Wakkagagerak 12:2 - Ala Wone Peenok Peebi Mbanak

² Time namenggendak me, Nale'nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

Wakkagagerak 12:2 ပူးပေါင်းရင်းမြစ်များ

Wakkagagerak 13:16

Yoge nagagerik, “Mbini kale'ngga lingginiyak op nen lingginogo kapuri ndaganaburak ti, ndak-ndak wokkirigin, yokkiriyak kwe, lingginiyak meek me, Mbini kale'ngga lingginiyak meek ti kokwak aret wokkirigin o, yinuk, yokkigi o.

Wakkagagerak 15:5

Yo'nuk, at Abaram wonok endekem wundi nage nagagerik, yoge logonet, “Yogondak kat kena mbogut paga ni'nage logomenggendik, laaluguragan mbogut paga wonage ti, keenggi lingginiyak wakket o. Laaluguragan lingginiyak meek ti kwak, kat ndaremenggendak paga togop aret wigak yugun o,” yoreegerak.

Wakkagagerak 17:20

Ndi, at Itamayen nogo perak, kat eeriyak yagandak nogo ti, muk naruk konenggirak me, at togon an mbo pigin lek o. Nale'nggen at oba pege logonet, ombowologwe nggwok aret wiganogo piige, aap inendagembogut ineebe 12 aret ndaganake, at anebunu nggwok aret wiganogo pege, eerigin kwe,

Wakkagagerak 19:29

At Ala nen o kobappaga tini Torom Nggomora imbirak pup eerogo inooreegerak nogo ti, o tini mbere Lot wonagagim nogo nippegak-wuppegak eeke logonet, wone Abarakam yoreegerak nogo abeke nagagerik, at Lot inom warukwak nduk, nggiginogo wumbereegerak.

Wakkagagerak 24:1

At Abarakam nogo abu anggok a'nuk, nda'nagagim kuli ari nage mbareegi, at Aliku ALA nen ale'nggen oba pege kagak, yi eekak ndi eekak eerit nage nogo op mban eeke nagagerak.

Wakkagagerak 24:35

At Aliku ALA nen nogoba Abarakam ale'nggen oba pege logonet, aanggumi tapi-ndomba inom, keledai-unta inom, mbuti wu perak-emas inom, ayeloman mini kumi-aap inom, alik negen ngginu-ngginu eerogo wogoreegerak paga aap nggwok eenggi warak aret agagerak wonage o.”

Wakkagagerak 25:11

Ndi, at Abarakam nogo kangge mbareegi, apuluk Itak nogo niyo nggween kabunik me endage, At Itok Menggerak Nen Enegen Liippaneegim, tooneegwam nogome aret wonage me, at Ala nen ale'nggen oba pege nagagerak.

Wakkagagerak 26:3

Nggween yi abok aret wokkirigin o, yinuk, kumbuk mbanogo kogoba Abarakam yoreegirak nogo a'me lik yuwak nduk, kat kapuri ndaganabemenggendak kinom wokkiraagin me, kat aap nggiru negen yime aret logot o. Wonage keegak, an nimbirak aret logonet, nale'nggen koba pagage logogin o.

Wakkagagerak 26:4

An nen kat kapuri-kombowologwe ti, laaluguragan mbogut paga ambik wonage ti pogom, ambik agago wokkege, ndi, o yime taganak abok aret it unde eeppunuk logowak nduk, wogorage, eerigin o. At Abarakam nogo nen an wone ari minggirak inom, Yogop ee'nu ndogop ee'nu, wone yugu inom, wone lengganak inom, Yogop eeriyak ndogop eeriyak mage wone yugu inom, mondok liippunuk, yanggonak mban eeke nagagerak me, kit ndak-ndak eekwi paga it yi aakumi ndi aakumi o nggween paga yime menggaarak abok aret inale'nggen mbako logogun o,” yoreegerak.

Wakkagagerak 27:29

Ndi, yi aakumi ndi aakumi inanebunu lombok abok aret kayeloman ogwe, Yi aap ndi aap nen kat kabu'me mban tebe yinuk, kayuk wukwi, Kowe-kawot inenggela'me inowe aret mi'nage, Ndi, kagalo iriwi nen kat kabu'me mban tebe yogwe, Eekwi iigak, It aakumi nen kat pulunogo pagagwi iinok, it kunduk pulunik aret ogwe, Ndi, it aakumi nen inale'nggen koba pagagwi iinok, it togon inale'nggen inoba aret wonogwe, Eeke logogin o,” yinuk, yoreegerak.

Wakkagagerak 28:14

Kat kapuri ndappiyamenggendak kinom nggween ameneno ambik lombok ti ndak-ndak wigannarit nogo logonet, o aru-ogwe, agi-ogu time abok aret ndak wa'narit nogwe kiigak, yi aakumi ndi aakumi o nggween paga wonogwe yi abok aret kat inom, kapuri wigannaremenggaarak inom, it nogo paga inale'nggen kogo logogun o.

Wakkagagerak 35:11

ti'nuk, ne ambi paga Ala nen at yoge logonet, “Omaawi Lombok Menggerak Ala an aret me, kapuri-kombowologwe ambik wigak yuwak nduk, ndaganabit nage logomunggun o. Kat paga nen kanebunu nggwok aret wiganogo piyamenggendak paga nen yi aakumi ndi aakumi inanebunu alik mendek ambik aret wigannarugun o. Kat keebe ambit paga nen mban yi aap ndi aap inendagembogut aret arugun o.

Wakkagagerak 46:3

Yoge mbareegi, Ala nen, “Kat kogoba ogoba Ala nogo an aret o. Kat o Metit namenggendak time keegak, kapuri wokkiriminggirak paga kanebunu nggwok aret wiganugun me, kat nen o Metit noorak kagabiti mbarugun o.

