Wakkagagerak 13:10 - Ala Wone Peenok Peebi Mbanak

¹⁰ Yoge mbareegi, at Lot nogo enegen pe'nage nagagerik, o Eren Aliku ALA nen ogobakkigireegerak nogo inom, o Metit abeenok Towat pa'nggwe inom, imbirak abu obeelom wonagagerak ti kokwak, nggween niyo Yoraran ndirok kobappaga abu obeelom niyo eneeri wundit nage menggim nggween mili lombok aret kagagerak. Ti kagagerak nogo ti, at Aliku ALA nen o kota Torom inom, Nggomora inom, awo lek eerogo pega'lek kagak kagagerak.

Wakkagagerak 13:10 ပူးပေါင်းရင်းမြစ်များ

Wakkagagerak 11:27

At Tera apuri wigannogogwaarak inendage yi o. At Tera nen apuri Abaram inom, Nakot inom, Karan inom, ndaganabeegerak. At Karan nogo nen apuluk Lot aret ndareegerak.

Wakkagagerak 13:11

At Lot nogo niyo Yoraran ndirok kobappaga time abok aret op mbareegi, miikkolage nagagerik, oonegen lagi wage menggim pa'nggwe nogome aret nagagerak. Ti eeko nogogwaarik, it Abaram Lot imbirak inalitak ogo logonet,

Wakkagagerak 13:9

ninalitak mogonak logowok nduk, kat nen keenggi kwaare'me nggwe nage keenok, an nen keenggi abeme nggwe nage, ndi, kat nen keenggi abeme nggwe nage keenok, an nen keenggi kwaare'me nggwe nage, eerigin me, kat mban miiru o.”

Wakkagagerak 14:2

it inendagembogut ineebe 5, ambi Mbera o Torom arum wonage, ambi Mbiritiya o Nggomora arum wonage, ambi Tiyinap o Arama arum wonage, ambi Tiyemebet o Teboyim arum wonage, ndi, ambi o Mbela, ti Towat aret me, arum wonage, eeko nogogwaarak nogo, inom wim namburiyak nduk wone mbaneegwaarak.

Wakkagagerak 14:8

Ti eerit nogo mbareegwa, it aap inendagembogut ineebe 5 nogo, ambi endagembogut Torom mendek, ambi endagembogut Nggomora mendek, ambi endagembogut Arama mendek, ambi endagembogut Teboyim mendek, ndi, ambi endagembogut Mbela, endage ambi Towat, nogo mendek, inawuri inom nen o Tirim kobappaga time kuwak eeppunuk, it inendagembogut 4, ambi it aakumi Elam mendek endagembogut Keroralawomet awuri inom, it aakumi Nggoyim mendek endagembogut Tireyan awuri inom, aakumi Tineyat mendek endagembogut Amarapen awuri inom, aakumi Elatat mendek endagembogut Ariyok awuri inom, inom wim nambuko nogogwaarak.

Wakkagagerak 3:6

Yoge mbareegi, at kwe nogo nen eyo ti pekkage nagagerik, abu obeelom aret mbareegi, “Anggen yugu ti, noorak op aret o. Ndi, nengge neenok, yi wone ndi wone abok aret neenu arigin,” mbake nagagerik, eyoonggen nogo aret mbanogo nenggegerak. Nengge nagagerik, ando aap nogo wogoge mbareegi, aret nenggegerak.

Wakkagagerak 47:6

o Metit yime ti, An nanggween aret me, mba'nuk, kogoba inom, koreewi inom, logorak ti, nggween obeelom ambi kenok kat nen aret kwaarogo piyet o. Ndi, o Nggoten logorak mbakwi iinok, time logorak togon op aret o. Ndi, kambin-ndomba liirogon ndegeninako menggaarak ambi inenggela'me time wonogwe iyo, an naanggumi ndegeninako logowak nduk, leenogo mippiyet o,” yoreegerak.

Wakkagagerak 6:2

Ndi, it Ala apuri nen it endekem mendek inapurilogwe komologwe amuni mbanak kigirikwe iinok, iniki nen uugwe mbako nagaatik, we ugun aret wogonako nogogwaarak.

1 Endagembogut 7:46

Aap endagembogut Talomo nen yi mendek ndi mendek, “Eeru,” yoreegerak nogo ti, o Tukot inom, Taratan inom, aru-ogwe nakkagak niyo Yoraran kobappaga time nen nggween nggabok paga yi mendek ndi mendek ogobakkigiriyak nogo, wakkagak eerogo punuk, mbuti tembaga amburu eerak nogo, wakkagak eerak me time kilirogo punuk ogobakkigireegerak.

Ayup 40:23

Niyo wu'nuk wage kenok, it inagabiti mbakwi, Yi inikime ndenen warak inambe a aago wonogwe kwe, Yi Yoraran kole wu'nuk wage logonet, Ndonggonninabigin o, yinuk, mbakwi, Eeka'lek nugut lek aret menggaarak o.

