Wakkagagerak 12:7 - Ala Wone Peenok Peebi Mbanak

⁷ Wogo mbareegwa, at Aliku ALA nen Abaram owagam wage nagagerik, yoge logonet, “An nen o yi kat paga wiganak nen unde eeppunuk logowak nduk, wogorigin o,” yoge mbareegi, at Abaram nen, “Aliku ALA nowagam pe'neya wagaarak o,” yinuk, Aliku ALA ake warogo kani kunggo logorak yugum logonogo pereegerak.

Wakkagagerak 12:7 ပူးပေါင်းရင်းမြစ်များ

Wakkagagerak 12:8

Logonogo pege nagagerik, at Abaram nogo o nogome teppunuk, puut tiyak-tebek o Mbeten oonegen lagi wage menggim pa'nggwe nogome puk ari wage nagagerik, o Mbeten nogo oonegen kilu yi nage menggim pa'nggwe agi nikkagak, ndi, o Ayi oonegen lagi wage menggim pa'nggwe ogu wukkagak, oolo time ooliya wuppunuk logonet, yugum logonogo punuk, Aliku ALA ake pege logonet, at Aliku ALA endage kunogo alut eereegerak.

Wakkagagerak 13:15

Yoge nagagerik, “O yi taganak kat kenegen kagandak ti, abok aret kat inom, kat kapuri ndaganabemenggendak inom, unde eeppunuk, mondok-mondok logobagip nduk wokkiraagin o.”

Wakkagagerak 13:17

Togop me, O kat wokkirigin, yokkigirak kenegen kagandak ti, yogondak tigitogon aret wokkege me, irip agi-ogu, unggut aru-ogwe tigitogon kenegen yomboonit nak o.”

Wakkagagerak 13:18

Yoge mbareegi, at Abaram nogo, o nogome teppunuk, o Keboron eyo teno alome o Mamere koorok nogome ari woraanuk, Aliku ALA alut eeke logonet, ake warogo wogoge logowak nduk, yugum logonogo pereegerak.

Wakkagagerak 13:4

yugum logonogo pereegim nogome unggwi nogo nogogwaarik, time nen at Aliku ALA endage kunogo alut eereegerak.

Wakkagagerak 15:18

Ne ti eyom paga at Aliku ALA nen Abaram yoge logonet, “Nggween yi abok aret niyo Metit kuli nen, nok-nok niyo nggwok Eparat kuli ti, kat kapuri ndaganabemenggendak nogo wogoragi o.

Wakkagagerak 17:1

Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”

Wakkagagerak 17:3

Yoge mbareegi, Abaram nogo nen nggween paga enete wanduk wangge mbareegi, at Ala nen Abaram yoge logonet,

Wakkagagerak 17:8

Kat aap nggiru negen menggenom o Kanan nggwok yi abok aret, kat inom, kombowologwe wigannaremenggaarak nogo inom, mondok-mondok unde logomunggup nduk wokkiraagin o. Ndi, kombowologwe wigannaremenggaarak nogo inogoba Ala an mondok aret logogin o.”

Wakkagagerak 18:1

Ne ambi paga at Abarakam nogo o Mamere eyo teno alome taati o liingge mo andi ambik mbareegi, awooliyana tungga'nggi paga kwi'ndak wonage me, at Aliku ALA nen nikka wagagerak.

Wakkagagerak 22:9

Nogo nogogwaarik, Ala nen yoreegim nogome ari nanuk, at Abarakam nogo yugum abena ndoombege nagagerik, kani obaga punuk, aput Itak nogo eenggi keele, iyok keele, maarogo kani ndoonak nogo paga pereegerak.

Wakkagagerak 24:7

At an nawi alom paga nowe-nawot inenggela'me nen wo'niren o yime pani wage nagagerik, yo'nege logonet, Kat ndaganabemenggendak nogo nggween yi wogoraagin o, yinuk, abuk nggaruk togon yo'nereegerak me at Aliku Mbogut Unde Menggerak Ala nen an napuluk akwe time kwaarenok nduk, nage keegak, Ala yonggo malayikat ambi aa'nduk koonogo pege a nawak nduk, nappigin o.

