde 14:22

ndi, op kwaariyak mendek towe puume mbere ilik, towe kurona mbere a, ambi omaluk lek eerogo puurak nduk nake wo'nege, ndi, ambi nake warogo kani kungge, eeruwak nduk wagangge, ee'nuk,

Ala Unde 14:30

Ti'nuk, aap ti, amendek lek kenok, towe puume mbere ilik, towe kurona mbere a, nake pi woramenggerak nogo

Ala Unde 3:1

Yoge nagagerik, wone ambi yoraawak nduk, at Aliku ALA nen Muta yoge logonet, “It ambi nen, Ala nimbirak lambunik logokit o, yinuk, warogo an nake wo'niriyak mbakwi kenok, tapi ngguunok a, kooli a, nake puurak op mban aret kwe, awinde-obaande eerak lek amuni mbanak kenok mban Naliku ALA nenggaanom paga eeriyak me, wonok

Ala Unde 3:6

Ndi, Ala ninom lambunuwok o, yinuk, kambin-ndomba ambi Naliku ALA nake warogo wo'niriyak mbakwi kenok, ngguunok a, kooli a, puurak op mban aret kwe, awinde-obaande eerak lek amuni mbanak kenok mban nake puwak o.

Ala Unde 9:2

Muta nen Karun yoge logonet, “Kat kalik komaluk lek eerogo pagawak nduk, kaanggumi inawinde-inobaande eerak lek amuni mbanak kero tapi ngguunok awooluk ambi wagangge, ndomba ngguunok warogo kani kuniyak ake ambi wagangge, eeke logomenggendik, at Aliku ALA enggaanom paga ake pi mok o.

Lukat 2:24

ndi, ambi yorage logonet, “Towe puume mbere'ndak ilik, towe kuroma mbere a, an kinogoba nake warogo puwak o,” yinuk, yorage, eereegerak liiru mbanak nogo ndak-ndak eeruwok nduk, wonok wogogwaarak.