Wakkagagerak 12:18 - Ala Wone Peenok Peebi Mbanak

^18-19 Nappi wagagerak andi eeginabit nage mbareegi, at aap endagembogut nogo nen Abaram wiireegerak wage mbareegi, yoge logonet, “Kat nen, Nakweeluk, yagambok, Nawuluk, yagandak paga, An kolaakit, mba'nuk, name pi wagarak me, kat nonggop nduk, An nakwe aret o, yuulik eekendak ti paga an maluk eeppanegendak o. Kat kakwe aret me, ko'nok nak o.”

Wakkagagerak 12:18 ပူးပေါင်းရင်းမြစ်များ

Wakkagagerak 20:3

Wogori wogogwaarak wonage me, ne ambi paga at Abimelek nogo yege me, abi paga Ala nen yoge logonet, “Kwe ti, aap akwe kagak aret waganggendak me, kambumunggun o,” yoreegerak.

Wakkagagerak 29:25

Nogo yinuk, ko'lu kuubondendok at Yakup nogo enegen pekkage nagagerik, Leya nogo aret mbareegi, Laban yori nage logonet, “Nami wae. Kat nonggop eeppanegendak o? Kapuluk Araken kolaakit nduk, kake yabu eeppagage nagagirak nogo lek a? Eeke nagagirak nogo kwe, nonggop nduk an nambo'me laganggendak?”

Wakkagagerak 3:13

Yoge mbareegi, at Aliku Ala nen kwe nogo yoge, “Kat nonggop nduk togop eekendak?” Yoge mbareegi, at kwe nogo nen, “At waalo nen nambokan laganogo yo'nege mbaki, mbanogo ninggirak o,” yoreegerak.

Wakkagagerak 31:26

Wuppogo nogogwaarik, at Laban nen Yakup yoge logonet, “Kat nambokan lagangge logonet, an napurilogwe wim kugun negen wogoren wagandak yi, nonggop nduk eekendak?

Wakkagagerak 4:10

Yoge mbareegi, at Aliku ALA nen, “Kat kawuluk nonggop eekendak me, amiya nggween paga nen oone yo'nege agaarik?”

Wakkagagerak 44:15

at Yutup nen yorage logonet, “Wologwe! Kit eekotak yi, nonggop nduk togop eekotak? Aap nggwok an kokwak nen, yi mendek ndi mendek kumaakaatak kenok, tili pagangge logonet, ineenu ageelik nduk eekotak?”

2 Tamuwen 3:24

at Yowap yogo mbareegwa, Yowap nogo Ndawut wonage me wage nagagerik, yoge logonet, “Nogoba. At Abenet nogo, kat kowagam wage mbaki, nonggop eekendak? Kat nonggop nduk, warulik nappegendak?

Wundeegwaarak 32:21

Wogorage nagagerik, Muta nen Karun mberege logonet, “It aakumi yi nen nano eeppagagwi iinok, it maluk nggwok lombok eeruwak nduk, E, yagandak?”

Kini Wuppiige 21:1

Aap endagembogut iniki nogo ti, Aliku ALA eenggi paga wonage me, “Niyo time aret nage logowak o,” yinuk, koonogo pegetak nage menggi kwak, “Aap endagembogut iniki ndogop koonuwak o,” yinuk, eeppege menggerak.

Yotuwa 7:19

Oba age mbareegi, at Yotuwa nen at Akan nogo yoge logonet, “Kat eekendak nogo kumaapporogo logorak ti abu mage o. Ata, at Aliku Iterali inogoba Ala enggaanom paga ayuk wuke logonet, kat eekendak nogo paganogo yo'niru o, naput.”

Owak Loongga 2:2

it aakumi o yime wonogwe nogo kinom lambunna'nuk, wone koonogo puurak lek o. Ata, kit nen inagugi aanggo warogo wogogo menggam ogobakkigirik yinik-minik eerogo pinip o, yokkiragagirak kwe, kit nen an yokkiragagirak nogo taganogo punuk eerit nogwe ti, nonggop nduk, eeko ogotik?

1 Tamuwen 14:43

Kin eeppege mbareegi, Tawun nen Yonatan yoge, “Kat nano eekendak? yo'niru o.” Yoge mbareegi, at Yonatan nen ari logonet, “An nen nowaanggun irip paga nggiin amburu ndanunogo pege nagarik, amburu we mbuuluk piit eerogo ninggirak kwe, an kambuurak op aret o.”