Wakkagagerak 26:25

Yoge mbareegi, at Itak nen o taa'nogo at Aliku ALA ake warogo kani kunikit nduk, yugum logonogo punuk, ndomba warogo Aliku ALA endage kunogo tamban eereegerak. Ndi, o nogome inawooliya wuppatinuk wonogo logonet, at ayeloman mini nogo nen niyo nonggo logorak nduk, nggween ambi kabuneegwaarak.

Wakkagagerak 26:3

Nggween yi abok aret wokkirigin o, yinuk, kumbuk mbanogo kogoba Abarakam yoreegirak nogo a'me lik yuwak nduk, kat kapuri ndaganabemenggendak kinom wokkiraagin me, kat aap nggiru negen yime aret logot o. Wonage keegak, an nimbirak aret logonet, nale'nggen koba pagage logogin o.

Wakkagagerak 28:13

Nogo eekwi iigak, at Aliku ALA eebe ya'na wurik irip paga mi'ndak wonage logonet, “Naliku kogoba Abarakam ogoba Ala inom, Itak ogoba Ala inom, ti an mban aret o. An aret me, nggween kat keebe nogo yege me yi, kat inom, kat kapuri wigannaremenggaarak inom, unde eeppunuk logobagip nduk, wokkiraagin o.

Wakkagagerak 28:4

Ala nen Abarakam wogoreegim aap nggiru negen wonage menggenom o yi, yogondak kat unde eekkolaanok nduk, at Ala nen Abarakam ale'nggen oba pege nagagerak pogom kat kombowologwe kinom kinoba pinagage logogin o,” yinuk,

Wakkagagerak 32:30

Ale'nggen oba pege mbareegi, at Yakup nen, “An Ala nogo aret nimbirak ninetenggen lambunggoorak kwe, neebe noorulik teppanegerak me, o yi endage ti, Peniyet aret o,” yinuk, toonogo pereegerak.

Wakkagagerak 33:20

nogome aret Ala ake warogo kani kunggak yuwak nduk, yugum logonogo pege nagagerik, o endage, “Iterali Inogoba Ala Alik Omaawi Menggerak o,” yinuk, tooneegerak.

Wakkagagerak 35:12

Ndi, o yi, it Abarakam Itak imbirak wogoragagirak nogo aret kat kombowologwe kinom unde logomunggup nduk, wokkigi o,” yinuk,

Wakkagagerak 35:7

Time ari woraanuk, Ala ake warogo kani kunggak yuurak nduk, yugum logonogo punuk Ala alut eereegerak. O nogo ti, aa'nduk Yakup oweeluk nen wake kero, kole wage me, Ala imbirak lambuneegerak kenok, endage, “Ala Imbirak Lambuneegim Mbeten o,” yinuk, tooneegerak nogo aret.

Wakkagagerak 50:24

Eeke nagagerik, at Yutup nen owe-awot nogo yorage logonet, “An abu kambuurak ee'nake me, kambiminggirak neegak kit perak, Ala nen, Nggween wokkiraagin o, yinuk, Abarakam, Itak, Yakup wone abuk nggaruk togon yoragagim nogome o yime nen liirogon aret unde logomunggup nduk wokkiren pinagi nagin o.”

Wakkagagerak 8:20

Abu aret wundi nogo nogogwaarik, at Nu nogo nen at Aliku ALA alut eerikit nduk yugum ndoonogo pege nagagerik, yi mendek ndi mendek op nonggo logorak mendek tapi, ndomba, kambin, towe, anebunu lombok abok aret ambitak nggigik agago Aliku ALA ake warogo kani kuneegerak.

