Wakkagagerak 12:15 - Ala Wone Peenok Peebi Mbanak

¹⁵ Ndi, at aap endagembogut Metit mendek inom yabu eeko menggaarak nogo nen kwe Tarayi nogo amuni mbanak kigirikwe inigen kogo nogogwaarik, “Kwe kigirikwe yogop kogoorak o,” yinuk, aap inowe endagembogut nogo yori nogo mbareegwa, “Wa nanip o,” yorage mbareegi, kwe nogo wonok at awi o nggwok abe wurik me pi nogogwaarak.

Wakkagagerak 12:15 ပူးပေါင်းရင်းမြစ်များ

Wakkagagerak 12:14

Wone ti nogo abu mbambunuk, o Metit unggwi nogo mbareegwa, it aakumi Metit mendek nen kwe Tarayi nogo abu amuni mbanak kigirikwe lombok kogogwaarak.

Wakkagagerak 20:2

O Nggerat nogome wonage logonet, at Abarakam nen akwe Tara abok mbangge logonet, “Kwe yi an nawuluk o,” yereegerak me, at aap o Nggerat endagembogut Abimelek nogo nen konembunuk, “Kwe Tara ti, wo'niri wa'nip o,” yorage mbareegi, kwe nogo wogori wogogwaarak.

Wakkagagerak 26:7

Time wonage me, it aap o Nggerat mendek nen at Itak yogo logonet, “Kwe kimbirak wagandak ti ta o?” Yogo mbareegwa, akwe Iribaka nogo abu obeelom kigirikwe lombok me, “Eebe ndinggo logonet, an nookwi iyo,” mba'nuk, agabiti nen, “An nakwe o,” yuulik, ata, “Yi nawuluk o,” yoragagerak o.

Wakkagagerak 40:2

aap endagembogut Pirawun nogo awuri at ame yabu eeko menggaarak amburu tooka inowe nogo inom, oroti woraka inowe nogo inom, imbirak eereegwaarak paga anini ambik age nagagerik,

Wakkagagerak 41:1

Tahun mbere abu eeppunuk, at Pirawun abi kage logonet, at eebe niyo Nin aa'nggi paga mi'ndak wonage me,

1 Endagembogut 3:1

Ti'nuk, at Talomo nogo aap endagembogut Metit mendek Pirawun apuluk kolaga waganeegerak paga, imbirak kunggolage nagagerik, Pirawun apuluk nogo wonok Ndawut Agota nogome pi wagagerak time wonage kagak, at awi o nggwok abe inom, Aliku ALA awi inom, yugum pak o Yerutalem yendok-wandok inom, abu aret wurogo pereegerak.

2 Endagembogut 18:21

It Metit mendek nen yeenggwa nirugun o, yinuk, iniki it paga panggombunuk wonage kagarak kwe, piinde waanggun luk nogwe me, nggoguk togon ineenggi alok nonggok ari menggi kwak, aap Metit mendek inowe endagembogut Pirawun ti kokwak kagak, yi aakumi ndi aakumi at oba panggonak wonogwe iinok, togop aret arugun o.

Ndawi 105:4

At Aliku ALA mban mugurok nogwe, At omaawi eeppinagawak nduk nggino yogwi, Ko'lu-kii'me enggaawak koorak nduk owagam unggwogwe, Eeko logonip o.

Wundeegwaarak 2:15

Ti eereegerak nogo Pirawun konengge nagagerik, Muta warikit nduk, eeke kagak, Muta nogo kole mbaganit o Miriyan wage nagagerik, niyo tooko menggam nggween kabunik ambet paga time kwi'nagagerak.

Wundeegwaarak 2:5

Mi'ndak wonage kagak, Pirawun apuluk kolaga ngguu'mo warikit nduk, niyo Nin aa'nggi paga nage nagagerik, ayeloman mini at ndegengga nogo niyo aa'nggi paga ugun nugwi iigak, kolaga nogo muun yarak mbereewa'na pugu enegen kage nagagerik, at ayeloman kolaga ambi, “Wa nak o,” yoreegerak wonok wage mbareegi,

Kini Wuppiige 29:12

Aap aakumi inarum menggerak nen inoone pilit agan nugwi nogo liippege kenok, awuri inom eeko menggaarak abok aret ineraambe maluk ogo menggaarak.

Kini Wuppiige 6:29

Aap ambi aap alik ambi akwe imbirak nogo yege ti, Ti ndak-ndak aret o. Aap ambi nen aap alik akwe nogo pigagangge kenok, At aaninggin oba arigin lek ti lek, oba arigin aret o.

Yeremiya 25:19

Ndi, amburu nawak nduk toolak wogorage kagarak ti, it Metit mendek inowe endagembogut Pirawun inom, ayeloman mini ake eeka inom, awuri inom eeka inom, at apuri aakumi Metit mendek abok aret inom,

Yeremiya 46:17

Iname nanuk wonogo logonet, It Metit mendek inowe endagembogut Pirawun ti, Op eeppinaniyak nanonggwan kagak we oone mban agan nega at aret, yogo logogun,” yegerak o.

Yetikiyen 32:2

“Aakumi nen ndarak yi wae. It Metit mendek inowe endagembogut Pirawun eeppuurak nogo paga aleendawi tiyangge logonet, yoriyak nogo yi aret. At yi aakumi ndi aakumi inenggela'me singa kwak wonage agaarik o. At niyo laut inikime waalo kole anini warak logonet, at wonage menggim niyo nage nogo inikime lagak-mbagak ari, Iyok paga niyo kilaarogo nippit wage, Niyo nggut eerogo pit wage, Eeke menggi kwak eeke agaarik o,” yinuk, yegerak o.

Iberani 13:4

It aap kumi kundugume wurinabit nugwi, komologwe tawe ugun wurinabit nugwi, eekwi iinok, Ala nen inowak loonogo maluk onggo wogoraagin me, aap ambi akwe koloorak nduk, lambumbiigwi nogo ti, abu obeelom aret me, tiyappuurak aret o. Ndi, kolage logomenggerik, imbirak nogo yuurak ti kunduk, abu obeelom mban aret me, nogo yugu menggam maluk age kero, arum liirogon logowak o.