Wakkagagerak 13:14 - Ala Wone Peenok Peebi Mbanak

¹⁴ At Lot Abaram imbirak inalitak ogo mbareegwa, at Aliku ALA nen Abaram owagam wage nagagerik, yoge logonet, “Kat keebe mi'ndak me taati nen o irip-irip agi nggwe ogu nggwe abok aret kenegen nakket o.”

Wakkagagerak 13:14 ပူးပေါင်းရင်းမြစ်များ

Wakkagagerak 13:10

Yoge mbareegi, at Lot nogo enegen pe'nage nagagerik, o Eren Aliku ALA nen ogobakkigireegerak nogo inom, o Metit abeenok Towat pa'nggwe inom, imbirak abu obeelom wonagagerak ti kokwak, nggween niyo Yoraran ndirok kobappaga abu obeelom niyo eneeri wundit nage menggim nggween mili lombok aret kagagerak. Ti kagagerak nogo ti, at Aliku ALA nen o kota Torom inom, Nggomora inom, awo lek eerogo pega'lek kagak kagagerak.

Wakkagagerak 28:14

Kat kapuri ndappiyamenggendak kinom nggween ameneno ambik lombok ti ndak-ndak wigannarit nogo logonet, o aru-ogwe, agi-ogu time abok aret ndak wa'narit nogwe kiigak, yi aakumi ndi aakumi o nggween paga wonogwe yi abok aret kat inom, kapuri wigannaremenggaarak inom, it nogo paga inale'nggen kogo logogun o.

Yetaya 49:18

Kat kaagalogwe wologwe kuwak ari wogwe, kat kowagam wogwe, eekwi yi, kuut pilak yinuk, kenegen pegiyet o. Kwe aap lambumbuurak nduk, obaanggi-obaangge li'luk eerogo pogo mengga kwak, It kuwak a'nuk wonogwe nogo paga kat kiniki ale'nggen nggwok eerogo pagagun o, yinuk, An neenik minggirak Naliku ALA nen mondok abet aret yokkigi o.

Yetaya 60:4

At aagalogwe wologwe o nda nen wogwe, Aagalogwe komologwe inaagalogwe yarugu-yonggolak aago wogwe, It abok aret at owagam kuwak ari wogwe, Eekwi ti, Enggaawak pila yinuk, enegen yendok-wandok pegiyaawak o.

Pelaareegerak 3:27

Kat nen niyo Yoraran ene paga wunda noorak lek me, agi-ogu, aru-ogwe, kenegen mban liirogon yomboonogo nappit nanok nduk, puut Pitaka paga lagi nak o.

Pelaareegerak 34:1

Yorage nagagerik, at Muta nogo o Mowap kobappaga nogome teppunuk, puut Nebo paga lagangge logonet, o Yeriko wunggagak puut kirin Pitaka paga ari laganeegerak. Lagangge mbareegi, at Aliku ALA nen o nogome nenaarak abok aret o Nggileyat nen o omarip paga pa'nggwe it Ndan mendek logowam kuli nikkage,