2 Tamuwen 24:25

Kungge nagagerik, at Aliku ALA ake warogo wogogo logowam ogobakkigippege nagagerik, Ala ake warogo kani kungge, inom lambunik logowak nduk, ake warogo wogoge, eeke nagagerik, aakumi nogome inake Aliku ALA yoge mbareegi, andi aakumi Iterali inoba piige nogo lek aret agagerak. 1

1 Endagembogut 18:32

at Aliku ALA endage kumbunuk, ake warogo wogogak ogobakkigippege nagagerik, niyo 15 liter kiliriyak ndak-ndak, ambo'me-enaame time pu mbanogo pege,

2 Mbinineegwaarak 20:11

Teppiyareegwaarak onggo negen nineyate kwak ninanggween unde eeppatinuk logorak wo'niragaginom yime nen mugogo wumbinaniyak eekwi yi, niyet o.

2 Mbinineegwaarak 20:7

Ninogoba Ala o. It kapuri Iterali inaame kaa'nduk a'nuk it aap inawi yime menggaarak nogo mugogo wumbiinok, o yi, kat kore Abarakam ombowologwe wiganak nen mondok-mondok unde logowak nduk, eeppiyareegindak nogo lek a?

Etara 3:2

Kuwak ari wogo nogogwaarik, aap Yotarak aput Yetuwa oreewi aap Ala unde inom, Teyalitiyen aput Terubaben oreewi inom, abok nen, eeko logorak wone yugu aap Ala wone liirogon eeka Muta nen liiru mbaneegerak nogo ndak-ndak, Iterali inogoba Ala ake warogo kani kunggo logowok nduk, kani kunggak ogobakkigireegwaarak.

Wundeegwaarak 17:15

Yoge mbareegi, at Muta nen, “Aliku ALA wone lenggenogo yorage menggim ndak-ndak nineenggi nippunuk, wonogwe niigak, yeenggwa niragaarak me, ake warogo kani kunggak eeruwok nduk, yugum logonogo punuk, endage ti, Nineegin Tiyak Yigi o, yinuk, ndiimbu yirik nogo mengga kwak at Aliku ALA aret o,” yinuk, toongge nagagerik, “Aliku ALA nen aap Amalek mendek nda'narit nogwe nogo inom mondok-mondok wim mbanak logogin o,” yinuk, yereegerak.

Wundeegwaarak 24:4

Yogo mbareegwa, at Muta nen Aliku ALA yoreegerak nogo tigitogon aret liiru mbaneegerak. Liiru mbangge nagagerik, ko'lu kuubondendok eenik a'nuk puut abu'me taa'nogo aret Ala ake warogo kani kunggak yuwak nduk, yugum logonogo pege, ndi, it Iterali inanebunu 12 nogo ndak-ndak yugum 12 kuli aret mippege, eerogo pereegerak.

Wundeegwaarak 32:13

It kayeloman mini Abarakam inom, Itak inom, Yakup inom, kat kendage kumbatinuk, yorage logonet, Kinombowologwe laaluguragan mbogut paga ambik wonage ti kwak wokkirage, ndi, nggween ti nogo kinombowologwe mondok-mondok unde eeppunuk, logowak nduk, wogorage, eerigin o, yinuk, wone abuk nggaruk togon yoragagindak nogo aberu o.”

Wundeegwaarak 33:1

Ti'nuk, at Aliku ALA nen Muta yoge logonet, “An nen Abarakam inom, Itak inom, Yakup inom, yorage logonet, Kinombowologwe inanggween wogoraagin o, yinuk, kumbuk mbanogo noone abuk nggaruk togon yoragagim nogome nabagip nduk, kat inom, it aakumi o Metit nen wogoren wundi wagagindak nogo inom, o yime mbo punuk time aret nanip o.

Wundeegwaarak 6:3

It o Kanan time nggiru negen wonogwe iigak, an nen it yorage logonet, O yi nogo, kit unde logomunggup nduk, wokkiraagin o, yinuk, noone abuk nggaruk togon yoragagirak me,

Wundeegwaarak 6:4

it aakumi Metit mendek nen Iterali mendek inayeloman eeppiirogo wonogwe iinok, Yi eeppinanugwi ao, yinuk, ineebi-ineeba yogwe nogo, konengge nagarik, an noone mondok nggaruk togon yoragagirak nogo abekirak o.

