Wakkagagerak 12:1 - Ala Wone Peenok Peebi Mbanak

¹ O Karan nogome aret wonogwe me, at Aliku ALA nen Abaram yoge logonet, “Kanggween inom, kowe-kawot inom, koreewi kinagunu ambi'me kinom menggendak inom, mondok teppiige logomenggendik, an nen o kat logowam ambi titikkege neenok, time aret nanu o.

Wakkagagerak 12:1 ပူးပေါင်းရင်းမြစ်များ

Wakkagagerak 15:7

Mbake nagagerik, wone ambinom yoge logonet, “Kat o yime wokkiriminggirak unde logonok nduk, aakumi Katirim iname yaga'lelo Ut nen wokkeren wundi wagagirak kogoba Naliku ALA nogo an aret o.”

Wakkagagerak 20:13

At Ala nen, Kat kogoba inom menggaarak abok aret teppiige logomenggendik, aakumi inenggela'me time yaye mbanggak ndaye mbanggak nege logot o, yo'nege mbareegi, an nen nakwe yoge logonet, Kat nen an nabuwa mbake keenok, nit yi awi ndi awi unggwit nogo logonet, Aap yi noweeluk aret, yorage logorak o, yinuk, yoreegirak me, yogoorak o,” yoreegerak.

Wakkagagerak 24:38

Ata, an nogoba owe-awot wonogwe me time nage logomenggendik, inapurilogwe time mendek komologwe ambi wonogwe iyo, naput ake wogoriyak kwaari nanok nduk, kumbuk mbanu o. Yo'nege mbaki, kumbuk mbangge nagarik,

Wakkagagerak 24:7

At an nawi alom paga nowe-nawot inenggela'me nen wo'niren o yime pani wage nagagerik, yo'nege logonet, Kat ndaganabemenggendak nogo nggween yi wogoraagin o, yinuk, abuk nggaruk togon yo'nereegerak me at Aliku Mbogut Unde Menggerak Ala nen an napuluk akwe time kwaarenok nduk, nage keegak, Ala yonggo malayikat ambi aa'nduk koonogo pege a nawak nduk, nappigin o.

Wakkagagerak 26:2

Nage nagagerik, o Metit naakit nduk eeke me, at Aliku ALA nen Itak owagam wage nagagerik, yoge logonet, “O Metit time nagun o. Ata, an nen o logorak yokkege neenok, time aret logomunggun o.

Nekemiya 9:7

Kat Kaliku ALA aret me, aap Abaram miike nagagindik, it aakumi Mbaben wonogo menggam o Ut nen eebe wonok wundi wage nagagindik, endage Abarakam toonogo pereegindak o.

Yetaya 37:12

Ndi, an nombomini nen it yi aakumi ndi aakumi o Nggotan mendek inom, Karan mendek inom, Eretep mendek inom, it aakumi Eren mendek o Telatat wonogwe nogo inom, lek eerogo piigo nogogwaarak inagugi nogo nen aakumi ambi neenggime nen ndininabeegwaarak mbaken?

Yetaya 41:9

An nen mbo pinagulik leenogo pinagareegirak nayeloman mini kit aret me, Kit nggween irip-irip me nen wokkinake, O irip me lombok nen wiigirage, Eereegirak o.

Yetaya 51:2

Kinombo Abarakam inom, ndakkinabeegerak kwe Tara inom, pegiigwi, Eeko logonip o. At Abarakam alik wonage me wiige, nale'nggen oba pege, At ombowologwe ambik aret wiganogo piige, Eereegirak kwe,

Yetikiyen 33:24

“Aakumi nen ndarak yi wae. It aakumi o langgu-langgu wambeegim Iterali inanggween paga wonogo logonet, Abarakam alik aret kagak nggween yi abok aret at unde eeppatinuk logowak nduk, wogoreegerak kwe, nit nineebe ambik lombok me, nggween yi, nit unde eeppatinuk logowok nduk, wo'niragagerak kogo o, yinuk, yogwe me,

Linggineegwaarak 10:30

Yoge mbareegi, Kobap nogo nen onggo yoge, “Lek o, naru. Op aret yo'negendak kwe, an nawi alom paga niyokan nowe-nawot iniya nagi o.”

Iberani 11:8

Ndi, at Abarakam kunduk, Ala nen, “Eyate kwak nggween ambi kat unde logonok nduk, wokkirigin me, nak o,” yoge mbareegi, o ti, eenggo'lek kwe kagak, “Abet aret wo'nirigin,” mba'nuk, nagagerak.

Wayu 18:4

Konengge nagarik, wonage me, mbogut paga nen oone alik ambi ari logonet, “Kit an napuri yi wae. It o kota Mbaben maluk eekwi nogo obaga lu'luk arit mbogut ndak-ndak ari lagangge kenok, At Ala mondok aberak wonage me, kinom maluk eerit nogwe kiinok, It maluk onggo inoba piige logonet, kinom kinoba pinagage kero, o time mbo punuk, kole mbaganggo logonip o.