Wakkagagerak 14:2 - Ala Wone Peenok Peebi Mbanak

² it inendagembogut ineebe 5, ambi Mbera o Torom arum wonage, ambi Mbiritiya o Nggomora arum wonage, ambi Tiyinap o Arama arum wonage, ambi Tiyemebet o Teboyim arum wonage, ndi, ambi o Mbela, ti Towat aret me, arum wonage, eeko nogogwaarak nogo, inom wim namburiyak nduk wone mbaneegwaarak.

Wakkagagerak 14:2 ပူးပေါင်းရင်းမြစ်များ

Wakkagagerak 10:19

inanggween nogo ti, o Tiron nen o Nggerat pa'nggwe Nggata kuli inom, ndi, o Torom, Nggomora, Arama, Teboyim pa'nggwe o Lata kuli inom, aret unde eekkologogwaarak.

Wakkagagerak 13:10

Yoge mbareegi, at Lot nogo enegen pe'nage nagagerik, o Eren Aliku ALA nen ogobakkigireegerak nogo inom, o Metit abeenok Towat pa'nggwe inom, imbirak abu obeelom wonagagerak ti kokwak, nggween niyo Yoraran ndirok kobappaga abu obeelom niyo eneeri wundit nage menggim nggween mili lombok aret kagagerak. Ti kagagerak nogo ti, at Aliku ALA nen o kota Torom inom, Nggomora inom, awo lek eerogo pega'lek kagak kagagerak.

Wakkagagerak 13:12

at Abaram nogo, o Kanan nogome puk age kagak, at Lot nogo niyo Yoraran ndirok kobappaga yaga'lelo ambik wurik enggela'me o Torom koorok time ooliya wuppunuk wonagagerak.

Nekemiya 11:34

o Karit inom, Teboyim inom, Nebalat inom,

Yetaya 15:5

O Mowap mendek eeppiyoorak paga inabuwa mbake agarik o. It mugogo wumbiigwi iigirak nogo nen kole o Towat arit nogwe, O Egelat-Telitiya arit nogwe, Ando nen leenggu maarit tu puut Lukit paga lagit nogwe, Ando nen, Mugogo wumbinanega o, yinuk, inoone nggwok paga le agan tu Koronayim paga nogwe, Eeko agaarik o.

Yeremiya 48:34

It inoone yogwe konenggwi ti, niyo Nimirim nage nogo porok yegerak kenok, Aakumi Ketibon inom, Eleyale inom, le yiyi-wowo yogwe nogo aakumi Yakat nen inaruk konenggwi, Aakumi Towat nen nok, Koronayim inom, Egelat-Telitiya inom, inaruk konenit nogwe, Eeko agaarik o.

Oteya 11:8

It togop eekwi iigak kwe, an nonggop togon it Eparayim ti teppiige, It Iterali ti, nenegen aanggot iinok, nonggoti mbo piige, Eeriyak mbakop? It aakumi Arama mbo piyareegi kwak, it Eparayim mbo piige, It Teboyim eeppiyareegi kwak it Iterali eeppiige, Eeriyak ti nonggoti o? Niniki nenaame ari wage logonet, inabuwa lombok mbake me,

Pelaareegerak 29:23

Ndi, at Aliku ALA anini kani omoonuk negen mi'nage logonet, o Torom inom, Nggomora inom, Arama inom, Teboyim inom, nggween abut lagak-mbagak eerogo pege logonet, lek eerogo pereegerak nogo ndak-ndak kit kinanggween yi, abok aret kani nen yogu eerogo pege menggi kwak, nggwi-nggwi mban eerogo pege, mut obari nen yogu eerogo pege, eeremenggerak wonage me, yabu waganogo yakwi, yarak anggen mbilangge, yi mendek ndi mendek alik nen wungge, eeka'lek aret logogin o.

Pelaareegerak 34:3

ogu o ame pa'nggwe karume kuli inom, o kobappaga Yeriko o tini Nggabunggaame kuli nen o Towat kuli inom, nogo nikkage, eereegerak.

1 Tamuwen 13:18

ambi aago o Mbet-Koron pa'nggwe nogwe, ndi, ambi aago karume nogo menggam o Teboyim kobappaga nakkagak nggween kuli paga time pa'nggwe wogwe, eereegwaarak.