Yeremiya 3:18

Ne ti eyom paga it Yekura paga wiganak nogo, Iterali paga wiganak inom lambunna'nuk, o omarip paga pa'nggwe wonogo menggam nen ambugwi aret neyate kwak inombomini nggween tumburogo piyareegim nogome iniyokan woraagun o,” yinuk, yegerak me, yokkiragi o.

Linggineegwaarak 26:53

“Aakumi Iterali inanebunu lombok ineebe lingginogo inendage liiru mbanak mugurok yate kwak nggween ti, tumburiraamunggun o.

Nappiigak 7:5

Nappi wagagerak wonage me, at Ala nen Abarakam unde logowak nduk nggween ambi mbanege, we mbuuriluk mbanak ambi kolaawak nduk wogoge, eerulik aret kwe, at apurilogwe abu lek iigak, yoge logonet, Nggween yi, kat inom, kat paga wiganak inom, unde logomunggup o, yinuk, wone abuk nggaruk togon yoreegerak.

Oroma 9:8

Ala nen at Abarakam nogo yoge logonet, “Tahun ambi eeppunuk, keya woraagin, yagarak nogo ndak-ndak ari wage kenok, woraagin aret me, at Tara aagaluk aap aret ndarigin o,” yinuk, yoreegerak me, wone ti yoreegerak nogo paga Ala apuri nogo ti, Abarakam abe ombowologwe lek o. Ata, Abarakam abok yoreegerak nogo paga ndarak kenok mban, “Abarakam abe ombowologwe aret o,” yinuk, yoreegerak kogo o.

Nggalatiya 3:16

at Abarakam ombowologwe inom peebi eeriyak wone Ala nen Abarakam yoge logonet, ombowologwe ineebe ambik kenok, “Kombowologwe o,” yinuk, ti yoroolik. Ata, eebe ambit Keritut aret me, “Kombooluk o,” yoreegerak.

Nggalatiya 4:28

Ndi, noreewi o. Kwe Tara nen wone yugu abet mbareegerak paga Itak ndareegerak nogo kokwak, nit togon Ala wone yo'nirage abet mbakwi paga at apuri aret nda'ninake menggerak o.

Pelaareegerak 1:8

Nggween kamonggotak nogo abok aret Naliku an ALA nen kinombomini Abarakam inom, Itak inom, Yakup inom, inapuri-inombowologwe ndaganabit namenggaarak inom, Wokkiraagin o, yinuk, wone kumbuk mbanogo yoragagirak nogo, kit muk wokkiragagirak me, time aret unggwi nogo logomonggotik, unde arumunggup, yo'niragagerak nogo o,” yinuk, Iterali yoragagerak.

Pelaareegerak 30:20

Miikkologo logomonggotik, at Aliku kinogoba Ala kiniki kunik eekwi, oone ari nogo kinaruk konenggwi, at paga mban kiniki panggonak wonogwe, eerumonggotak paga at Aliku ALA nen kit kinombomini Abarakam, Itak, Yakup, inom wone abuk nggaruk togon kumbuk mbanogo, Kinanggween wokkiraagin o, yinuk, yoragagim nogome wonogo logonet, kineenik mondok li a'nuk kanggo logomunggup o,” yinuk, yoragagerak.

Pelaareegerak 34:4

Eeke nagagerik, at Aliku ALA nen Muta yoge logonet, “O kenegen nakkagandak ti, an nen Abarakam, Itak, Yakup, yorage logonet, Kinapuri-kinombowologwe o ambi wogorage logogin o, yinuk, abuk nggaruk togon kumbuk mbanogo yoragagirak nogo ti aret me, kat kenegen kaanok nduk, nikkeegirak kwe, kat perak, o time unggwi namunggun lek o,” yoreegerak.

