Wakkagagerak 11:7 - Ala Wone Peenok Peebi Mbanak

⁷ ari nagagerik, “It inoone ambit yogwe nogo konen-konen yogo logokwak, inoone inalitak lombok eerogo piyaawok o.”

Wakkagagerak 11:7 ပူးပေါင်းရင်းမြစ်များ

Wakkagagerak 1:26

Obeelom mban wonage kage nagagerik, at Ala nen, “Yogondak aakumi nit ninobaabut-ninetenggen pogom wakkaawok o. Wakkogwe niinok, it nen yi yikwe ndi yikwe niyo nggwok yenggenak laut inikime menggaarak inom, yirowe-ndirowe wiga agan nugu menggaarak inom, yi mendek ndi mendek inigen mbolok lek anebunu lombok inom, inigen mbolok kwi anebunu lombok inom, yi mendek ndi mendek inaanogum paga nugu menggaarak inom, abok aret it nen unde arit nogo logowak o,” yinuk,

Wakkagagerak 10:20

At Kam ombowologwe ndarak ndegek lombok inoone inom, inanggween inom, inanebunu alitak lombok ogo nogogwaarik, nggwok wiganeegwaarak nogo ti aret.

Wakkagagerak 10:32

Ndi, niyo nen yi mendek ndi mendek tigitogon ndonggoninake mbareegi, at Nu apuri ndegek lombok ndaganabit nogo logonet, inanebunu alitak lombok a'nuk, yi aakumi ndi aakumi inanebunu lombok abok aret o nggween paga yime wiganit nogogwaarak nogo, it yi nen aret o.

Wakkagagerak 10:5

It aap yi paga nen yi aakumi ndi aakumi inawi yi aa'nggi paga inanggween inalitak lombok logonet, inanebunu inom, inoone inom, inalitak aret wigannarit nogo nogogwaarak.

Wakkagagerak 11:5

It aakumi o nggwok kirin nggorek wurit laganggwi nogo at Aliku ALA nen enegen iige nagagerik, “Nonggop eekwi iyaamun?” yinuk, pegiya wambi wagagerak.

Wakkagagerak 3:22

Ti eeppiige nagagerik, at Aliku Ala nen ari logonet, “Yogondak it aakumi nogo nit pogom aret ogo nagaarik, maluk-obeelom eeriyak abok aret ineenu agaarak me, eyo ineenik aganaka anggen ti, mbanogo nonggo logomenggaarik, ineenik mondok-mondok aret logukwak, non mbambiyaawok o,” yinuk,

Wakkagagerak 42:23

Yogwe nogo at Yutup aruk konengge logonet kwe, aruk konengga'lek mbaruwak nduk, at ambi nen Iterali wone paga, “Ti yogop yaga o,” yinuk, abut laganogo yogak eeke kenok, aap yi, ninoone aruk konengga'lek aret mbako nogogwaarak.

Ayup 12:20

It aap inoone abe yaga nogo, inoone lek eerogo piige, Aakumi inoweewi iniki warak nen Yi wone ndi wone koonggwi nogo, iniki kobak eerogo piige,

Ndawi 2:4

At wone lengganogo yorage menggim mbogut paga nen inagi'ndok kangge, Ala nen it miyuk-meya eerogo piige,

Ndawi 33:10

Yi aakumi ndi aakumi eeriyak koonogo pegaatak nogo At nen lek eerogo pege, It aakumi inanebunu lombok nen, “Ndogop eeruwok,” mbakwi nogo At nen non mbanogo piige, Eeke menggerak kwe,

Ndawi 55:9

Nogoba wae. O kota paga aap inanini nen maluk eeppiinet nogwe, Ndugwi pit nogwe, O liingge-oonikiya kota pak wurik obaga wanggerit nugu logonet, ugun-ugun eerit nogwe, O kota oolome inanini nen naalop-kaalop eerogo piinet nugwi, It o kota time wone koonak nogo Yale-pale eerogo pit nogwe, Wone mbanggo menggam nen yaga-taga eerogo pugwi, Wi-wi aganabit nogwe, Eekwi iigirak me, Kat nogoba nen it maluk eeka ti, Iniki kobak eerogo piige, Inoone yuurak naalop-kaalop eerogo piige, Eeru o.

Wundeegwaarak 4:11

Yoge mbareegi, Aliku ALA nen at yoge, “Aakumi inamili ti, ta nen ogobakkigireegerak mbaken? Aakumi inoone lek inom, inaruk logu inom, inigen obeelom inom, inigen mbuk inom, Naliku ALA an nen eeppiigeelik mbaken? Naliku ALA nen mban aret eeppiige minggirak o.

Yetaya 33:19

It aap tiyappatit kiya wogo logonet, inoone abu alik me kinaruk konenggwi, kit nen liippugwi, Eeka'lek abu kobak kiigak yogo nogogwaarak nogo ti, kinigen ambinom iyaamunggup lek aret o.

Yetaya 6:8

Yo'nege kage nagarik, ti'nuk, nogoba Ala nen ari konengge logonet, “An ari minggirik wone wonok nawak nduk, ta nappigin mbakop? Ndi, nit nookwak wone ti, taani nen wonok yora noorak mbako agaarik o?” Ari konengge nagarik, “Yi an aret me, an aret nappanu o.”

Yeremiya 5:15

Aliku ALA nen ari logonet, “It Iterali paga wiganak ti, aakumi ambi inoone ineenggo'lek me, yogwe liippugulik wonogwe, O aa'nduk nen nok yogondak kuli inendage lek ageelik mondok ki wonage, Eeke menggerak nogo O nda nen tebenogo piya woraawak nduk, nappiya woraagin o.

1 Korindut 14:23

Togop me, it Ala apuri kuwak eeko menggaarak nogo abok ambit me kuwak eeppunuk, it abok nen inoone alitik-alitak lalin negen woppunuk, yogwe iinok, it aakumi weelek mendek a, Ala wone abet mbaka'lek mendek a, wogo logomenggaarik, it nen, “Aap yi, kumili negen agan nugwi kiraap,” yinuk, yogo logogun lek mbakop?

Pelaareegerak 28:49

Towe pen ware wage nagaatik, towe mappiige menggi kwak, aakumi o nggween irip nda lombok menggaarak inoone kit kineenggo'lek mendek nogo nen, mappinagi woraawak nduk, Aliku ALA nen eeppiige kenok, wogo logomenggaarik,