Wakkagagerak 15:6 - Ala Wone Peenok Peebi Mbanak

⁶ Yoge mbareegi, at Abaram iniki Aliku ALA oba panggombunuk abet mbake mbareegi, at Aliku ALA nen, “Aap yi iniki koonak abu obeelom aret kagi o,” yinuk, mbareegerak.

Wakkagagerak 15:6 ပူးပေါင်းရင်းမြစ်များ

Nekemiya 9:8

Kat yoge nogo li'lak mban eeke kenok, it aakumi Kanan mendek inom, Ket mendek inom, Amori mendek inom, Perit mendek inom, Yebut mendek inom, Nggiragati mendek inom, inanggween abok aret at apuri-ombowologwe wogoroorak wone abuk nggaruk togon koonogo punuk yoreegindak nogo, kat abe koonak mban eeke menggendak me, koonogo pereegindak nogo a'me lik togon aret eereegindak o.

Ndawi 106:31

Ti eereegerak nogo paga, “Aap ti abe o,” yinuk, Yogwe iigak, nda'narit wundi wogo nogogwaarak.

Oroma 4:11

Ndi, at abet mbareegerak paga Ala nen abet aret, “Kat obeelom aret keegi o,” yinuk, yoreegerak nogo aakumi ineenu aruwak nduk, inagabolo mbaniyak wone yoreegerak ti, agabolo awo mbangga'lek kagak aret yoreegerak. Togop aret me, inagabolo mbangga'lek kagak, Ala abet mbakwi paga, at Ala nen, “Kit obeelom aret kiigi o,” yinuk, yorage nogo ti, it inombo Abarakam aret o.

Oroma 4:9

Iniki ale'nggen mbako logorak wone yereegerak ti, inagabolo mbanak ti mban inake yereegerak ilik, mbanak lek inom abok aret inake yereegerak a? “At Abarakam iniki Ala oba panggombunuk abet mbareegerak ti paga, at Ala nen obeelom eeppereegerak o,” yinuk, Ala wone liiru mbanak aginggwe yokkiragarak nogo aret me,

2 Korindut 5:19

At Ala nen, “An nogo ti, yi aakumi ndi aakumi abok an noone taganggwi iigak kwe, neenggi linggingga'lek aret logonet, Keritut eereegerak paga ninom lambunnogogurak o,” yinuk, yorogo logowok nduk, wone unde eeppinaneegerak eebe nogo ti aret o.

Iberani 11:8

Ndi, at Abarakam kunduk, Ala nen, “Eyate kwak nggween ambi kat unde logonok nduk, wokkirigin me, nak o,” yoge mbareegi, o ti, eenggo'lek kwe kagak, “Abet aret wo'nirigin,” mba'nuk, nagagerak.

Yakobut 2:23

Ti eereegerak paga, “Aap Abarakam nen Ala abet mba'nuk iniki at oba panggombereegerak paga, Ala nen, Aap yi abe o, yinuk, obeelom agago pereegerak o,” yinuk, Ala wone liiru mbanak nogo a'me lik ari mbareegi, at Ala nen, “Aap Abarakam nogo ti, an nore aret o,” yinuk, yereegerak.