Pelaareegerak 6:10

Yorage nagagerik, ambi yorage logonet, “At Aliku kinogoba Ala nen kinombomini Abarakam inom, Itak inom, Yakup inom, O nggween wokkiraagin o, yinuk, wone abuk nggaruk togon yoragagim nogome o kota-kota nggwok ambik lombok wurik wonage me, kit nen ambi wukwi,

Pelaareegerak 9:5

Kit nen obeelom eekwi, kiniki abu koonak wonogwe, eeko logomonggotak paga aakumi inanggween time unde arumunggup nduk, unggwi namunggup lek o. Ata, at Aliku kinogoba Ala nen wone abuk nggaruk togon kumbuk mbanogo kinombomini Abarakam inom, Itak inom, Yakup inom, yoragagerak nogo a'me lik yuwak nduk, eeke logonet, It aakumi inanebunu abok maluk lombok eekwi me, yinuk, at aa'nduk a'nuk mugogo wumbiyaagin o.

Iberani 11:13

It aap ti abok aret, “Wokkiraagin o,” yoragagerak wone nogo, agalu'mok negen o nda taati wage inigen nakkogo nogogwaarik, “Nogo yi aret ee'ninabi wage kogo o,” yinuk, iniki ale'nggen mbako logonet, “Nit aap o nggween paga yime ninaworak wonogwe lek o. Aap nggiru negen aret ogoorik o,” yinuk, wone yugu eebe liirogon woolik kwe, “Abet aret wo'niraagin o,” yinuk, iniki abet mbareegwaarak ti paga, eebe waganeegwaarak negen aret logonet, kambit nogo nogogwaarak.

Iberani 11:8

Ndi, at Abarakam kunduk, Ala nen, “Eyate kwak nggween ambi kat unde logonok nduk, wokkirigin me, nak o,” yoge mbareegi, o ti, eenggo'lek kwe kagak, “Abet aret wo'nirigin,” mba'nuk, nagagerak.

Yotuwa 1:6

Kinombomini nggween wogoroorak wone abuk nggaruk togon kumbuk mbanogo yoragagirak nogome aret ineyate kwak unde a'nuk logowak nduk, kat nen aakumi Iterali yi, wogoren wunda namunggun me, kat kogogumbuk kiniki mondok nu'lek eeppatinuk, logot o.

Yotuwa 22:10

nggween Kanan paga o Nggileyat niyo Yoraran aa'nggi paga ari nanuk, it Uruben mendek inom, Nggat mendek inom, inanebunu Manate mendek ando mogonak nogo inom, warogo wogogak niyo Yoraran aa'nggi paga nogome iya lombok ogobakkigireegwaarak.

Yotuwa 8:30

Eeko logorak wone at Aliku ALA nen Muta yoreegerak liiru mbanak nogo paga Aliku ALA ayeloman Muta nen aakumi Iterali yoragagerak nogo ndak-ndak, at Yotuwa nen puut Eban paga at Aliku aakumi Iterali inogoba Ala ake warogo kani kunggak ogobakkigike logonet, mbuti tege paga yugum poorak lek yugum tumbu paga mban ogobakkigirogo punuk, nogo paga at Aliku ALA ake warogo kani kunggwi, Ala inom lambunik logowak nduk, ake pugwi, eereegwaarak.

Owak Loongga 6:24

Yoge mbareegi, at Nggireyon nogo nen o taa'nogo Aliku ALA abekak yogo logowak nduk, yugum logonogo pege nagagerik, yugum ti endage, “Niniki Tayenogo Pinanega Ti, Aliku ALA aret o,” yinuk, toonogo pereegerak. Ndi, yugum logoneegerak nogo ti, it aap Abiyetet mendek iname o Opara time yogondak kunduk wonage aret o.

1 Tamuwen 7:17

o Arama ti, at ame aret me, iyokan wage nagaatik, time logonet, aakumi Iterali inowak loongge nagagerak. Ndi, time logonet, at Aliku ALA ake warogo kani kunggo logowam ogobakkigirogo pereegerak.