Wakkagagerak 14:15 - Ala Wone Peenok Peebi Mbanak

¹⁵ Panggo yi nogo nogogwaarik, aap aago nogogwaarak nogo Abaram nen inawuri lombok agago piinok, oonikiya paga wim inoba kwi'nari unggwogo nogogwaarik, nappiigak-wappiigak eeginabit o Ndamitik ambo'me o omarip paga pa'nggwe o Koba kuli aret piya nogo logonet,

Wakkagagerak 14:15 ပူးပေါင်းရင်းမြစ်များ

Wakkagagerak 15:2

Yoge mbareegi, at Abaram nen, “Nogoba o. Kaliku Kitok Menggendak kat ALA aret kwe, elege ambi wo'nega'lek kagak, kambuurak kenok, neyate ti, aap Eliyetet awi Ndamitik mendek aret kolaagin me, kat nen ambi nano eeppanumunggun o?” Ari nagagerik, ambinom yoge logonet, “Napuluk wo'nega'lek me, an nayeloman nimbirak minggirak nogo aret neyate kolaagin kagi o.”

1 Endagembogut 15:18

Ndi, at Ata nogo nen mbuti perak-emas Aliku ALA awi wurik me pogo menggam wonage nogo inom, at endagembogut ame o nggwok abe wurik me wonage nogo inom, waganogo at inom eeko menggaarak nen wonok aap Tabirimon aput Mben-Karat, Ketiyon ombooluk nogo, it Aram mendek inowe endagembogut o Ndamitik logonet, inarum wonage nogo, wogori nawak nduk, wone eerogo nappiige logonet,

Ndawi 112:5

Aap ambi iniki ndoobu wonage, “Namendek luulu porogo logonip o,” yinuk, wogorage, Yi eekak ndi eekak eerit nage logonet, ndak-ndak aret kolage, Eeke menggerak nogo Ale'nggen aret wonage logogin o.

Yetaya 17:1

O Ndamitik mendek eeppiyoorak abinggaanggo paga Ala nen yoreegerak nogo yi aret. “O kota Ndamitik abe wonage menggi kwak logogin lek o. Ata, o mi-mi aago logonak aret wonage kaagun o.

Yeremiya 49:23

O Ndamitik eeppuurak wone nogo yi aret. “It Kamat mendek inom, Arapat mendek inom, wone maluk mendek konenggo nagaarik, inenggali age, Iniki a'nggan wo'nage, Yi laut abolok lek wonageelik, ngguk-loguk mban eeke menggi kwak, iniki togop aret wonage, Eeke agaarik o.

Yetikiyen 27:18

At yi mendek ndi mendek ambik lombok eerogo pit nage, amendek etenggen alik-alik lombok wonage, eerak kenok, it Ndamitik mendek nen inom onggo-onggo eeko logonet, anggur amburu o Kelebon mendek inom, ndomba eeruwak o Takat mendek inom, wonok at oba kuni wogwe,

Yetikiyen 47:16

o Mberota kagak, nok, o Ndamitik inom, o Kamat inom, oolo kota Tiberayim nen nok, o Kawuran nggween kuli mbanak wonage kota Katat-Enom ti kuli pi noorak o.

Nappiigak 9:10

O kota Ndamitik time aap Yetut oone waganggwi mendek ambi endage Ananiyat nogo nen abinggaanggo kage kagak, at ninogoba Yetut nen, “Ananiyat wae.” Yoge mbareegi, Ananiyat nen, “Yo'niru o, nogoba.”

Nappiigak 9:2

yoge logonet, “Nogoba wae. O kota Ndamitik it Yakuri tamban eeko menggam unde lombok nen inigen kaawak nduk, kat nen it kumi aap ineenik logorak at aru mugurok nogwe iyo, pigogo keele maageren Yerutalem woraakit nduk, liiru mbanniru o.”

Nappiigak 9:8

at Tawulut nogo mi'nage nagagerik, enegen pagak yikit nduk eereegerak mendek, enegen ogut agagerak me, ineenggi piganok, wonok o kota Ndamitik pi nogogwaarak.

Pelaareegerak 15:2

lek eerogo piigo logorak nogo ti, yogobi aret. Kit Iterali mendek ambi nen ore ambi amendek anomat mbanak wonage kenok, Aliku ALA nen nomat mbanak lek eerogo piigo logorak eyom yi aret o, yinuk, yereegerak me, kinowe-kinawot ilik, kinore ambi a, Nanomat mbanak koba wonage nogo onggo wo'niriyak, yoriyak mage o.

Owak Loongga 7:16

Yorage nagagerik, at Nggireyon nen awuri ineebe tiga ratus nogo, aap kenagan eerogo piige nagagerik, oone pu eeka trompet inom, ndi wuninik niyoowa'na yonggolak inom, awuri apit aret inalitak wogoragagerak.