Wakkagagerak 15:2 - Ala Wone Peenok Peebi Mbanak

^2-3 Yoge mbareegi, at Abaram nen, “Nogoba o. Kaliku Kitok Menggendak kat ALA aret kwe, elege ambi wo'nega'lek kagak, kambuurak kenok, neyate ti, aap Eliyetet awi Ndamitik mendek aret kolaagin me, kat nen ambi nano eeppanumunggun o?” Ari nagagerik, ambinom yoge logonet, “Napuluk wo'nega'lek me, an nayeloman nimbirak minggirak nogo aret neyate kolaagin kagi o.”

Wakkagagerak 15:2 ပူးပေါင်းရင်းမြစ်များ

Wakkagagerak 14:15

Panggo yi nogo nogogwaarik, aap aago nogogwaarak nogo Abaram nen inawuri lombok agago piinok, oonikiya paga wim inoba kwi'nari unggwogo nogogwaarik, nappiigak-wappiigak eeginabit o Ndamitik ambo'me o omarip paga pa'nggwe o Koba kuli aret piya nogo logonet,

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Wakkagagerak 24:10

Owak mbangge nagagerik, at ayeloman nogo nen at ogoba aanggumi unta ineebe 10 wogonake, at ogoba amindik-amendek etenggen alitak onggo nggwok nogo wagangge, eeke nagagerik, ya nogo yegak o Aram-Metopotamiya o omarip paga pa'nggwe o tini Abarakam awot Nakot menggim nogome aret nagagerak.

Wakkagagerak 24:2

Ne ambi paga at Abarakam nogo nen at ayeloman mini inowe aap iniki warak lombok amindik-amendek abok aret ndegeninake menggerak nogo yoge logonet, “An naput Itak akwe wogoriyak nduk, it aakumi Kanan mendek an ninom wonogwe yi, inapuluk ambi kwaariyak abu mage o. Ata, an wonagagim nawi alom paga nage logomenggendik, noreewi inapurilogwe ambi kero, kwaarenok nduk, kat keenggi nogo'ne'me pi'nake logonet, at mbogut-nggween wakkagagerak Aliku Ala owak o, yinuk, kumbuk mbanu o.”

Wakkagagerak 25:21

Wagangge nagagerik, akwe Iribaka nogo aagaluk ndaka'lek mbareegi, at Itak nen akweeluk ake tamban eeke mbareegi, at Aliku ALA aruk konengge kagak, kwe Iribaka nogo aret abila agagerak.

Wakkagagerak 39:9

An o yi arum logowak nduk, tiyappaneegerak an kokwak ambi lek aret. An nogoba nen yi mendek ndi mendek ambi teppatulik, abok aret an unde eeppanege logonet kwe, kat keebe perak, an unde eeppanulik me, an nonggop togon Ala enggaanom paga maluk nggwok eeriyak yagan o?”

Wakkagagerak 43:19

Togop mbako nogogwaarik, at Yutup ayeloman ame arum menggerak tungga'nggi paga wonage nogo owagam nogo nogogwaarik, yogo logonet,

Wakkagagerak 44:1

Ti eeppogo nogogwaarik, at Yutup nogo nen at ayeloman ame arum menggerak nogo wone lengganogo yoge logonet, “It aap yi, inalitik-inalitak inegarun paga it aaninggin wonok noorak ndak-ndak mbato mondok nggwik eerogo yonggorirage, inawu nogo inegaruna mbato yonggolak anewam time yonggologo piige, eeke logomenggendik,

Ndawi 127:3

Nit ninapuri nogo ti, At Aliku ALA nen yate kwak wo'nirage, Ninagalomini inikime logombunuk ndaganakwi ti, Onggo lek we aret wo'nirage, Eeke menggerak o.

Kini Wuppiige 13:12

It iniki lunik nogo ya langgok arit nage kenok, iniki wakkologo menggaarak kwe, Iniki uugwe mbakwi nogo aret kologwe iinok perak, eyo abe mili kwit agan lagangge menggi kwak, iniki togop aret wonogo menggaarak.

Kini Wuppiige 17:2

Aap ayeloman iniki warak ambi nen wulaga ambi ogoba enggali eerogo pit nage nogo liirogon arum wonage kenok, Ogoba nen eyate apuri tumburirage logonet, at inom aret wogorigin o.

Yetaya 17:1

O Ndamitik mendek eeppiyoorak abinggaanggo paga Ala nen yoreegerak nogo yi aret. “O kota Ndamitik abe wonage menggi kwak logogin lek o. Ata, o mi-mi aago logonak aret wonage kaagun o.

Yetaya 56:5

Inapuri wologwe inom, komologwe inom, ndaganaburak ti iya aret kwe, ndaganaburak meek me, Inendage inom, inoba aberak logorak mendek inom, ineenu agak nawi wurik kobat yendok-wandok nabenak inikime mippiminggirak nogo ti, mondok iya o. Ti eeriyak nogo ti, inendage lek aga'lek mondok ki logowak nduk eeppiyaagin o.

Yeremiya 49:23

O Ndamitik eeppuurak wone nogo yi aret. “It Kamat mendek inom, Arapat mendek inom, wone maluk mendek konenggo nagaarik, inenggali age, Iniki a'nggan wo'nage, Yi laut abolok lek wonageelik, ngguk-loguk mban eeke menggi kwak, iniki togop aret wonage, Eeke agaarik o.

Nappiigak 7:5

Nappi wagagerak wonage me, at Ala nen Abarakam unde logowak nduk nggween ambi mbanege, we mbuuriluk mbanak ambi kolaawak nduk wogoge, eerulik aret kwe, at apurilogwe abu lek iigak, yoge logonet, Nggween yi, kat inom, kat paga wiganak inom, unde logomunggup o, yinuk, wone abuk nggaruk togon yoreegerak.

Urut 2:6

Yoge mbareegi, at eyabu eeko menggaarak unde nogo nen, “Kwe Mowap mendek Nawomi imbirak aap Mowap iname nen wagaarak nogo yi aret o.

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.