Wakkagagerak 15:13 - Ala Wone Peenok Peebi Mbanak

¹³ at Aliku ALA nen at yoge logonet, “Kat kombowologwe nda'naremenggaarak nogo nen aakumi iname we nggiru negen ari nanuk wonogwe iigak, it aakumi nen inayeloman eeppiinok logonet, meek lagik-loguk aganakwi iigak, tahun empat ratus eerugun me, wone yi abet aret yokkege me, liippu o.

Wakkagagerak 15:13 ပူးပေါင်းရင်းမြစ်များ

Wakkagagerak 15:16

Ndi, it aakumi Amori mendek yi, it maluk eekwi kwe, inomaluk ambinom nggwok ari naga'lek kagak, kat kombowologwe wigannarit 4 paga ari nogwe ndak-ndak o yime ari wogo logogun o,” yoreegerak.

Wakkagagerak 17:8

Kat aap nggiru negen menggenom o Kanan nggwok yi abok aret, kat inom, kombowologwe wigannaremenggaarak nogo inom, mondok-mondok unde logomunggup nduk wokkiraagin o. Ndi, kombowologwe wigannaremenggaarak nogo inogoba Ala an mondok aret logogin o.”

Wakkagagerak 47:4

Yogo nogogwaarik, ambinom yogo logonet, “O Kanan paga mbi noogelo ambik age logonet, nit kayeloman mini ninaanggumi iri'ngga noorak kunduk lek age mbaki, yime we laalu negen logorak nduk wogoorak me, o Nggoten time logorak op ilik? yinuk, yokkiri wogo o.”

Ndawi 105:42

Ti eerit wagagerak nogo ti, Aliku ALA nen wone abu abe abuk nggaruk togon koonogo Ayeloman Abarakam yoreegerak nogo Aberak logonet, eerit wagagerak.

Wundeegwaarak 1:11

Yorage nagagerik, it aap Metit mendek nen aakumi Iterali mendek inarum logonet, inoone omaawi paga yabu aaninggin inoba piigo logowak nduk mippiige mbareegi, it aap Iterali mendek nogo aap Pirawun ake yi mendek ndi mendek pogo logorak o Pitom Araametet imbirak taganak nogome, o yaga'lelo nambit-mbit wurogo pit nogogwaarak.

Wundeegwaarak 1:13

Inagabiti ogo nogogwaarik, inogogumbuk a'nuk, Iterali mendek nogo ineebi mbakwi iigak, inoone omaawi paga inabuwa mbaka'lek, “Yabu mban liirit-laarit ee'nip o,” yinuk, yorogo mbareegwa, it nogo nggween nggabok yugurogo worarogo punuk, o wukwi, yi yabu ndi yabu alitak lombok eerit nugwi, eeko logonet, it aakumi Iterali mendek iniki keebaro agan nage nagagerak.

Wundeegwaarak 2:24

Ndi, inoone inabuwa nggo-nggo yogwi nogo Ala aruk konengge nagagerik, aap Abarakam inom, Itak inom, Yakup inom, wone abuk nggaruk togon inom mbaneegwaarak nogo abereegerak.

Wundeegwaarak 22:21

Yoge nagagerik, ambinom yoraawak nduk, yoge logonet, “It aa'nduk o Metit aap nggiru negen wonogwe iigak, eeppiigo nogogwaarak nogo ineenu me, aap nggiru ambi inenggela'me wonage kenok, inoone maluk yogwi, tebenogo pugwi, eeriyak mage o.

Wundeegwaarak 23:9

It maan o Metit aap nggiru kwak wonogwe iigak, aaninggin eerogo piigo nogogwaarak nogo ineenu me, it aakumi nggiru inenggela'me wonogwe iinok, aaninggin inobaga piigo logorak mage o,” yinuk, yoraawak nduk, yoreegerak.

Wundeegwaarak 3:10

an napuri Iterali mendek o Metit nen wogoren wundi woroorak kat Pirawun yori nagak eeke logonok nduk, nappagagi o,” yinuk, yoreegerak.

Wundeegwaarak 3:17

it o Metit aaninggin-paaninggin eeppiigwi me time nen wogoren aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween mili obeelom yilak amburu inom, nggiin amburu inom, niyo eneeri negen kila-kila wungge menggim time piya nagin abu koonogo pigirak, yegerako, yinuk, yoraamunggun o.

Wundeegwaarak 3:8

Yeenggwaarage logonet, an napuri nogo aakumi Metit mendek ineenggime nen ndininabunuk, wogoren it aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween nggwok mili obeelom lombok yilak amburu inom, nggiin amburu inom, niyo eneeri negen kila-kila wungge menggim time piya naakit nduk wagi o.

Ala Unde 19:34

It Iterali o maan Metit time aakumi nggiru negen aret wonogogwaarak nogo iniki abeko logonet, aap nggiru inenggela'me inom wonogwe nogo ti, Nit Iterali mendek negen aret wonogwe o, yinuk, ineebe iniki kunik eekkologo mengga kwak, it aap nggiru kunduk togop aret iniki kunik aganako logowak o.

Linggineegwaarak 20:15

Ndi, nit ninombomini o Metit time nogo nogogwaarik, yi tahun ndi tahun wonogwe iigak, it aap inaworak Metit mendek nen ninombomini inom, nit inom, yabu mondok meek lagik-loguk eerogo pinanugwi iinok,

Nappiigak 7:17

Ti'nuk, Ala nen Abarakam wone abuk nggaruk togon yoreegerak nogo eeriyak eyom koorok panggo yi wage kagak, nit ninombomini nogo o Metit time logonet, ambik wigannogogwaarak.

Nggalatiya 3:17

At Ala nen Abarakam imbirak wone mondok abuk nggaruk togon mbaneegwaarak kagak, tahun empat ratus tiga puluh eeppunuk, wone Muta yoreegerak me, peebi yoreegerak nogo paga nen, aa'nduk yugu nogo awo eeka'lek kagak, lek eerogo puurak op mbakop? Meek me nduk, yokkiragi o, noreewi.

Pelaareegerak 10:19

kit lombok maan o Metit logonet, aap nggiru negen aret wonogogutak me, yogondak aap nggiru kinenggela'me wonogwe nogo inabuwa mbako logonip o.

Pelaareegerak 5:15

Kit maan o Metit paga inayeloman eeppinagago wonogwe me, at Aliku kinogoba Ala eenggi omaawi paga eeppiige, eenggi titik eeke kenok eeppiige, eerit wokkiren wundi wagagerak abeko logonet, at Aliku kinogoba Ala nen nogo 6 yippunuk, ko'lu paga yonggonggologo logorak lengganogo yokkiragagerak nogo eeko logomunggup o.