2 Tamuwen 7:9

Pege nagagirik, at nggeeme noorak iniki koombunuk nage kenok, an nimbirak aret nage, an naa'nduk a'nuk awim mendek inoorogo piige, eeke nagagirik, yogondak it aakumi nggween paga inendage warak mengga kwak, at endage warak togop aret eerogo pigin o.

1 Endagembogut 1:47

Ndi, aap endagembogut Ndawut inom yabu eeko menggaarak nogo, ninowe endagembogut Ndawut owagam nogo nagaarik, Ninogoba wa! yinuk, keyage wappogo logonet, at yogwi, Kogoba Ala nen kendagembogut tiyappagage logonet, kat wone lengganogo yorage menggenom nggwok aret eerogo pagage nagagerak kwe, mbuuluk negen o. Ndi, at kaput Talomo perak, endage tiyappege logonet, at wone lengganogo yorage logowam abu nggwok lombok eerogo pege logogin o. Yogo mbaka, aap endagembogut Ndawut nogo, nogo yege menggim nen ena wanduk yinuk, Ala alut eeke logonet,

Ayup 35:8

Lek aret me, kat maluk eerit nage nogo ti, It aap kat kokwak mban maluk eeppiige, Ndi, kat abe koonak mban eerit nage nogo ti, Aakumi inapuri aret obeelom eeppiinet nage, Eeke menggendak o.

Ndawi 107:38

Eekwi iigak, at ale'nggen inoba piige, Ineebe ambik wiganogo piige, Inaanggumi kunduk lek aga'lek ambik eerogo piige, Eereegerak.

Wundeegwaarak 32:10

kat paga nen kanebunu nggwok ariyak nduk kat kalik teppagage logonet, nanini nen it apit aret lek eerogo piyoorak mbakirak me, kat nen non mbanogo paniyak mage o.”

Yetaya 51:2

Kinombo Abarakam inom, ndakkinabeegerak kwe Tara inom, pegiigwi, Eeko logonip o. At Abarakam alik wonage me wiige, nale'nggen oba pege, At ombowologwe ambik aret wiganogo piige, Eereegirak kwe,

Yetikiyen 34:26

It ineebe paga inom, nabuut enaagan-ambokan it wonogo menggam nogo paga inom, nale'nggen eerogo piige logonet, o mayu wage menggim age paga mayu wuppi woraminggirak wage logonet, yi mendek ndi mendek obeelom eerogo pit wage kenok, inale'nggen mbako logogun o.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Takariya 8:13

It Yekura mendek inom, Iterali mendek inom, yi aakumi ndi aakumi inenggela'me wonogwe iigak pulunogo piigo nogogwaarak kwe, yogondak perak, inagap ndarogo piyaminggirak nugwi iigak, aakumi inale'nggen inoba piigo logogun me, inagabiti mbaka'lek ineenggi omaawi paga eerit nogo logowak o,” yinuk, yo'nege,

Linggineegwaarak 14:12

Togop me, it aakumi yi, inomaawi nggwok ineebe ambik aret kwe, andi inoba piyaminggirak paga inenggaawak lek ogwe iigak, kat perak, komaawi nggwok lombok age, kanebunu ambik lombok wigak ari, eeruwak nduk, teppagagin o,” yinuk, yoreegerak.

Linggineegwaarak 22:12

Yoge mbareegi, at Ala nen Mbileyam yoge logonet, “It aakumi wagaarak wonogwe ti, an nale'nggen muk inoba piigirak wonage me, kinom nage logomenggendik, pulunogo piya noorak mondok mage o,” yinuk, yoreegerak.

Linggineegwaarak 23:20

Ala nen, An nale'nggen aakumi inoba piyet o, yo'nege kenok, inoba piige, Ndi, inoba piige nogo an nen lek eerogo piige, Eeriyak meek o.

Oroma 4:11

Ndi, at abet mbareegerak paga Ala nen abet aret, “Kat obeelom aret keegi o,” yinuk, yoreegerak nogo aakumi ineenu aruwak nduk, inagabolo mbaniyak wone yoreegerak ti, agabolo awo mbangga'lek kagak aret yoreegerak. Togop aret me, inagabolo mbangga'lek kagak, Ala abet mbakwi paga, at Ala nen, “Kit obeelom aret kiigi o,” yinuk, yorage nogo ti, it inombo Abarakam aret o.

Nggalatiya 3:14

Ti eereegerak nogo ti, nit abok aret niniki abet mbakwi paga Ala nen “Aberiniki wokkiraagin o,” yinuk, abok yo'niragagerak nogo, waawok nduk, Ala nen, “Nale'nggen koba pagagin o,” yinuk, Abarakam yoreegerak nogo ti, Keritut Yetut eeremenggerak paga it aakumi endekem konenggulik mendek ninom niniki ale'nggen mbaruwok nduk, eereegerak kogo o.

Nggalatiya 3:7

Liiru mbanak ti ndak-ndak, it aakumi abet mbakwi nogo mban Abarakam ombowologwe wonogo menggaarak kogo o.

Pelaareegerak 26:5

Pi nage kenok, kit nen at Aliku kinogoba Ala enggaanom paga wone yogop aret yumunggup o. O maan togon it aakumi Aram mendek ninogoba ambi yaluk-ndaluk agan nege nagagerik, apuri we mbuuluk mban inom o Metit ari nanuk, aap nggiru negen wonogo logonet, inanebunu nggwok lombok wigak yogo nogogwaarik, inomaawi ambik ineebe ambik lombok ogogwaarak.