Ndawi 107:34

It o time wonogwe nen maluk mban eekwi iinok, Nggween mili lubunik nogo Mayu yumbunik iri'ngga wunggeelik kwak eerogo pege, Eereegerak.

Yetaya 15:5

O Mowap mendek eeppiyoorak paga inabuwa mbake agarik o. It mugogo wumbiigwi iigirak nogo nen kole o Towat arit nogwe, O Egelat-Telitiya arit nogwe, Ando nen leenggu maarit tu puut Lukit paga lagit nogwe, Ando nen, Mugogo wumbinanega o, yinuk, inoone nggwok paga le agan tu Koronayim paga nogwe, Eeko agaarik o.

Yetaya 51:3

Naliku ALA nen it Tiyon mendek iniki eyak wappiige, Ndi, o Tiyon yigirik-noonom eerogo pereegwaarak nogo abuwa mbake, Eeke logonet, O Tiyon karume wonage nogo o Eren kwak eerogo pege, Ndi, anggween mbuk nogo Naliku ALA neyabu yarak kwak eeppege, Eeke neenok, Nale'nggen-kale'nggen yogwe, Inale'nggen nen noone-koone yogwe, Ya-wa yogwe, ndawi nili-kili tiyanggwi, Eekwi iyaagun o.

Yeremiya 48:34

It inoone yogwe konenggwi ti, niyo Nimirim nage nogo porok yegerak kenok, Aakumi Ketibon inom, Eleyale inom, le yiyi-wowo yogwe nogo aakumi Yakat nen inaruk konenggwi, Aakumi Towat nen nok, Koronayim inom, Egelat-Telitiya inom, inaruk konenit nogwe, Eeko agaarik o.

Yetikiyen 16:46

At oweeluk aa'nduk ndarak aagalogwe komologwe inom o omarip paga pa'nggwe wonogwe nogo ti, o Tamariya aret. Ndi, awuluk aagalogwe komologwe inom o ame paga pa'nggwe wonogwe ti, o Torom aret o.

Yetikiyen 16:49

Awuluk o Torom nen maluk eeke nagagerak nogo yi aret. At aagalogwe inom ti, iniki wogoppatit nugwi, inambi-mbiingga ndonggorogon nunggwi, Nit mban, mbarit nugwi, eeko logonet, aap aaninggin inoba wonogwe inom, aap ineenggi lek inom, yeenggwaaraga'lek aret wonogogwaarak o.

Yetikiyen 28:13

An Ala neyabu eerak me o Eren time wonage me, yi yugum ndi yugum onggo nggwok enete kere'li-kere'lo aago Yugum yatipit maa'ngga kunik inom, kiritolit inom, yatipit kibu-kibu inom, pirut inom, kiritopat inom, Nepirit inom, laturit inom, yugum aakumi inamiya negen inom, yugum malakit inom, abok aret ti paga At obaanggi-obaangge aago wonage, Yugum kwippugu ko warak logorak ti, mbuti emas paga ogobakkigirik wonage, Eerak nogo ti, At eebe ogobakkigirogo pereegerak eyom ti paga aret pipuk eerogo pereegirak o.

Yetikiyen 31:8

Eyo nggabina an Ala neyabu me wonage nogo, eebe kole age, Eyo kilu-kilu eno'mbak mondok wiganogo pege, Eyo pit-pit engga ki wandu eerogo pege, Yi eyo ndi eyo an Ala neyabume abe amuni mbanak togon wonage, Eeke nogo ti, Eyo yi ndak-ndak ambi lek, eyo ti abu alik negen aret laganeegerak o.

Yetikiyen 31:9

Eyo ti, an nen abu abe lombok eerogo pege logonet, eno'mbak koorok-koorok nabenogo pereegirak me, Yi eyo ndi eyo an Ala neyabume o Eren yarak nogo nen, At ti kwak, nit aruwok lak, ao, yinuk, At paga ineebi mbako nogogwaarak,” yegerak o.

Yetikiyen 47:18

Ndi, oonegen lagi wage menggim pa'nggwe kuli puurak nogo ti, o Kawuran inom, o Ndamitik inom, oolo kagak kota Katat-Enom nen o Nggileyat inom, o Iterali inanggween paga inom, oolo kagak niyo Yoreran ndirok mugurok niyo Mayu Ale Menggim yenggenak nen nok, niyo yenggenak irip me o Tamat kuli pi noorak o. Oonegen lagi wage menggim pa'nggwe nggween kuli puurak nogo ti aret.

Yowen 2:3

It ti wogwe iigak, inaame nggwe yi mendek ndi mendek kani nenet nage, Inambokan kani omoonuk wunuk agan wage, Eerigin o. It inaame nggwe o nggween ti, o Eren kwak kogwe kwe, Wogo logonet, ambi mbo nagun lek, tigitogon lek eerogo pit woraagun me, Inambokan karu eerilek kwak aremenggerak kaagun o.

Pelaareegerak 34:3

ogu o ame pa'nggwe karume kuli inom, o kobappaga Yeriko o tini Nggabunggaame kuli nen o Towat kuli inom, nogo nikkage, eereegerak.