Wakkagagerak 14:13 - Ala Wone Peenok Peebi Mbanak

¹³ Wogoren nogwe iigak, aap ambi peberagangge eerak nogo nen at Lot eereegwaarak wone nogo wonok aap Iberani mendek Abaram nogo aap Amori mendek ambi endage Mamere ageyo teno alome nogome ooliya wuppunuk wonage me, yori wagagerak. At Mamere nogo ti, aap Etokon Anet imbirak inoreeluk aret me, it abok aret Abaram inom kunik aret wonogogwaarak.

Wakkagagerak 14:13 ပူးပေါင်းရင်းမြစ်များ

Wakkagagerak 10:16

Ndi, aakumi inanebunu Yebut inom, Amori inom, Nggiragati inom,

Wakkagagerak 13:18

Yoge mbareegi, at Abaram nogo, o nogome teppunuk, o Keboron eyo teno alome o Mamere koorok nogome ari woraanuk, Aliku ALA alut eeke logonet, ake warogo wogoge logowak nduk, yugum logonogo pereegerak.

Wakkagagerak 14:24

Nalik ambi kolaagin mondok lek aret kwe, an nawuri ti, mbi muk nenggaarak. Ndi, an noreewi ninom kunik Anet togon, Etokon togon, Mamere togon, punogo piyamenggendak kolaawok mbakwi kenok, koloorak ti op aret o,” yinuk, yoragagerak.

Wakkagagerak 18:1

Ne ambi paga at Abarakam nogo o Mamere eyo teno alome taati o liingge mo andi ambik mbareegi, awooliyana tungga'nggi paga kwi'ndak wonage me, at Aliku ALA nen nikka wagagerak.

Wakkagagerak 21:24

Yogo mbareegwa, at Abarakam nen, “Yogotak ti ndak-ndak aret eeko logowok o,” yinuk, kumbuk mbaneegerak.

Wakkagagerak 21:27

Yoge mbareegi, at Abarakam nen ndomba inom, tapi inom, waganogo at Abimelek wogoge mbareegi, imbirak nen, “Nit togop aret eeko logowok o,” yinuk, wone abuk nggaruk togon mbaneegwaarak.

Wakkagagerak 21:32

It imbirak o Mberetiyeba nogome wone abu aret abuk nggaruk togon mbambogo nogogwaarik, at Abimelek at awuri yigin unde inowe aap Pikon nogo imbirak aap Pilitin iname time iniyokan nogogwaarak.

Wakkagagerak 39:14

at kwe nogo nen it aap at ame yabu eeko menggaarak ayeloman ando wiiragagerak wogo mbareegwa, yorage logonet, “Nit abok aret meek eerogo pinanikit nduk, aap Iberani mendek wonok wagaarak yi nen, Nimbirak lambunuwok o, yinuk, neya unggwage mbaki, Keek, amborowak paga kwippege neenok,

Wakkagagerak 41:12

aap tawe Iberani mendek aap keele maarak inarum menggaarak inowe ndegengge menggerak ninom wonage nogo, enggaanom ninabi kogogurak nogo mbininggo mbareegu, ninalitak lombok eebe eeriyak nogo yo'niragagerak o.

Wakkagagerak 43:32

Yorage mbareegi, at Yutup ayeloman mini nogo nen Yutup alik kwippugwi, Yutup oreewi nogo inalik kwippiigwi, ndi, it aakumi Metit mendek nen aap Iberani mendek inom lambunik mbi nunggwi kenok, inogole mbako menggaarak me, it Metit mendek inalik kwippiigwi, eereegwaarak.

Ayup 1:15

aakumi o Tiyeba mendek nen wogo nagaarik, kayeloman mini kaanggumi inarum wonogwe nogo inoba kwi'na'nuk, wooluwak paga inoorogo piinok, lembu-keledai nogo ko'nok ndi yogwe iigak, nalik mban mbagangge nagarik, wone wonok yokkiri wagi o.”

Wundeegwaarak 2:11

Ti'nuk, peebi nen at Muta nogo tawe age nagagerik, ne ambi paga it aap Metit mendek nen at oreewi yabu liirit-laarit eeruwak nduk yorogwe me nogome enegen pegiya nage nagagerik, aap Metit mendek ambi nen at oreewi Iberani mendek ambi wake kagagerak.

Wundeegwaarak 2:6

abiringga kuurogo pekkage nagagerik, elege nogo le ari mbareegi, “Elege yi, Iberani mendek inapuluk abet aret kagi,” yinuk, abuwa mbareegerak.

Wundeegwaarak 3:18

Kat yoramenggendak nogo it aap Iterali yo'nggok nogo nen konenugun aret me, konenggwi iinok, kinom aap endagembogut Metit mendek nogo owagam nogo logomonggotik, at yogo logonet, At Aliku aakumi Iberani inogoba Ala nogo muk niniya wagaarak me, nogo kenagan yegak karume time at Aliku ninogoba Ala ake warogo wogogo logonet, alut eeri noorak me, kat nen, E, yo'niraanok nduk, yokkiri wogo o, yinuk, yo'nu o.

Yeremiya 34:9

Inom wone koonogo pereegerak nogo ti, it Yekura mban-mban inayeloman eeppiinok logorak ti mage me, it aakumi Iberani mendek aap inom, kumi inom, inayeloman eeppiinok wonogwe ti, “Apit aret wondet eerogo piyoorak o,” yinuk, wone koonogo pereegerak.

Yunut 1:9

Yogo mbareegwa, it yorage logonet, “An aap Iberani mendek aret me, niyo nggwok yenggenak laut inom, nggween inom, wakkagagerak mbogut unde menggerak Aliku Ala ayuk wuke minggirak an aret o,” yinuk, yoragagerak.

Linggineegwaarak 21:21

Ti'nuk, it Iterali nen aakumi Amori inowe endagembogut Tikon wonage me wone agago nappiigo mbareegwa, nogo nogogwaarik, yogo logonet,

2 Korindut 11:22

It wogoppako logonet, “Nit Iberani mendek o,” yinuk, yogwe me, an kunduk Iberani mendek aret o. It nen, “Iterali mendek nit aret o,” yogwe me, an togon Iterali mendek aret. It nen yogo logonet, “Abarakam ombo wologwe nit aret o,” yogwe nogo, an togon Abarakam ombooluk aret o.

Pilipi 2:5

At Keritut Yetut iniki wonagagerak nogo kokwak, kit togop aret logonip o.

1 Tamuwen 29:3

Wogo logonet, aap Pilitin mendek ineegin warak inoweewi nogo nen Akit yogwi, “Aakumi Iberani mendek yi, nonggop nduk kinom wogwe?” Yogo mbareegwa, aap Akit nen it yorage logonet, “Aap Iterali inowe endagembogut Tawun imbirak eeke nagagerak aap Ndawut nogo yi lek a? Aap Ndawut aret kwe, Tawun mbo punuk, neya wagagerak nimbirak wonage kagak, tahun ambi eereegerak kwe, at Tawun mbo punuk, neya wagagerak nen yogondak kuli yi, at maluk ambi eekerak an koolik aret o.”

1 Tamuwen 4:12

Eeko mbareegwa, ne ti eyom paga aap anebunu Mbeniyamin mendek ambi nen ayum nibinogo pege, anobak paga nggween labuk-mbabuk eerogo pege, ee'nuk, wim nambukwi me nen mbe agan o Tilo wage nagagerik,